星期二, 7月 22, 2008

罷工

繼維他奶員工早排罷工,昨天又有約200名屈臣氏蒸餾水運輸員工,因要求調高底薪和佣金而罷工。執筆時勞資雙方談判破裂,送水服務將繼續受到影響。昨天網上及電台評論節目,幾乎一面倒支持運輸員工。而大部分網民的理由是指罵李超人為無良僱主居多,鮮有網民認真討論運輸員工薪酬是否真的偏低。

更有電台節目主持人在大氣電波中呼籲全港市民、商業機構及政府部門,由即日起罷買屈臣氏蒸餾水。馬沙個人就覺得,屈臣氏的運輸員工薪金是否不合理,作為行外人,根本好難判斷。但作為電台節目主持人,只根據有限度的資料及單憑那個職工代表李卓人之詞,就大罵屈臣氏無良心及公開呼籲市民罷買屈臣氏蒸餾水,實在有欠公允。

咁究竟呢班運輸工人薪金是否真的偏低呢?馬沙就認為先要知道該班運輸工人的每月平均實際薪金,再去跟同業作出比較。據資方指出,現時司機的平均月薪為17,000元,而跟車工人平均月薪則為13,000元。代表勞方的李卓人,就話司機平均月薪介乎14,000元至15,000元,而跟車平均月薪則介乎9,000至11,000元。當中究竟誰是誰非,看來只有勞資雙方才清楚。

但值得注意一點,是勞方指出薪金在過去10年,未有很大調整,所以在面對通脹的今天,資方是無良僱主。換句話說,即過去10年薪金差不多一樣。可是若在董建華時代,當7,000元都好容易請到一個大學生時,運輸員工可以支取上述薪金,資方對員工都算不薄。

(2008年7月22日刊於《am730》)

24 則留言:

匿名 說...

我同意你的觀點. 但現在由政客到一些傳媒,都以譁眾取寵為能事,對香港社會沒有好處.

匿名 說...

文化大革命式加人工,批鬥老闆

匿名 說...

李卓人條友想進一步削弱香港o既競爭力

匿名 說...

"但作為電台節目主持人,只根據有限度的資料及單憑那個職工代表李卓人之詞,就大罵屈臣氏無良心及公開呼籲市民罷買屈臣氏蒸餾水,實在有欠公允。"

有冇人知馬沙講邊個?

匿名 說...

d懶音好惡頂的肥婆玲!!

匿名 說...

照呢的資料睇, 我覺得屈臣氏冇必要再加佢地人工.

細個唔讀書, 大個做運輸. 做運輸都有皮幾野, 仲想點?

匿名 說...

我好同意你的睇法,算唔算合理,同其他運輸同業比較下就知。

大家要先摒棄 "老細" 一定係無良,"打工仔" 一定係長期受壓既概念,然後去分析。

查實而家好多大學生一日做10幾個小時,都係提萬幾蚊一個月。

另外,唔覺得電台節目主持人肥婆玲的高見同任何的屋村師奶有什麼分別。

匿名 說...

李惠玲講野表達方式好似八婆,內容多數老屈無事實基礎,所以毓民成日小佢。

匿名 說...

所以佢叫中姦人

seikomatic 說...

沙沙,

各為其主啦。

渣巴士都好似話一皮頭左右,渣小巴隨時唔夠一皮。開送水車咱們唔知駛唔駛搬埋?渣佢地d車要有大牌系咪專業d呢;不過出得泥攪大佢,一定系背後有莫大的冤屈,一系好有把炮唔怕一鑊熟。

樹大招風啦,俺覺得超人成日比人小都唔知惦解。+x 除左要親自去格百佳價之外,仲要管埋屎水工潮,仲邊有時間打波呢?

但中午出泥大聲講野果位屎水管理層就 yep D,好心搵個似樣既出泥。

今朝商台話1/3系底薪,而家要求6隻其實除三得兩隻,拔俺聽到話佢地要求底薪同佣都系六隻,咁惦除都系六隻啦,呢d先系誤導。

匿名 說...

嘩,終於有人講李惠玲呢件野,又嘈又無料,講野又陰濕,,開親口講野好似未開化果D街市賣菜婆咁,D懶音惡頂到不堪,成日以為自已係商台一姐,聽到佢把聲立即轉台,不過有時搭小巴或的士被迫聲佢D疲勞轟炸,真係好難受,乜商台無人用咩,搵個洗廁所黎開咪?

K 說...

