星期一, 6月 25, 2007

同工不同酬

相信所有商業機構的企管人,都會盡量避免企業員工出現同工不同酬。理由極之簡單,試問有哪個正常的人,能接受公司聘請一個學歷及經驗都比自己低,但薪酬卻比自己為高的同事。因此,任何人都知道,在同工不同酬的環境裡,員工與員工之間,肯定缺乏溝通,不能和平共處,影響工作士氣。

若在商業機構,有人正面對上述情況,而企管人本身亦知有其事。馬沙相信該企管人容讓此事在公司出現,理由只有一個。就是讓舊有員工清楚知道,公司已容不了閣下。刻意聘請一個學歷及經驗都比閣下低,但薪酬卻比閣下為高的同事,用意是叫閣下知難而退,無謂賴死說「我要做好呢份工」了,趁早另謀高就吧。

偏偏同工不同酬如此奇怪的行政錯誤,卻出現在偉大的醫管局。早前醫管局公佈,新一批入職醫生的起薪點,竟高於00年4月後入職的醫生。眾所週知,醫生們的臨床經驗是有錢亦買不到的。7年的臨床經驗,竟比新入職同事低,教這班年青的前線醫生尊嚴何在。

馬沙向來非常敬佩醫護人員,他們永遠走在危險的最前線,以自己的生命去保護市民。尤記得03年沙士襲港時,馬沙在電視上見到台灣一眾醫護人員因怕死而爭相逃跑時,香港這邊廂的醫護人員,不懼生死,緊守崗位的專業精神。而今天一部分被醫管局剝削的醫生,正是沙士中的無名英雄。

(6月25日刊於《am730》)

4 則留言:

波蘿游 說...

因為前幾年財赤,同工不同酬差經常出現於政府及半政府機構,包括好多專業:醫生、工程師、NGO社工(稅局核數師除外)等等。政府發明左一個叫「非公務員職稱」,例如原本叫工程師,可能改叫工程經理,不過人工連福利就至少減三成。雖然係咁,因為過去不景氣,好多人都局住騎牛搵馬,忍受不平等待遇。但除住市道好轉,好多人(尤其是醫生)已開始蠢蠢欲動,醫管局再唔做野,遲D一定大件事。

Karen (Sze) 說...

馬沙兄&波蘿游:

作為員工, 我正身受其害(我在2000後入職), 職位改了名, 但人工cut了許多和不斷要簽1-3年contract(就算滿6年可以轉長工, 亦不見得太大保障)。例子:

(前名) Clerk II/Supplies Supervisor
(新名) Technical Services Assistant (General)

(前名) Clerk III
(新名) General Services Assistant (General)

上星期六我登了一封由一群在職合約註冊護士所署的公開信, 請到我的blog: (http://skaren-space.blogspot.com/)細閱全份內容。

學我的朋友兼同學仔講: 年資何價?

菲菲 說...

呢個情況不單出現響政府機構,連私人公司都有類似情況。我地公司響2000年或之後請既員工,薪酬唔算好高,叫做搵到下飯食啦。到今年,好多應徵者既要求待遇都明顯上升。最初老細都認為只係個別應徵者抬高身價,所以一般都會壓下價,唔想薪金支出"突飛猛進"。不過情況係呢d新員工一般都響試用期內另謀高就,而且部份人搵到既人工仲係我地比緊既1.5倍,個誘因都幾大。

老細持既另一個理由係,佢都想有人才留響我地公司,不過如果出左高價比個新同事,情況就會出現同工不同酬、年資何價既局面。好明顯呢d事係會影響軍心,舊同事會離我地而去,不過我地亦難保新同事會繼續服務或者表現合格。

我地中小企人唔多,照計加幾個資深員工既薪酬都好似冇咩問題,但係中小企既困境就係時時刻刻都要量入為出,因為生意唔好的一個月隨時就要老細嘔埋自己份人工黎出糧比同事,做老細既,有邊個想自己既財政咁危險?我地打工既,都唔想條船會沉,所以而家薪酬待遇係我地既一個重要問題。究竟應該加幾多,加比邊個同埋如何加… 一大堆都係頭痛既問題。同埋如果我地唔加舊同事既人工,佢地始終都會流失,因為一d規模比我地大既公司就算出比較高既人工去請人,對盈利既影響冇我地咁嚴重。要平衡人事同盈利,原來矛盾都幾大的。

安諾勿斯 說...

馬沙兄:

最近,這個題目在薯兄karen姐姐的博客也有相關的討論。

小弟認為今次不是個別事件,是一個整體性政府行政問題,是一個人力資源政策上的失誤,也是一個管治威信上的挑戰。

不多說了,希望政府快些解決這件事,締造一個勞資互信的環境,再續一個欣欣向榮的社會。