星期二, 4月 01, 2008

年紀大機器壞

剛過去的周日,馬沙所屬教會舉辦足球同樂日。馬沙數周前收到通知,即答應出席。一來可做下運動,二來又可帶仔仔去球場玩樂。不過講到正式落場踢波,上一次已經是約5年前的事。

還記得5年前是跟九龍某名校的一班高中生作賽,當時已深感平日少做運動的自己,體能每況愈下,與年輕人的差距愈來愈大。5年後的今日,要落場踢波,除了要擔心體能外,更要擔心肚腩日漸增大的自己,能否在球場上跑動。相信這個就是一班年紀已過30又逐漸接近40,曾經是運動健將的中年人的悲歌。

所謂「年紀大,機器壞」。馬沙當日落場的是個草地足球場,事前當然要做足一切熱身運動,出場前亦不停提醒自己量力而為,感到任何不適,應立即離場休息,免得成為翌日報紙「中年漢球場猝死」的主角。

不過,年輕時曾屬某足球代表隊的馬沙,一落場幾乎乜都忘記。司職前鋒的馬沙,又變身為年輕時偶像巴治奧,頭頂腳踢樣樣齊。最終憑著單刀埋門盤過龍門取得入球。不過年長球員取得入球,往往需要付出代價。由於高難度射球,落地時不慎後腦着地,昨天仍頭痛非常。經驗所知,撞倒後腦可大可小,可幸直至昨晚,仍未有出現抽筋、嘔吐暈眩等微狀。但經過一場劇烈運動,昨天全身骨痛難當。

不認不認還需認,我真的老了!

(4月1日刊於《am730》)

Roberto Baggio (羅拔圖巴治奧)

6 則留言:

阿榮 說...

對於就快38歲的我,實在太有共嗚。我細個都係足球小將,而家成個咸蛋超人,每次出場只有15分鐘能量,15分鐘後一係出場休息,一係走去守龍門.....

柏天尼 說...

"肚腩日漸增大"真後人到中年的天敵!

我的肚腩由30歲開始出現,一路有增無減,現在跑起來都幾辛苦。

若缺齋老人 說...

唔踢得波,不如跟本豬學太極如何? XD

Gary 說...

馬沙兄,

我年青時頭號偶像都係巴治奧,我地應該係同期,我當年代表花花青年軍,唔知有無試過同場對賽!

我未夠30歲就收山,但每次見人話去踢波,內心都好想加入。如果有機會一班同係年近40的人踢返場波,我諗都幾好玩。

巴林 說...

死啦 ! 我二十幾歲都肚腩日漸增大同埋機器愈大愈壞,小時候都算足球健將, 但係好耐無踢波啦,都係要多做運動 !

我偶像都係Roberto Baggio, 因為他喜歡了意大利國家隊 !

學 霖 山 莊 說...

原來馬沙兄就係神奇小馬哥...

失敬~ 失敬~