星期四, 7月 17, 2008

Cash未必係King

早幾日同個一班老友飯局,講開投資,老友A猛話依家Cash is King! 對於股票市場,老友A就睇得好淡,指大部分專家都話恒指有機會下試17,000點水平,到時一定大手掃貨。

由於目前港元存款接近零息,加上外幣近日繼續上升,於是老友A就把心一橫,將大部分現金轉成加幣、澳元及人民幣定期存款,實行財息兼收。

其實以目前環境,投資在各個市場,都有一定風險。刻下是否Cash is King,馬沙個人就好唔認同。點解咁講?

因為目前港元兌各國貨幣不斷下跌,主要原因唔係外幣相對港元強,而係受制於港元跟美元掛鈎。目前美元積弱,香港人唯有陪老美一齊活受罪,共同面對購買力下降。

那麼將港元換成外幣又是否上策呢?

個人認為風險比揸港元還高。正所謂成也美元,敗也美元。

如今美國正面對金融危機,油價及金價被炒至天高,有人更揚言油價會升至200美元。家油價明顯是大泡沫,最終會否真的升至200美元就唔知,但就十分似上年恒指上破3萬點時,人人明知有泡沫,但好多專家話恒指可以升至4萬點。結果係點,大家有目共睹。

如果油價泡沫爆破,美元隨時可以升到你唔信,揸住外幣的投資者後果會點,請自己諗。

所以在沒有絕對信心的情況下,無必要將手頭資產作無謂轉移,因為分分鐘偷雞唔到蝕渣米。揸現金就繼續揸現金,揸股票就繼續揸股票。

至於馬沙自己點做呢?

就係努力在下半年收集某兩隻中資金融股同滙豐(005)!

(2008年7月17日刊於《am730》)

5 則留言:

大口仔 說...

唔知馬沙的某兩隻中資股同大口仔的選擇是否一樣呢?我的選擇是中人壽及招行。

匯豐我都長期集中主力收集中,哈哈!

jolie 說...

兩隻中資股是不是建行和工行?

馬沙 說...

大口仔,

全中....哈哈!

大口仔 說...

馬沙:呵呵,那咱們主力增持的資產都一樣咯,英雄所見略同!:)

說...

油價係天然資源,而且存量有限,跌極有底,除非發明新能源能代替原油,否則油價絕對唔會跌得好耐。

美元弱勢除左油價之外仲有次按等經濟基層上出現問題,令注資入美國既投資者都對美元欠缺信心。因為經濟不竟氣而令美國無能力加息,美元亦唔會回升。

hmm.. 好明顯我都係企喺較接近 17,000 點個邊....