星期五, 1月 18, 2008

二手車

早前馬沙講過陪老友周圍去睇樓,睇了近一個月,老友終於在上周出手高追,買入自己心頭好。馬沙本以為可以小休,不再需要陪老友四圍去。誰不知老友早幾天來電,說因為新居位處於山上,加上新居是連車位買入,所以經過多天考慮,決定過年前買入一輛二手車代步,再次要求馬沙陪佢老哥四出尋找心頭好。

本來陪老友四處去尋找心頭好,馬沙義不容辭,但老友連自己想找甚麼車都不知道,就是一個大問題。為了縮小範圍,馬沙前天提早收工,帶老友去灣仔某大二手車場走一轉,好讓老友心中能定下一個買車預算。由於現時香港有多個專門經營二手車的車場,要知道一輛二手車的合理價格,已經比以前容易得多。只要到其中一個二手車場走一趟,便心中有數。經過兩個多小時四處看後,老友就話希望能在15萬元內找到心頭好。

預算已定,馬沙就再陪老友行多一轉。想不到揀二手車比揀樓及股票更加艱難。根據老友定下的預算,可選擇的實在不少。首先,預算可選購很多只有三幾年車齡的日本車。其次,預算就只可以選購車齡近六至七年的歐洲車。老友說在兩者之間很難作出取捨,問馬沙意見。馬沙除了知道根據法例,車齡超過七年,每年續牌前需要驗車外,所知有限。但馬沙經常聽其他有車的朋友講,買二手歐洲車唔貴,但日後高昂的維修費才是大問題。

老友聽完就更苦惱,如果係你會點揀?

(1月18日刊於《am730》)

14 則留言:

火鶴 說...

馬沙兄, 二手車日本貨較穩陣, 無咁多小毛病.

馬沙 說...

各位大大,

馬沙除電單車及日本車方面有一點點認識外,對歐洲車真的沒有很多認識。

請各位大大留言,特別是 BMW 的維修情況,謝謝!

匿名 說...

歐洲車 No way

VC 說...

日本車。

練好手車,一年後換車再講心頭好。

馬沙 說...

佢手車唔多駛練,揸咗屋企車多年!

VC 說...

BMW,心頭好...不是理性分析能阻的了。

good news is,續牌前驗車好易過,不是問題。

but 日常小毛病, 無相熟又可信的車房維修可以好金, 好易1000,3000,10000,20000!

P.S. 一手車Sales兼營的Trade In車可以多加考慮。

大許Eric 說...

我架夠係歐洲車啦,又唔見佢成日壞?

住家男人 說...

愛車之人可買歐洲車,因為真係需要多D時間打理下,仲要明白同忍受一些小毛病.

用車之人應選日本車,要力有力,要方便有方便.

BMW最好係開始壞之前賣咗佢.....

hongkonguide 說...

這預算可買一手日本車啦!新車煩少d.

匿名 說...

老爺車

VC 說...

大許Eric, 你的是幾年車?

p.s. 我用日本車,也有不愉快維修經驗。歐洲車則是聽人講多。

大許Eric 說...

2001年車lor, 我2005年買, 都冇咩大修過...Audi A4

wai 說...

toyota camry啦,大方得體o既家庭車,當然小弟assume你老友係想買family car啦,佢造工已經幾貼近lexus o既水準,日本車少d小毛病就公認架啦,呢d野無謂爭拗
當然bmw就係身份象徵,睇你點取捨啦

閒人 說...

有成15萬budget,買部新車算罷啦~Honda Jazz都唔錯啦~