星期二, 5月 06, 2008

慢性自殺

通脹時代來臨,市民每天面對各式各樣的加價壓力。以馬沙最愛的五香肉丁為例,近半年的加價幅度簡直離譜。現今香港好似返回80年代,市民天天唱住Sam哥首經典名曲《加價熱潮》,糖又加,鹽又加……。

早兩天連報販都建議報紙加價2元,如方案落實,相信報販估計每賣出一份,可多收約兩毫至七毫去改善經營困難。但這如意算盤很難打得響,因為若報紙加價2元(即33%),幾乎肯定收費報紙的銷量會大幅下跌,加速市場上幾份細報步向死亡。

在Web 2.0時代,已鮮有年輕人購買收費報紙閱讀,一來他們平日甚少關心時事,二來他們認為只要安坐家中,透過上網就能找到想要的各類新聞訊息。

至於對每天清早,手中無報紙不歡的長者來說,8元肯定太貴,攞齊兩份份免費報紙才是上算。

馬沙這類剛步入中年的人,理論上懂得怎樣上網看報紙。但因為習慣使然,每朝總要實實在在地手執一份報紙才安樂。其實自從免費報紙出現,馬沙已好少買報紙。其一是方便,出門口就拿到;其二是免費報紙方便在上班途中閱讀。

作為免費報紙《am730》專欄寫手的馬沙,每天上班途中,在車上睇一份《am730》,之後在茶餐廳食早餐時,再睇一份由茶餐廳免費提供的收費報紙。遇有大新聞發生,上網到各大小討論區,唔止新聞,就連讀者評論都齊全。收費報紙加價$2元,實形同慢性自殺。

(2008年5月6日刊於《am730》)

加價熱潮

11 則留言:

匿名 說...

最好加到10元一份啦, 睇下有那些報紙可以留下來.

Jack 說...

"如加價2元方案落實,相信報販估計每賣出一份,可多收約兩毫至七毫去改善經營困難。"

報館唔係主要賺廣告費架咩?

如果加價2元,最終又係益報館,咁加價黎做乜? 我一定會叫屋企人唔好買。況且而家好多人都係睇免費報紙既。

Grace 說...

宜家有免費報紙
收費報紙再加價
買報紙既人只會越來越少

Karen (Sze) 說...

所以今日報販協會都取消加報紙價啦!

不過, 一些便利店同一些報販多會減一元, 咁樣做會否令佢地一致地唔減呢?

巴林 說...

佢地之前一定係低估左銷量減幅 !

匿名 說...

我至小五年無買過報紙, 只係上網睇,

自從我阿媽上網買股票後,佢都無再買報紙,慳返$ !

$8 定 $6, 對我來講無分別

Alex 說...

六七年無買過報紙,一來太大份,二來無時間慢慢看,依家看免費報算!

個報敗話統一價錢,聽到都覺佢傻,如果得,百記惠記又要辦館統一價錢,屈記萬記又要藥房統一價錢,茶餐廳又要快餐店統一價錢,港鐵又要巴士統一價錢................

Mak 說...

而家我連收費報紙都費事拎,好似頭條同AM730咁,上網睇算la!

報紙應減價以與免費報紙競爭,而不是自殺式加價!減價的話,銷量上升,反而賺到錢! 

馬沙 說...

所以我話如果收費報紙加價$2元,實形同慢性自殺!

匿名 說...

將來報紙應該付費給看報紙的讀者→

亞寶 說...

如果收費報紙加價$2元,點只慢性自殺,直頭割脈自殺!很快見效!