通脹時代來臨，市民每天面對各式各樣的加價壓力。以馬沙最愛的五香肉丁為例，近半年的加價幅度簡直離譜。現今香港好似返回80年代，市民天天唱住Sam哥首經典名曲《加價熱潮》，糖又加，鹽又加……。
早兩天連報販都建議報紙加價2元，如方案落實，相信報販估計每賣出一份，可多收約兩毫至七毫去改善經營困難。但這如意算盤很難打得響，因為若報紙加價2元(即33%)，幾乎肯定收費報紙的銷量會大幅下跌，加速市場上幾份細報步向死亡。
在Web 2.0時代，已鮮有年輕人購買收費報紙閱讀，一來他們平日甚少關心時事，二來他們認為只要安坐家中，透過上網就能找到想要的各類新聞訊息。
至於對每天清早，手中無報紙不歡的長者來說，8元肯定太貴，攞齊兩份份免費報紙才是上算。
馬沙這類剛步入中年的人，理論上懂得怎樣上網看報紙。但因為習慣使然，每朝總要實實在在地手執一份報紙才安樂。其實自從免費報紙出現，馬沙已好少買報紙。其一是方便，出門口就拿到；其二是免費報紙方便在上班途中閱讀。
作為免費報紙《am730》專欄寫手的馬沙，每天上班途中，在車上睇一份《am730》，之後在茶餐廳食早餐時，再睇一份由茶餐廳免費提供的收費報紙。遇有大新聞發生，上網到各大小討論區，唔止新聞，就連讀者評論都齊全。收費報紙加價$2元,實形同慢性自殺。
(2008年5月6日刊於《am730》)
加價熱潮
11 則留言:
最好加到10元一份啦, 睇下有那些報紙可以留下來.
"如加價2元方案落實，相信報販估計每賣出一份，可多收約兩毫至七毫去改善經營困難。"
報館唔係主要賺廣告費架咩?
如果加價2元，最終又係益報館，咁加價黎做乜? 我一定會叫屋企人唔好買。況且而家好多人都係睇免費報紙既。
宜家有免費報紙
收費報紙再加價
買報紙既人只會越來越少
所以今日報販協會都取消加報紙價啦!
不過, 一些便利店同一些報販多會減一元, 咁樣做會否令佢地一致地唔減呢?
佢地之前一定係低估左銷量減幅 !
我至小五年無買過報紙, 只係上網睇，
自從我阿媽上網買股票後，佢都無再買報紙，慳返$ !
$8 定 $6, 對我來講無分別
六七年無買過報紙，一來太大份，二來無時間慢慢看，依家看免費報算！
個報敗話統一價錢，聽到都覺佢傻，如果得，百記惠記又要辦館統一價錢，屈記萬記又要藥房統一價錢，茶餐廳又要快餐店統一價錢，港鐵又要巴士統一價錢................
而家我連收費報紙都費事拎，好似頭條同AM730咁，上網睇算la！
報紙應減價以與免費報紙競爭，而不是自殺式加價！減價的話，銷量上升，反而賺到錢！
所以我話如果收費報紙加價$2元,實形同慢性自殺!
將來報紙應該付費給看報紙的讀者→
如果收費報紙加價$2元，點只慢性自殺，直頭割脈自殺！很快見效！
發佈留言