星期四, 6月 26, 2008

瘋中追風

熱帶風暴「風神」昨天為大部分市民帶來半天假期。由於天文台一早表示中午前改掛3號風球,所以大部分打工仔都準備好午飯後上班。一些有心人為免上班時遇上交通擠迫,更索性在8號風球除下前出門上班。

8號風球除下之後,馬沙走到窗前細心視察街道上環境。留意到附近屋苑,開始有趕著上班的私家車陸續駛出。由於風大雨大關係,相信有部分假日司機為了方便緣故,選擇駕車上班,順便一嘗在颱風中駕駛的樂趣。

以馬沙昨午駕車途中所見,很多私家車的車速就比「搵食車輛」還要快。馬沙好多時都在想,究竟香港的私家車駕駛者,是對自己駕車技術過份自信,還是駕駛危險意識太低。昨天連向來行車速度十分之高的專線小巴,都以比該路段的限速為低的車速行走。但馬沙就見到有多輛私家車嫌棄專線小巴車速太慢,竟在單線雙程行車的山路爬頭。

馬沙覺得作為駕駛者,除要顧及自身安全外,亦要顧及其他道路使用者的安全。尤其颱風過後,就算每天駛經的同一路段,隨時都會有令人意想不到的奇事出現。

馬沙就以昨天曾走過的一段山路為例,沿途計有大大小小被強風吹斷的樹木殘支,一棵連根拔起倒在路旁的大樹,多個倒下的巴士站路牌及一排倒在路上的工程圍欄,情況有點兒像參與障礙賽,真係睇少兩眼都唔得。

如果閣下還堅持要瘋中追風,請留待大家入睡後才追吧,免得有人被閣下所害。

(2008年6月26日刊於《am730》)

6 則留言:

匿名 說...

"【明報專訊】一名快做第三任爸爸的孝順仔,前晚駕「辣車」載同懷孕7個月妻子及兩名年幼女兒,在天文台懸掛8號風球前夕疑心急趕返家,途至九龍城太子道天橋時失控越線,與休班女警所駕的私家車迎面硬撼,兩車均凹陷損。「辣車」內一家四口浴血,司機與懷孕妻重傷被困,要由消防員救出送院。由於孕婦昏迷命危,抵院後需立即剖腹,不足月的「七星仔」順利取出,但其父母卻危在旦夕,其兩名姊姊亦需送院,添了新成員的五口家命途多舛。"

風大雨大,有大肚婆及一家大細都係車度,就唔好開咁快喇..唉....

匿名 說...

三十幾歲人就嚟做三個細路嘅老豆,自己炒車仲可以第一時間搵人賴,對三個細路嚟講係悲劇.

Hana 說...

馬沙兄你覺唔覺啲人除咗雙白線切線外總特別中意拔前面駕正常速度行的車,定係淨係針對女司機呢?

馬沙 說...

Hana 姊,
香港人揸車真係好冇品,唔打燈就爬頭。

你依足方法一早打燈咩,D人即刻比足油衝前唔比你Cut係佢前面。

唔好話針對女司機,我去西貢都成日比後車推!

我用正常速度行車比後車推或拔時,我會越行越慢,佢越推或拔咩,我就行40km,再推或拔咩,我打死火燈停車,佢想超車時,我又開車....係唔比佢超車....

我最憎在燈位排頭車時,綠燈未轉定後車係咁拔我,好似開慢幾秒會死咁!我係唔開,打死火燈,等多次紅燈,佢就知錯!

人见人爱的小西 說...

路过~~~

KaKa 說...

hahahaha...馬沙好搞笑, 你做得好好...我都好唔鐘意d人開快車, 懶形咁..