昨天早上馬沙同一大班同事聚集在會客室，為的不是要開特別會議，而是一起欣賞有「劉欄王」之稱的劉翔，參加 110米欄的初賽。這場賽事，可算是今屆奧運，最令世界各地華人矚目的初賽。結果係點，相信今天大家只要望一望各大小報章頭版，就可以知道。
說實話，馬沙從未期望劉翔能夠在今屆奧運為中國再次奪得這面金牌。只要在最後決賽，能取得一面銀牌或者銅牌，已經算是對所有支持者的一個交代。唔係話睇死劉翔，只係馬沙相信，劉翔絕對有可能喺今屆參加奧運的運動員當中，背負最沉重壓力的運動員。在主場底下，中國13億人民都引頸以待，期望中國欄王能夠讓周四決賽後的頒獎禮，再一次奏起中國國歌。只是現在的結果，事前相信無人能夠估計得到。
昨天直播結束後，一班同事隨即議論紛紛，有個別同事心情久久未能平復。其後再睇劉翔的教練所召開的記者招待會，見到其教練以聲淚俱下的方式，向世人交代劉欄王的傷勢，就叫馬沙對劉翔及其教練賽前的決定好失望。如劉翔賽前的傷勢真的一如教練所說般嚴重，根本就唔應該繼續被派出賽。有報道稱係欄王自己堅持出賽，但作為主教練，無理由不堅決反對。
另一奇怪的是香港幾個電視台，將劉翔因傷退出一事，講到好似劉翔死咗咁。最好笑係電視台有人竟然話歡迎家庭觀眾，到網上留言版留言「弔唁」劉翔，簡直離譜。其實職業運動員因傷退出比賽，根本好平常。
(2008年8月19日刊於《am730》)
7 則留言:
劉翔只係受傷，但點解D傳媒好似講到佢死左咁既！
有報章用(哀 痛)形容，有邊個運動員冇受傷！
有邊個運動員冇試過受傷而出唔到大賽！
TVB鄭裕玲講到劉翔好似死o左o甘....有冇o甘緊要呀!!
昨日tvb晚上播劉翔既條段,d音樂,再加上霹靂黑人憎既鍾志光把聲做vo,攪到好似人家過身既追思會咁!!
有傷就唔應該勉強出場,出得場即代表有信心能跑畢全程 ,只做左一個起步動作就「拐」下、「拐」下退出比賽 。
難道是因為怕人話「未打先輸」才出場 ?
或是因為國人面前「唔可以輸」才離場 ?
個人決定 ? 國家決定 ? 天曉得。
我覺得劉翔已經夠慘，但是有些人真係好過份，有個北京人說:"慘了，我們慘了，國家白養了劉翔，他怎麼能這樣，真的噁心，就算他傷了也應該跑一場，至少讓人家看看他傷的程度呀﹗" 我話:"吓, 你吔係咪要見到劉翔在跑道上倒下去，咁先至安樂？", 北京人激動地說:"你不知道，你看看國家放了多少資源在他的身上，又是按摩師，又是心理輔導，又安排一大堆人給做他賽前分析，給了他那麼多的榮譽，他怎麼能說不跑就走了？", 吓, 國家自願俾佢wo, 劉翔是人，可不是神，金牌就算給我們中國全拿了，有什麼意思呢？別的國家不用來比賽，就看我們中國來表演好了。
很多英超球會，每年季尾七八個球員受傷是平常事，有些一傷就要休半年或更多，幾萬磅週薪一樣要出，無可能因為人工高或名氣大，叫一個脚傷的運動員落場。跑輸又鬧，唔跑又鬧。
有時運動員心理上，以為自己可以忍多兩日才做手術，結果成為全中國頭版。
在沙兄的地盤,幸好還有一班有人性的Fans,
運動員受傷是正常, 有甚麼奇怪, 重點是傷了就不應出賽,劉翔背後一班專家應早就下决定.
發佈留言