星期五, 8月 10, 2007

大時代

踏入8月,馬沙鮮有評論股市。這兩星期大市風雲變色,加上這兩天遇上颱風,氣氛真是十分配合。

記得馬沙7月底講過,股市每次大跌前,二、三線股必先行急跌。當日馬沙說此現象還未有出現,但就希望手持二、三線重貨的股民應檢討手中股份的質素。

不幸地,二、三線股份先行急跌的情況似乎開始出現。本周二細價股出現暴瀉,有近50隻股份下跌超過2成。

馬沙當天收工飯局,當然要友人分享戰況,席中友人不約而同跟馬沙戲言,若過兩天細價股不作大幅反彈,下次就觀塘碼頭見,即跳海都唔掂。其中一位友人私下跟馬沙說,原本今年大賺,但當天一跌,幾乎全部化為烏有,相信這亦是很多小股民的寫照。

馬沙甚為好奇,當下詢問老友們,炒賣二、三線股這類高風險活動,為何不定下止蝕,以減低風險。他們的回應是深信手持的股份還有得升,應該很快會反彈。

或許馬沙真的是膽小之輩,始終認為先保本才是投資之道,尤其現今市況。前天港股飆升628點,希望友人經已脫險。

關於美國次按問題,馬沙認為空穴來風,事出必有因,有些事情早晚都會出現。滙豐中招,Bear Stearns又中,德國IKB再中,昨天市場再傳出BNP都中咗22億美元。還未止,中國揚言拋售近兆美債,真是壞消息儘出。連鎖所反應下,相信繼續會有更多金融機構公佈中伏。

(8月10日刊於《am730》)

7 則留言:

謝斯柏賀維士 說...

哈哈
我身邊有人同我講細價股出事個日唔見左 6 位數字~ 風高浪急、高風險高回報。個個都鐘意啦,咁刺激 :)
p.s. 你有無 hold d put 投機下 XDD

馬沙 說...

緊係食花生睇戲啦!

匿名 說...

有時唔係不想定止蝕。
而係平時用的一成或一成半止蝕用唔到
一來就裂口大低開,走都走唔到。
跌得太多,好易一沽就升
但唔沽又驚會繼續跌
所以...

在此 說...

馬沙兄,估唔到我會做埋你o既"席中友人",真係唔係你財唔入你袋...
係諗唔到成日話住大調整就唻喇,講大家都冇晒戒備心,咁就調左,都唔知為時會幾耐~唉
係呢,唔知馬沙兄有冇定下現時用乜策略呢?

Gideon 說...

隻彩虹電子好彩你冇再玩,
之前個啲果然係火中取栗....

小貝 說...

個市突然之間gum樣..
真係要過多排先知咩事

Kenka 說...

我都走唔甩, 雖然細細注都要蝕兩三成. 第一次感受到咩野叫大時代囉...