星期四, 12月 11, 2008

風暴已過嗎?

港股昨天無懼隔夜道指跌240多點,恒指收市報升824點,以接近全日最高位收市。減去周二恒指跌291點,恒指本周已升近13%,國企指數更升近15%,凸顯這次升浪中,一眾中資股跑蠃其他股份。這次升浪,恒指一口氣升破10天、20天及50天移動平均線。昨天更連上次反彈高位亦一舉升破。

恒指這次升浪既快且急,淡友傷亡慘重。單是本周被收回熊證數目已逾百隻。大家不禁會問,究竟呢次係熊市反彈浪,還是牛市一期,已無聲無息重臨。昨天收市後,一眾財經演員又開始見好唱好,有人更在電台大聲肯定地說確認熊市已結束,港股最壞時刻已過。

恒指是否已見底及最壞時刻是否已過,個人睇法係絕對否定。這次金融海嘯對香港中小企嘅衝擊,可謂剛剛開始。馬沙同好多不同行業嘅老闆傾過,大部分中小企老闆不約而同預期,明年首兩季才是最大考驗,有部分甚至已作出最壞打算。

雖說股市走在實體經濟之先,有反映未來之效。但細心想想,金融海嘯影響禍及全球,金融市場怎可能在短時間重踏正軌。經驗所得,幾乎每次熊市見底時,大部分散戶已損手離場,目前卻是等入市者眾。

最後值得一提,昨天不論恒指及多隻中資金融股,其14天相對強弱指標(RSI)已相當接近今年每次大型反彈浪的浪頂,料這次反彈即將結束。

(2008年12月11日刊於《am730》)

6 則留言:

Hana 說...

大陸銀行貸款方針好有問題,如果唔係有阿公睇住連短炒都唔掂得。有時間我寫下佢哋係點批貸款嘅。

若缺齋老人/陳潢 說...

帝、歐消費市場是中國經濟發展基礎,帝國出事中國經濟點會好得去邊?

爛漫的天空 說...

以下是小弟的網誌, 可過來參觀一下, 多多指教.

http://relaxsky.blogspot.com/

匿名 說...

小弟才疏學淺, 但亦都絕對肯定10676 絕不是最低位, 熊市只完成1/3左右. 我預言此位必破, 09年是最動盪的一年, 加上有突發事年發生, 大家現在要盡量手持現金, 每次急跌時開始收集優質中資金融銀行股作長線投資.

文少 說...

明顯係小陽春
當年金融風暴都試過一鑊

seikomatic 說...

沙沙,

好奇怪,越升俺越唔開心,因為低位無撈,越跌越開心,因為等入貨,有d精神錯亂