星期一, 4月 02, 2007

短暫轉穩

上周期指轉倉,恆指反覆上落,全周最高點為 19,880 點,並以 19,800 點收市,比前周輕微升 108 點。踏入 4 月,不排除可升回 20,000 點之上,但本周離復活節長假期前只有 3 個交易日,依馬沙看來,大市將在 50 天線附近牛皮。

早兩天有讀者留言,說馬沙 18,000 點叫人沽,卻在升穿 20,000 點叫讀者買,叫馬沙早抖咁話。馬沙有必要向讀者說明,馬沙只是指出 20,000 點是 50 天線及「心理」上的阻力位,純以「短期」走勢看,若恆指能升破 50 天線並連續幾天收於其上,大市「短期」確定轉向回升。對於炒短線的小投資者是追入訊號。但要注意的是,馬沙從來沒有鼓勵讀者入貨。

首先馬沙從來不鼓勵小投資者短炒。其次是「短期」走勢雖然轉向回升,但向上升幅只是有限,上升至 1 月高點亦只有 900 多點,馬沙覺得投資風險遠比預期收益高。最後,不知是否馬沙表達能力低 (如是的話,還望各讀者見諒),馬沙於文章最後一段很清楚說明馬沙暫見不到任何短期利好消息,認為仍未是長線投資者揸重貨好時機。

美國次級按揭危機壞消息雖淡化,但當中所涉及的金融危機相信需要一段時間才會明朗。再講上周油價突然急升,如不是有特別原因,為何期油好友夠膽在阻力位前大量買入期油合約,說不定伊朗局勢有變。對馬沙而言,一年買入一次並長期持有就夠,要知道時間是長線投資者的好朋友。

(4月2日刊於《am730》)

7 則留言:

匿名 說...

請問閣下的短期是以日、星期、還是月計?無論指數是升是跌,你講慨野都唔會錯。

Unless you have a crystal ball, trying to forecast the HSI's direction/level is guesswork at best. What you said is no different from those 財經演員。To add value, you should focus you comments on individual companies.

匿名 說...

你點知個市得900點上升空間?18000點你究話個市見頂。個市下跌也可說成短期調整,長線可趁低吸納。

重要的是你看淡的論據是甚麼。

匿名 說...

咩叫長線,咩叫短線,好多時買股票長線變短線,或短線變長線,係時常發生。個D三蚊買Esprit或兩蚊買利豐,揸到依家先係真係長線。係長線都唔須要理會指數點走。

匿名 說...

阿資深股民的第一季目標是16500,恆指第一季收19800,剛剛相差20%。(三千幾點啫,濕濕碎啦呵^^)

若跟阿資深股民於18000走貨,則剛剛跑輸大市10%。

最好笑係阿資深股民不時開口埋口講"長線投資",但自己就無貨响手,唔通佢係長線"現金"投資者?

早抖?
千祈唔好呀,無你呢盞明燈係度估頂、估底、估空間、估目標、估估下,我會無哂方向架﹗

匿名 說...

我地買股票,唔係買指數,有些小型股,被人忽略,平到你唔信。長線投資者21000點一樣可以入市。

Tim 說...

有樣野叫做因時制宜,就算18,000點叫沽,20,000點叫買,都唔見得係乜野問題喎。正如炒外匯,118買入者又有機會賺錢,賣出者也有機會賺錢,問題係timing而已,無話唔可以掉轉頭做嫁。若果咁都認為有問題,只屬膚淺之見。

匿名 說...

講馬佬口吻,市升睇升,市跌睇跌。係喎,牛市講馬佬都可以做股神。