星期四, 12月 04, 2008

簡單任務

昨天從電視中看到唐英年為港人滯泰事件解畫,其言論不但未能為政府開脫,更突顯呢班高官嘅無能。納稅人用咁多錢去養呢班所謂特區精英,竟得出呢個不知所謂的集體決定,看來好像烏龜一樣正在一角冬眠的曾浮雲,不能繼續龜縮在一角,要走出來再向市民解說。

呢件事件的處理方法其實好簡單,各位只需在食早餐時多口問吓茶餐廳任何一位伙計,都會得到答案。一個心智正常的人,在工作時遇上問題要作出重要決定時,梗係先不求有功,但求無過。在包機事件中,包機與否,官員其實乜都唔使諗,只要使出所謂「敵不動、我不動;敵欲動、我先動」之法,肯定唔使俾市民鬧。

簡單而言,事前只需觀察各國有否行動,其他國家冇出包機,「敵不動、我不動」,港府有大條道理唔出包機。喺呢個情況,就算有港人不幸出事,市民都未必會怪責港府。但當各地政府紛紛安排包機接送國民,特別係連內地及澳門都安排包機時,所謂「敵欲動、我先動」,梗係不惜一切,第一時間派出包機接市民回港。試問呢個時候用公帑包機救人,有邊條政棍夠膽話政府錯?

偏偏呢班智力低於猿猴嘅特區高官,反其道而行,大鑼大鼓開記招拒絕包機。記招一開,即自絕後路,連彎都無得轉,又何苦呢?

下次再有類似事件,千萬不要再作集體決定了,走落「茶仔」請教啲伙計好過。試問一班智力低於猿猴嘅人,集體作出嘅決定,又會高得去邊?

(2008年12月4日刊於《am730》)

11 則留言:

吉野家 說...

『呢班智力低於猿猴嘅特區高官』......笑L死我.......

小瓶子 說...

班膠官真系膠到无野可以形容.

匿名 說...

『呢班智力低於猿猴嘅特區高官』......笑L死我....... x2

Flora

匿名 說...

猿猴好野 !

匿名 說...

如果可以返去上星期,我都會依然認為要派,第一係跟阿爺做衰咗都冇咁多人插,第二其實使得幾多錢,一架機一缸油,2個機師幾個空姐,再加上上星期嘅包機一定滿,一人收返千幾都未必要蝕,呢個決定正一有賺冇蝕,點解唔做?最衰係好似依家咁:賊過興兵

李小龍 說...

下一屆特區政府高官及議員,還不是由一班低智力的猿猴選出來?選來選去都是那幾個!

政府擔心浪費公帑,其實只要將高官當作金融機構高層,抄了這班沒貢獻的政冶演員,就可解決財赤。

匿名 說...

算把啦!而家o既政府做出嚟o既o野重有邊一樣o野係叫做OK㗎?自從老董後叫做做得野o既都買少見少啦!乜o野事都攞D機制出嚟驗討.....
香港人都係"自求多福"!!!

匿名 說...

烏龜曾仲未敢行出嚟!

若缺齋老人/陳潢 說...

愈唔想上身最後一定愈上身。

一匹狼之海賊 說...

下一屆又是一班廢柴管治,哀哉!
我們又不可Say No,準時出高糧給一班廢柴.心心不忿!

湯記 說...

所謂的集體決定,只會令到決定不斷延誤,然後無法實行!
如此政府,哀哉!