星期二, 5月 27, 2008

職業所害

不知何解,好多時報章報道新聞時,如被告是專業人士,就算該案件與其職業無關,都喜愛以被告之職業為報道標題的開首,如醫生破產、律師自殺或會計師醉駕等。

作為專業人士的一員,馬沙覺得除非案情中被告涉及違反其相關專業的操守,公眾有知情權,例如醫生涉及醫療失當、律師未有維護其當事人利益,會計師監守自盜等等。否則報道實在沒有必要在標題中,特別指明被告的職業。事問專業人士干犯一般刑事案件,與一般市民有何重大分別?相信好多專業人士都應該有同感。

早前馬沙就看到有段新聞報道,標題為「會計師非禮家中菲傭」。馬沙睇來睇去,照理用「僱主非禮家中菲傭」就可以,自問非禮案與其會計師職業有何相干?最不幸的是,有時湊巧某些案件連續發生在某類專業人士身上,可能令人誤解該類人士,特別容易犯上相同案件。

記得有一年,報刊連續半年多次報道有會計師不堪工作壓力自殺。在那半年裡,馬沙每次遇到長輩,當他們知道馬沙職業又需要長時間工作,就頻頻勸解馬沙要睇開啲,生怕馬沙會受不住工作壓力而自殺。馬沙每次都跟他們說,香港幾乎隔日就有人自殺,只不過報章特別喜愛大字報道醫生、律師及會計師而已。自殺案根本絕對不是會計師的專利,況且香港幾乎所有職業都正面對沉重的工作壓力,所以自殺與馬沙的職業完全沒有關係,長輩才放下心頭大石。

(2008年5月27日刊於《am730》)

13 則留言:

若缺齋老人 說...

仲有一個原因:香港會計師實在太多,真係要乜有乜,要犯案有犯案、要自殺有自殺...當一個「專業」幾乎等於勞動人口2%時,有乜唔關會計師事?

(當然,仲有一個原因係香港記者平均水平...你要佢起題搵下新意都難。)

耶青 說...

下???? ??

呢D標籤性歧視一向都係基督教既基礎bor,好似誣衊下同性戀者係道德罪孽咁。。。

賊喊捉賊??

sherman 說...

現在明白了,基督教對罪的標準是最嚴格, 是一個真實的信仰; 多謝耶青提醒!

傅斯年 說...

今日太陽報頭條, 老師車震呀!

有股怪 說...

傅斯年,

馬沙兄話"馬沙覺得除非案情中被告涉及違反其相關專業的操守,公眾有知情權。",就應報導其職業!

為人師表保護學生就係老師的相關專業操守,老師同學生車震,就違反其相關專業的操守,公眾有知情權。馬沙兄講得無錯喎!

反而今日白粉報同太陽報用"婦團轟壹傳媒敗壞風氣 李蘊案司法包庇種惡果 33歲男15歲女 師生車震"作標題,就正正反映馬沙兄所講,標題跟案件唔知有乜關係,標題純為插生果報而起!簡直0n 99!!

匿名 說...

比東方同太陽, 蘋果寫得中肯D

至少解釋到點解只係告個男人非禮
而唔係衰十一

讀者甲 說...

白粉報同太陽報又借機插壹傳媒,我知白粉報同太陽報唔悶,但我身為讀者,覺得好Q悶。

白粉報讀者乙 說...

讀者甲,

今朝一起身,見到白粉報同太陽報標題,心諗師生車震又關生果事,就忍唔住笑左出黎。

若缺齋老人 說...

讀書甲:有樣野叫用腳投票。

seikomatic 說...

沙沙,

外國有d 【統計】,最中意S&M 既就系律師、醫生...等專業界別。

俺覺得系因為佢地最有錢同知識背景去欣賞呢d 小眾玩意。

讀者甲 說...

若缺齋老人兄,

我在會所睇免費報紙,唔駛用腳投票啦!

愛心人 說...

我今日都經過報攤望了《太陽報》的標題, 商界互相競爭冇問題, 相信不少巿民亦會鼓勵。 但太陽報(及東方日報)似乎已不是第一次對黎智英進行「人身攻擊」。人身攻擊都唔緊要, 但用到「淫賤黎」來話《蘋果》淫賤, 便有點好笑。 蘋果有風月版, 東方一樣有「男極圈」, 一樣咁淫賤! 但係,「蘋果」冇賣一樓一鳯廣告, 似乎都未夠東方同太陽淫賤喎!

匿名 說...

不好意思﹐ 當看到你長輩頻頻勸解你要睇開啲時﹐ 我有點想笑出來了。