>>作為電台節目主持人,只根據有限度的資料及單憑那個職工代表李卓人之詞,就大罵屈臣氏無良心及公開呼籲市民罷買屈臣氏蒸餾水,實在有欠公允。

同意, 屈臣氏運輸員工薪酬是否真的偏低, 除了要睇番多間同業/相類運輸機構的平均薪酬和政府數據, 工人的年資和工作技能(是否淨係送水, 定係要做埋司機)以作比較, 亦要計埋有關工作時間和件數, 以及是否有其他員工福利等。

而且, 有否留意這些罷工行動, 必有工會團體撐腰和幕後策劃行動。

>>查實而家好多大學生一日做10幾個小時,都係提萬幾蚊一個月。

有些更是只得月薪八千多元起, 工作六天加十多個小時。

此外, 大家亦不要忘記, 屈臣氏運輸員工不但運送屈臣氏蒸餾水, 還有好幾隻牌子的蒸餾水和飲品, 影響性絕對不小。

又, 李卓人先生身為職工盟代表, 亦是今屆立法局新界西候選人, 他這樣做是否有政治目的? 還是真心幫這班人?

匿名 說...

無論資方講乜, 班工人一早就打算唔接受架啦.
成班人笑笑口咁, 李卓人又可以上下鏡, 幾 happy 呀.

匿名 說...

跟車應該係約萬二蚊

個價都算幾合理, 唔叫做好多, 但肯定唔算係刻薄

匿名 說...

對呀!當時我睇電視聽到做開貨車的也有萬七元,我直情嘩一聲叫出黎!同意馬沙所講如果十年來大致數萬七蚊一個圓,實在使人羡慕死啦!依家入息中位數係一萬,佢地個個超過中位數七千,真係不得了,仲罷乜鬼工!

李惠玲一向都咁無賴,講野尖酸,態度偏心,簡直映衰傳媒同工!

肥你 說...

其實大家又何常唔係用極少既資料又有左結論呢. 我都記得我之前見個送水既, 原本睇落最少都有2百4,5十lbs, 但見佢送水送左一個月, 即刻成個日瘦晒. 個d 都係辛苦$黎既(體力勞動+腰酸背痛, 係office 換水就知乜事了). 不過我都對佢佢地個人工有'嘩, 都幾多喎'既感覺.

雖然做老闆都有好多不足為外人道既辛酸. 但老闆永遠都手握決定權, 所以當有勞資糾紛一定就會被視為強勢一方, 所以有聲音遍幫一d 都唔出奇呀. 但係呢件事都唔見大眾聲音一面倒遍幫勞方, 咁最起碼香港人都仲會停一停, 諗一諗.

哥斯拉 說...

電台名嘴不但是主持人,有時更兼做政冶評論員,一早已有偏見,等如球証身兼球員落場,對手有口難言。

每間公司的薪金,福利及出糧方法都不同,做保險及地產經紀部份是沒有底薪,咁點樣去比較呢?要比較就問一問城市蒸餾水。

工潮咁快解決,送水服務應該會在三四個月內加價!

匿名 說...

I totally agree with you Char!! we should all support Lee Ka Shing!!! he is the proud of hk!! Lee ka Shing is so patriotic working so hard to get money and donate to everywhere! If those people work hard like Lee Ka Shing than they dont even need to strike to get $$! And he support democracy so much that he is a good guy!!

匿名 說...

[另外,唔覺得電台節目主持人肥婆玲的高見同任何的屋村師奶有什麼分別。]

c9 好過佢

馬沙 說...

以上民建聯(DAB)相關人士,你又喺到 agree 我乜Q 嘢呀?

我唔支持班工人,唔係等如支持李浮雲!你地有讀寫障礙嗎?

「we should all support Lee Ka Shing!」 <---- 我地做乜要支持佢,支持佢去 PK SHOP 買嘢有折嗎? 精神病!

從你地係我留言板的一言一行,九唔搭八,使我對民建聯越來越反感! DAB is the bad....

匿名 說...

身在福中不知福!
電台節目主持人,呼籲市民罷買屈臣氏蒸餾水,如果大家聽佢枝笛,屈臣氏執左,睇李卓人呢條友去邊度同呢班跟車搵返o的萬幾蚊嘅工。

匿名 說...

文化大革命式加人工,批鬥老闆... minimum wage is also part of the movement that hurts HK's competitiveness, increases inflation... etc. But people are short-sighted and Donald is also not doing a good job, so HK...... depends on God. Pray a bit more la.

匿名 說...

coz we are good allies!!!!!!
we all hate those fake democratic parties!!! universital suffrage is bad for hong kong!!!!! I agree with you!

匿名 說...

香港送水工人有這樣的收入,夸張! 國內大城市送水工人:貳元/桶(包運輸,搬貨),平均日送水30-50桶.他們也只有認命(讀書少,環境差)!
建議香港同行:此等回報,他日大把人同你爭,早出晚歸深圳住都無所謂,好采你做緊先o者!
執生啊!