星期四, 7月 24, 2008

割價保命

有報道話近月樓市低迷,地產界將掀起裁員潮。又有專欄作家以「樓價隨股價跌三成」作標題,以股價預測樓市。馬沙4個多月前指出,只要用家不買入所謂假豪宅或當炒盤,又只做七成按揭,仍是買樓好時機。直到目前,此睇法仍不變。

究竟地產界裁員潮,跟未來樓價下跌有否必然關係呢?未必!

首先,上年樓價整體大幅上升,加上多個大型樓盤開盤,引致多間地產代理行加速在各區增設分行,亦吸引好多年輕人加入地產代理行業。根據地監局資料顯示,07年至今年6月,公司牌照數目由1,354個增至1,591個,上升237個 (17.5%)。個人牌照數目則由21,336個增加至22,865個,上升1,529個 (7%)。

今年樓價在大升後作出整固,好多用家惜貨,不肯減價。準用家又抱觀望態度,不敢追貨,祈求幾個月後能以更低價錢買到心頭好。雙方拉鋸下,交投點會唔淡靜?在沒有多少大型炒盤緊接開售,地產代理僧多粥少,唔減少分行數目及裁員先奇。

目前由用家主導的10年樓齡以上二手樓 (熱炒屋苑除外),樓價尚算合理,下跌空間有限。

反觀07年下半年高追幾個熱炒屋苑,以及買入所謂假豪宅的新盤買家,情況就非常凶險。這些盤多由炒家主導,冇人肯接貨,為求保命,會不惜割價求售,甚至撻訂止蝕離場。可憐買入這類盤自住的用家,未入伙就大蝕收場。

不過,當土瓜灣叫價近8,000元一呎都仲敢買,又怪得了誰?

(2008年7月24日刊於《am730》)

3 則留言:

匿名 說...

agent死關我地乜野事..."問題"係太多供應(agent),需求(買賣)追唔到供應(agent數目)結果必定係供應要減少! 一係就需求要大增!

何況2萬幾人做agent...成交1萬都叫高..總有人做唔來...炒100實在太少~

匿名 說...

當租金收入能夠供樓, 業主不願割價是理所當然...

Kit 說...

"不過,當土瓜灣叫價近8,000元一呎都仲敢買,又怪得了誰?"

土瓜灣假豪宅 翔 龍 灣 5 座 高 層 C 室 , 面 積 1,090 方 呎 ,以 881 萬 元 成 交 , 原 業 主 約 10 個 月 帳 面 蝕 67.3 萬 元 (貶 值 約 7.6%) 。