星期二, 12月 30, 2008

海嘯到咗未?

今年聖誕節港人面對金融海嘯,好多行業又正值裁員高峰期,經濟及零售市道步向衰退,似乎已是大家的共識。人心雖怯,但經多日來觀察,好多港人的消費模式,卻似乎又未有因金融海嘯出現重大變化。

本來諗住市道唔好,又難得有5天假期,出外旅遊應該比較往年廉宜。但到各大小旅行社走一趟,即見人山人海,旅費計及假期附加費後,跟往年沒有多少分別,最後唯有打退堂鼓。

留港消費,更加覺得好多港人對經濟前景好有信心。不知是今朝有酒今朝醉的心態,還是港人經歷過03年沙士之後,無嘢再覺得可怕。

好多奢侈品,價格不但未有下調,每年年尾例行加價行動,依舊不變。走入相熟錶行,座無虛席,好幾隻品牌的折扣比往年還要少。

另一種不減反加嘅就係音響器材,上星期去灣仔某代理陳列室試音,該代理老總就話旗下某品牌名器已鐵定 1月1日起加價10至15%。而老友大L聞之,即面不改容,妙筆一揮,然後把近10萬元支票放低,滿足地將心儀已久的膽機帶回家,嗰一刻馬沙還以為恒指仍在3萬點。

唔講奢侈品,以各大商場及食肆而言,就旺到不得了。早幾日本來打算到apm晚膳,就因其停車場已滿,過門而不能入。

周六連平日人跡罕至的數碼港,因兒童嘉年華會吸引無數家庭,30元玩3分鐘的跳彈床遊戲,竟大排長龍,高峰時更要等近1小時。之後走入赤柱晚膳,幾乎所有餐廳都高朋滿座。

馬沙心諗,究竟金融海嘯到咗未?

(2008年12月30日刊於《am730》)

18 則留言:

Frostig 說...

未!  

明年最大的影響才來......

小瓶子 說...

可能已经过去左啦...

匿名 說...

今曰的香港消费場所是服务大陸自由行, 香港人早巳收皮。

匿名 說...

第二行的確好慘,不過會計是長青樹,根本唔受影響。

投資不倒翁 說...

因為有好多自由行撐場,而且失業率都未急升。

小瓶子 說...

匿名:

逼科炒人同bank 差不多甘狼哦, 点会长青吖?

dog o 說...

未!

出年才到!

湯記 說...

呢鑊海嘯仲未現形,而家仲係前奏,我諗過埋農曆年先至甘呀!

市場維京人 說...

俾大家喺死前享受最後的歡愉。

Wish all have a Happy New Year!

Cheers!

Audi 計數佬 說...

其實我都唔覺有好大分別,我11月時本來想自由行去北海道浸溫泉,點知佢話我聽已經FULL左

說...

我比較相信海嘯仲未到
但如果真係咁... 即恆指比實體經濟走前一至兩年,
咪話唔係水晶球﹗

我諗到另外一個解釋係
呢十年香港都算係世界上數一數二多災難既城市
結果呢個金融海嘯...小兒科啦呵呵~~~
香港人呢幾年儲落既錢
如果有 stat 既話
可能多到夠我地用直至走出金融海潚﹗

Hana 說...

埋單計數,以我依加唔再中意買名錶來計,雖然今年帳面唔見咗三成,但如果唔闖禍,維持依加嘅生活水準的話,唔好話海嘯過世都得啊!同埋我識好多中上產人士都係咁話,我啲上門授課的學生都冇少到。(上門貴過去琴行好多!)

市場維京人 說...

香港人爛船都有三斤釘,更何況好似 Hana 咁肯定唔係爛船,而係航空母艦?

C.M. 說...

我都估未到,皆因我都入左貨。

匿名 說...

Hana 姐是香港一位多才多藝的有米女blogger, 小妹好羡慕佢 !

.

seikomatic 說...

沙沙,

無奶油,根據【地拖指數】,今日都系公價。公價買地拖,-5隻買深潛,未番得晒

Audi 計數佬 說...

娜姐係小富婆係人都知架啦,仲駛講? haha

立邦毅德.Alpha研究所 說...

我覺得香港人係有錢,不過冇消費信心,市面多左減價,聖誕盛況好大比重係因為之前d人忍手,儲起好多購買力,響近期一次釋放,真正的海嘯,市面會好悲涼,失業率上升到連勞工處都要改埋個失業率計算方法。依家反而最驚未來既超級感冒,亞視新聞報導,預計全港將有二百萬人感染,三萬人死亡,好淒慘!祝大家身體健康!