星期五, 8月 17, 2007

有喜有悲

恒指昨天大瀉703點,有人歡喜有人愁。

喜者當然是手持100%現金等買貨及早前已減低持貨的投資者。 悲者是仍手持重貨的投資者。

不知是否周三已大跌630多點,昨天報章大部分專家都說恒指已近見底,21,000點有支持並且將會有反彈。怎知昨天一開市即穿21,000點,真係信者失救。

馬沙7月底已指出很多二、三線股已嚴重炒過龍,叫手持重貨的股民,及早檢討手中股份的質素及作出減持。上周五馬沙再提醒大家,必須為自己組合定下止蝕,以減低風險,以免好像友人一樣,將上半年辛苦賺來的盈利一下子蝕掉。

有股評家及高官高呼近日跌市是短暫性質,對香港影響不大。理由是次按所引發的問題只是外圍因素,香港本身經濟基礎仍十分良好。但試問香港有那次經濟急速下滑,不是由股災或樓劫所帶動?

明乎此理,經濟轉壞為果,股市下跌才是因。次按所引發的問題是前所未有,君見各地央行近日的行動,便應該知到問題的嚴重性可能出乎大家所料。

馬沙4月至7月中曾以少於2成資金玩二、三線股,在 7月13日以0.9元止蝕沽出手上最後一隻股份中民燃氣(681),整體尚算有些微利。昨天得知友人仍手持該股,依昨天收市價0.61元計算,比馬沙止蝕價再下跌超過3成。

另一隻彩虹電子(438),昨日收市價更比馬沙 7月11日止賺沽出價1.12元大跌3成4,足證明玩二、三線股止賺、止蝕的重要性。

想撈底,更加未係時候﹗

(8月17日刊於《am730》)

10 則留言:

匿名 說...

馬沙兄:

你好!尚幸跟隨你指示,走咗大部份貨(60%),其餘的是大國企,彩虹电子(438)亦跟你沽了(1.06).Ths!
現在心思思想玩少量call輪,有何意見.(恒指半場收19984).

Tong

On Dog 說...

嘩! 大時代! "驚"典...

馬迷 說...

馬沙兄:

彩虹電子(438)半場收$0.63,再跌15%. 我都跟你在$1.1 及 $1.04 沽清!

7月底睇完你篇文,跟你沽咗九成股仔.呢幾日好鬼開心。

seikomatic 說...

沙沙,

deep V 全世界都開心,話跌既中左, v番股民又當出身汗。

俺覺得今日插得1300唔死,聽日同後日仲有機,泥多幾鋪911都得。

Karen (Sze) 說...

點解會用呢幅"大宇加政鴻"圖呢? 唔用阿青雲甚至秋官的圖呢?

(恕小妹無知, 還請馬沙兄解釋及說明之, 唔該!)

匿名 說...

馬沙兄:咁幾時先撈得底啊thx~

匿名 說...

馬沙兄,想請教一下,手持股票等較靈活的投資就話可以減持,但強積金等儲蓄,在這一,兩個月便下跌超過10%,自己似乎又做不了什麼 ... 是否應該在高價時轉移到保本基金,等待股市落到低價再轉移到一些增長基金? 雖然說強積金是長線投資,但近日見到所投資的基金不斷下跌,總有些不是味兒 ... 謝謝

馬沙 說...

Tong 兄,
我冇玩輪好多年,今後亦不打算玩,因輪商永遠是嬴的一方。況且現在市況, CALL/PUT 都好易死!


馬迷,
開心就好,但要學習自己作盤算,跟人買賣遲早出事,我都成日睇錯市。


精工大師
"deep V 全世界都開心"
我看未必,如早上CALL咗,止蝕反手追PUT,未開心完又倒蝕,一日輸兩次....


阿思,
本來對100%CASH的我來講,好想出秋官幅大跌圖,但考慮到還揸重貨者朋友,都係呢幅好D。
以當天市況,唔減持都冇理由再入貨買升!
收市當晚美國減息,後巿又要從新思量。


匿名(8/18/2007),
大上大落,冇可能估到市底,何談撈底呢?


匿名 (8/19/2007),
強搶金冇得攪,大升市時跑輸大巿,大跌市卻跑羸大巿。
我自己早於年頭己全部由增長基金轉到保本基金。
轉不轉,則要自己決定啦。

"誌"在四方 說...

馬沙:

果然好野,反應咁快。我果日都想推介。不過,分析得泥已太遲。

我是個網誌新手,若有時間,請來我網誌看看。並可否把我的連結加入你網誌中。

謝謝!

黃俊傑

"誌"在四方 說...

馬沙:

果然好野,反應咁快。我果日都想推介。不過,分析得泥已太遲。

我是個網誌新手,若有時間,請來我網誌看看。並可否把我的連結加入你網誌中。

謝謝!

黃俊傑