星期三, 7月 18, 2007

地鐵奇遇

馬沙每天乘搭地鐵上班,總愛觀察車廂中的人生百態。前天馬沙乘搭地鐵上班的時候,當列車駛進車站,兩位不認識的男女乘客上車,並安坐馬沙對面。

馬沙當天特別留意,因為女乘客身上穿著Lolita服飾,跟男乘客的整齊西裝相映成趣。而男乘客手持印有某大會計師行名稱的公事包,亦讓馬沙想起一些往事。

列車慢慢離站,男乘客拿出《am730》細閱。馬沙想知道的,當然是男乘客會否細看自己專欄。

而該女乘客呢?起初還沒有做甚麼,但兩個站過後,馬沙就開始聞到陣陣香味。想也想不到,女乘客竟然在上班時間,一列滿載乘客的地鐵車廂內,打開一盒熱騰騰的「腸粉」享用。

馬沙細心留意坐在她隔籬的男乘客,先用了一個不屑的眼神望向女乘客以表不滿,但女乘客若無其事,繼續進食。

當男乘客第三次望向女乘客時,女乘客竟高聲喝駡男乘客︰「望乜嘢望,而家係唔係食腸粉都唔俾呀?」,再加粗口數句。

車廂一時間靜了下來,大家似乎都在等待該男乘客的回應。

而該男乘客的精警回應是︰「小姐,唔係唔可以食『腸粉』,根據地鐵附例,係乜都唔可以食。連講粗口都唔得!需唔需要我報警?」。

車廂中所有人即時報以熱烈掌聲,而車門一開,女乘客即急步落車。

(7月18日刊於《am730》)

15 則留言:

暗黑的卡夫卡 說...

Change 小姐 to 粉腸 and it will be perfect! hahaha!

Bus uncle 2006 did teach us something...

馬沙 說...

卡夫卡,

我都覺得"Change 小姐 to 粉腸 and it will be perfect"....哈哈....

匿名 說...

馬沙兄,
呢篇好有共嗚,今朝搭地鐵睇你篇文,笑咗出聲,罪過,罪過..

匿名 說...

"女乘客竟然在上班時間,一列滿載乘客的地鐵車廂內,打開一盒熱騰騰的「腸粉」享用。"

港女真係.....絕!

匿名 說...

身穿Lolita服飾,還要食腸粉,這條港女簡直就係「粉腸」.

匿名 說...

近年年輕一輩常有這種不理會他人感受的習慣。是公民教育不足還是自我感過強?

塞米一條揚陸轟炸機 說...

唔知點解,一直都覺得會有人嚮地鐵車廂內進食已經係十分旱見的事,近年似乎已經變成常態,index緊箱講既社會風氣的變化大得無法形容。

匿名 說...

經濟日報港聞頭版:

"單身香港女士對伴侶學歷及經濟能力要求甚高:最少要有大學程度, 月薪3萬以上才會考慮,但就抗拒需要經常北上工作的男人.." @_@"

匿名 說...

terence:

學中大學生報話齋,認為自己「我無錯」,咪乜都可以去做羅.

許港生 說...

都唔係覺得有錯無錯的關係,而係而家的年青人"目中無人"姐,只顧滿足自己,懶理他人,個個唐伯虎再世咁:"別人笑我太瘋癲,我笑他人看不穿"。

另外,個西裝型男咁見義勇為,冷靜不特止,仲一針見血、據理力爭,極有渣老闆的雄風!

香港......仲有未來!:-)

匿名 說...

答得好...答得妙!!

seikomatic 說...

沙沙,

蝦...呢排好似㊣義超人多左蒲頭,渣哥系戲院超人上身叫人收聲唔講電話,妹妹叫人同快餐店阿姨講對唔住,呢位人兄叫人唔好齋食腸粉,加埋咖哩魚蛋就仲㊣!成日仲系藍天白雲,唔通風水真系轉左.........

匿名 說...

馬沙兄,
現場既畫面都真係好有趣喎...哈哈哈...仲要著Lolita,拎盒「粉腸」...如果真係要做Lolita既,唔該佢at least睇下「下妻物語」啦...

馬沙 說...

ak兄,

"車廂一時間靜了下來,大家似乎都在等待該男乘客的回應。"

相信大家呢一刻忍笑最慘...

許港生 說...

剛剛睇左Freakonomics Blog的一篇Entry,Levitt提到係Money magazine度有個新既專欄作者叫自己做"The Mole",以行內人身份專寫D Financial planner行內不為人知的流弊,唔知點解,我覺得馬沙你在香港會計界都有同樣的效果:-)

得閒就睇下篇entry,得幾隻字,好快睇哂:
http://www.freakonomics.com/blog/2007/07/18/the-mole/