星期二, 8月 19, 2008

退出

昨天早上馬沙同一大班同事聚集在會客室,為的不是要開特別會議,而是一起欣賞有「劉欄王」之稱的劉翔,參加 110米欄的初賽。這場賽事,可算是今屆奧運,最令世界各地華人矚目的初賽。結果係點,相信今天大家只要望一望各大小報章頭版,就可以知道。

說實話,馬沙從未期望劉翔能夠在今屆奧運為中國再次奪得這面金牌。只要在最後決賽,能取得一面銀牌或者銅牌,已經算是對所有支持者的一個交代。唔係話睇死劉翔,只係馬沙相信,劉翔絕對有可能喺今屆參加奧運的運動員當中,背負最沉重壓力的運動員。在主場底下,中國13億人民都引頸以待,期望中國欄王能夠讓周四決賽後的頒獎禮,再一次奏起中國國歌。只是現在的結果,事前相信無人能夠估計得到。

昨天直播結束後,一班同事隨即議論紛紛,有個別同事心情久久未能平復。其後再睇劉翔的教練所召開的記者招待會,見到其教練以聲淚俱下的方式,向世人交代劉欄王的傷勢,就叫馬沙對劉翔及其教練賽前的決定好失望。如劉翔賽前的傷勢真的一如教練所說般嚴重,根本就唔應該繼續被派出賽。有報道稱係欄王自己堅持出賽,但作為主教練,無理由不堅決反對。

另一奇怪的是香港幾個電視台,將劉翔因傷退出一事,講到好似劉翔死咗咁。最好笑係電視台有人竟然話歡迎家庭觀眾,到網上留言版留言「弔唁」劉翔,簡直離譜。其實職業運動員因傷退出比賽,根本好平常。

(2008年8月19日刊於《am730》)

7 則留言:

匿名 說...

劉翔只係受傷,但點解D傳媒好似講到佢死左咁既!

有報章用(哀 痛)形容,有邊個運動員冇受傷!

有邊個運動員冇試過受傷而出唔到大賽!

匿名 說...

TVB鄭裕玲講到劉翔好似死o左o甘....有冇o甘緊要呀!!

匿名 說...

昨日tvb晚上播劉翔既條段,d音樂,再加上霹靂黑人憎既鍾志光把聲做vo,攪到好似人家過身既追思會咁!!

匿名 說...

有傷就唔應該勉強出場,出得場即代表有信心能跑畢全程 ,只做左一個起步動作就「拐」下、「拐」下退出比賽 。

難道是因為怕人話「未打先輸」才出場 ?
或是因為國人面前「唔可以輸」才離場 ?
個人決定 ? 國家決定 ? 天曉得。

匿名 說...

我覺得劉翔已經夠慘,但是有些人真係好過份,有個北京人說:"慘了,我們慘了,國家白養了劉翔,他怎麼能這樣,真的噁心,就算他傷了也應該跑一場,至少讓人家看看他傷的程度呀﹗" 我話:"吓, 你吔係咪要見到劉翔在跑道上倒下去,咁先至安樂?", 北京人激動地說:"你不知道,你看看國家放了多少資源在他的身上,又是按摩師,又是心理輔導,又安排一大堆人給做他賽前分析,給了他那麼多的榮譽,他怎麼能說不跑就走了?", 吓, 國家自願俾佢wo, 劉翔是人,可不是神,金牌就算給我們中國全拿了,有什麼意思呢?別的國家不用來比賽,就看我們中國來表演好了。

哥斯拉 說...

很多英超球會,每年季尾七八個球員受傷是平常事,有些一傷就要休半年或更多,幾萬磅週薪一樣要出,無可能因為人工高或名氣大,叫一個脚傷的運動員落場。跑輸又鬧,唔跑又鬧。

有時運動員心理上,以為自己可以忍多兩日才做手術,結果成為全中國頭版。

匿名 說...

在沙兄的地盤,幸好還有一班有人性的Fans,
運動員受傷是正常, 有甚麼奇怪, 重點是傷了就不應出賽,劉翔背後一班專家應早就下决定.