星期二, 7月 08, 2008

間接受害人

商品原料價格愈炒愈高,令市民面對通脹壓力。薪金加幅又未必能追及通脹率,存款利率奇低,股市氣氛有待觀察,樓市又有回落跡象,投資者就算持有資金,可能都不知如何自處。

油價再創新高,最大間接受害人,當然是面對幾乎每星期都要加油價的車主。要避開愈見昂貴的油價,車主惟有少揸車外出,轉乘各類公共交通公具。

糧油價格飛升,餐飲業面對經營困難,無可避免要將部分成本轉嫁給一眾市民。馬沙光顧開的茶餐廳今年就已經加價兩次。有部分近日更將向來凍飲加2元的傳統,更改為加3元。早兩年一份三文治早餐只需16元,今天就要差不多20元,馬沙都開始有啲肉痛。

唔想肉痛,固然可以減少食早餐次數。但有些人對物價飛升,似乎避無可避。他們就是一眾準新婚人士,時機成熟,無理由唔結婚住啩。先講酒席,就算肯退一步唔去酒店擺,大酒樓平均一席已加價至近6,000元。另外金價這幾年升幅近倍,一對大方得體的龍鳳鈪,價錢亦增至近3萬元。

馬沙上周有幸出席某大型金飾工場的年結盤點,主事人話金價去到呢個位,飾金生意已受嚴重打擊。除龍鳳鈪及賀壽金牌等賀禮外,已好少人買金飾自用。主事人仲話佢哋去年盈利全靠工場存金得來。這些紙上富貴,當金價見頂回落,要全數嘔番出來,因為要維持盤生意,存金量幾乎一両都不能減。

問主事人金價是否即近見頂? 佢話有排都未見。

(2008年7月8日刊於《am730》)

9 則留言:

若缺齋老人 說...

可惜年老色衰冇人吼,否則而家結婚收禮就和味囉! XD

渣估 說...

Starbucks 都要裁員關店喇... 小小企唯有開源節流啦...

大口仔 說...

好彩大口仔舊年PLAN左結婚,大半年前訂左酒席,大口老婆之前幫另一個朋友問同一個酒宴場地,價錢貴了25%。

仲未計影相、佈置同其他雜費的升幅,條數好襟計。可能因為自己係過來人,我今年去朋友婚宴都增加了人情數目,仲超過通脹升幅TIM。哈!

馬沙 說...

渣老闆,
Starbucks 唔係我杯茶,同一價錢,我情願去茶仔飲多幾杯咖啡,支持下小小企。

大口仔,
老友年尾在四季擺,淨係場地佈置要成3萬銀 >_<"

nardo 說...

馬沙兄, long time no contact!
可唔可以拉開話題?

我今日收到個好奇怪O既EMAIL, from Paul M.P.Chan:

親愛的XX,
我參加了昨天國家副主席習近平與香港政、商及專業界的會面和晚宴,他宣佈商務部即將公布新一輪利便香港服務業進軍內地的措施。

對於會計界,估計有多項措施,其中最期待的是關於香港會計師考取內地專業資格的優惠安排,包括兩個方面:
(一)
互免考卷的數目由現時的 2科增至3科,日後香港會計師只須考內地的「稅法」和「經濟法」;
(二)
互免考卷安排將擴濶至包括所有香港會計師公會的會員,即不再只限於經公會「QP」考試的會員。
這是我們多年來努力為業界爭取的成果之一。
習副主席又提到廣東會為香港服務業提供新的機遇,這也是我們近年一直為業界努力爭取的重點,具體想法容後再談。
順帶一提,我的個人網頁 www.paulmpchan.org 已於上月跟我的新書「清心丸」同時面世,懇請瀏覽賜教。歡迎您的任何查詢和意見! 順祝

健康愉快

茂波

第一,請問呢樣野係由hkicpa為我地爭取,定係paul chan為我地爭取? 佢開始o既時候話佢只係"參加"左昨日o既會面同埋晚宴, 跟住習近平就o係會上宣佈左d措施.....可唔可以話有份出席o既"香港政、商及專業界"都有份爭取?
第二,另外,paul chan又唔係chairman,又唔係committee,如果呢樣野係由hkicpa為我地爭取,點解個email用paul chan名義發出?
最後,點解paul chan有晒我地o既email?

我有一個"陰謀論",我覺得由而家到選舉期間,所有hkicpa o既政績,都會用呢位又唔係chairman,又唔係committee o既普通會員o既名義發表....
HKICAP係話佢地會保持中立o既咩?

Kunoichi Terminator 說...

質價升
人工唔升
你唔覺有問題?

馬沙 說...

nardo,

「功」係唔係應該由佢領我唔知,我淨係知佢理論上唔應該有會員資料!而呢一點我已係4月専欄中指出。

http://charblogger.blogspot.com/2008/04/blog-post_29.html

nardo 說...

咁樣算唔算係變相拉票?

馬沙 說...

nardo,
算唔算? 心照吧!