星期二, 12月 02, 2008

假如我在泰國

馬沙天生不愛行街及購物,每次放假外遊,目的地通常只有兩個選擇,其一係冰天雪地,其二就係陽光與海灘。由於冰天雪地又有氣氛嘅地方,比如歐洲各國,或比較近的北海道,每次行程動輒要花兩星期大假。

對於日常工作繁重嘅馬沙,要安排一個超過兩星期的假期,真係唔係咁容易。所以5至7天的陽光與海灘之旅,就幾乎成為馬沙小休必然之選。

相信好多香港人同馬沙一樣,喜歡去泰國周邊小島如布吉及蘇梅享受一個短線假期。泰國曼谷機場自 11月25日晚上關閉起,至今已踏入一星期。滯留在泰國的各地旅客,據報道多達16萬人,而滯留當地的港人則未有確實數字。

這星期無論睇報章或看電視,大家都會看到正在滯留泰國的香港市民,是何等的無助。馬沙曾經在想,假若我現身在泰國,究竟我可以做乜?

軍用機場開放,各國即安排包機接國民返回原居地,致電回港家人尋求協助,寄望港府作出適當安排,似乎是唯一希望。港府前日一個記招,堅拒派包機救港人,正正就將一班滯泰旅客及其家人的心打碎。

如果我真的身在泰國,喺嗰一刻,我多麼的希望我係一個正正式式的中國國民。退而求其次,做一個澳門特區的市民也好。同樣是中國人,中國國民及澳門特區居民已迅速被包機接走,何解港府如此冷血。

昨天有滯泰市民死傷,才改變初衷安排包機,港府一眾高層,對得住香港市民嗎?

(2008年12月2日刊於《am730》)

7 則留言:

匿名 說...

最搞笑有d人成日話香港同澳門/大陸情況唔同,如果香港政府係有做野,爭取向大陸安排一架包機接香港人有幾難?
大陸都安排成6,7架包機啦,香港要到昨日先有包機, 仲要d香港人唔知有包機,今次擺明係香港政府反應動作都慢到無倫.

匿名 說...

其實最大問係d官員對呢d事件的態度,係語帶輕佻,一幅幅高高在上你死你事的態度!

寄望香港人唔好在港或外地有任何意外,要靠正苦的所謂優秀公務員幫手,同等死係無分別!

匿名 說...

d官??直到這一刻死都唔認錯, what a shame.

若缺齋老人/陳潢 說...

我好凍不好熱,免得過唔會去熱帶,不過政府做野真係漏氣!

巴林 說...

政治智慧極低 !

seikomatic 說...

沙沙。

1)政府無能定系個別無能?

2)最唔順系要集體負責,即系大咱們唔夠膠膽叫成個政府行街?

3)反過泥講。唔駛直吮啦。而家只要你開口,議員就會和、唱、罵。政府就會行,快慢無計,不過咁又得;要直吮做咩姐,整多幾個長毛顛狗實際好多。

Jacky Wong 說...

集體負責=集體不負責

承擔所有責任=不承擔任何責任