香港樓市自去年從高位急速回落，踏入施老闆所講的冰河時期。過去半年，樓市交投異常淡靜，最痛苦的當然是一眾依賴成交量去養活的地產代理。其次就係一班在08年初市旺時，在高位購入假豪宅的一眾苦主。昨天閱報，知道上月成交量終於止跌回升，更創出半年來的單月新高，真為一班近月來不斷努力的地產代理感到高興。
誠然，我一向對地產代理無甚好感。理由係在一般情況下，特別是地產市道暢旺時，不專業及不太誠實的地產代理往往比專業及誠實的為多。不過要數最討厭的，還是那些不惜一切跑出馬路，強行將行駛中的車輛截停，兼不停用手拍打車窗的年輕代理。
以上所述的代理，在經過大半年汰弱留強的嚴冬期，相信好多已經自然流失。上月曾多次去九龍站上蓋睇幾個樓盤，每次用上半天以上，負責的兩位代理不但事前做足功課，睇樓時更不厭其煩細心解答問題。
由於個別樓盤已從高位回落不少，其實去年11月開始，好多準買家已經四出睇樓。就以上月多次到九龍站上蓋睇盤為例，睇樓人數之多，近半年少見。
不過，個人認為，大部分市區半新樓的呎價調整尚未完成，未來還有10至15%下調空間。
至於新盤，特別係九龍區多個單幢新盤，個人估計到入伙時，跌幅至少20至30%不等。
反觀，好多樓齡達15至30年且坐落在傳統豪宅地段的物業，09年跌幅度應該在10%之內。
簡單而言，09年樓市方面，我會用「新不如舊」去形容。
(2009年1月6日刊於《am730》)
8 則留言:
可惜无钱买...
"好多樓齡達15至30年且坐落在傳統豪宅地段的物業，09年跌幅度應該在10%之內。"
傳統好地段,唔係發展商吹出黎,舊舊地一個唔該有人收購重正,由其一d未用盡地則比率更有投資價值!
馬沙兄想買凱旋門~~
「至於新盤，特別係九龍區多個單幢新盤，個人估計到入伙時，跌幅至少20至30%不等。」
深水埗貧民區豪宅海峰 vista 平均呎價5098元
08 熱 賣 新 盤 淪 負 資 產
首 都 買 家 勁 蝕 三 成 寧 抬 錢 離 場
本 報 訊 】 去 年 上 半 年 樓 市 重 上 高 ， 多 個 新 盤 一 登 場 即 火 速 售 罄 ， 豈 料 下 半 年 樓 市 逆 轉 ， 新 盤 頓 變 負 資 產 ， 相 繼 出 現 慘 蝕 三 成 以 上 的 二 手 成 交 。 將 軍 澳 首 都 最 新 一 宗 二 手 成 交 ， 蝕 33% 售 出 ， 成 交 呎 價 低 至 3534 元 ， 創 屋 苑 新 低 ， 業 主 未 入 伙 已 瀕 臨 變 成 負 資 產 一 族 。 記 者 ： 朱 連 峰
金 融 海 嘯 重 創 本 港 樓 市 ， 令 去 年 高 價 發 售 的 新 盤 淪 為 蟹 貨 ， 業 主 擔 心 銀 行 不 放 水 ， 在 入 伙 收 樓 前 急 急 蝕 讓 。 紅 磡 海 濱 南 岸 、 火 炭 御 龍 山 去 年 已 曾 先 後 錄 得 蝕 逾 三 成 的 二 手 成 交 。 首 都 日 前 一 宗 勁 蝕 逾 三 成 個 案 ， 若 以 七 成 按 揭 、 三 成 樓 價 作 首 期 計 算 ， 單 位 已 屬 資 不 抵 債 。
http://appledaily.atnext.com/template/apple/art_main.cfm?iss_id=20090107&sec_id=15307&subsec_id=15320&art_id=12058443
早兩日駕車經過豪門,班agents衝出來截車,差d車親佢。
Rita
變幻,
莫講話我無錢買凱旋門,就算有都唔會買!同一個價錢,大把選擇,點解要住係嗰區?
小瓶子,
儲定首期,等多一年,平平地買舊樓啦!間格任改,唔駛間間屋一樣!500呎新樓價錢,買個800呎舊樓好過!
發佈留言