星期三, 1月 16, 2008

安全駕駛

昨天睇到新娘潭的交通意外,導致一名13歲女孩死亡,真感到有點嘆息。根據報道,司機領有駕駛執照只有兩個月,沒有足夠路面經驗,可能是這次意外的主因。但更值得大家注意的是扣上安全帶的重要性。這一點從是次意外中,前座扣上安全帶的乘客未有嚴重受傷可見一斑。

馬沙領有駕駛執照逾15年,深明路面經驗的重要性。剛考到牌的所謂新牌仔,千祈唔好以為在駕駛學院已學滿師,一出路面就可以做車神。其實考到車牌,只是代表您能操控一輛車,真正的技術還要真正的路面重新學習。

馬沙擁有幾類車輛的牌照,而每類車輛都是一次取得合格。馬沙清楚記得自己考到私家車牌後,雖然已經擁有3年以上駕駛電單車的實際路面經驗,但頭兩個月,每次駕駛私家車,都會叫有充足經驗的友人坐在身旁加以指導。直至非常熟習操控自己的車輛,才敢載其他乘客周圍去玩。點解咁做,因為作為司機,全車生命就操控在自己手上。自己都唔信自己手車,無謂害人害物。

好似以上意外,司機只領牌兩個月,車又不是自己的車,又無具駕駛經驗的朋友同行。凌晨時分在如此多彎的山路駕駛有幾危險,有經驗的駕駛者必會明白。馬沙支持政府仿效對電單車新牌仔要求,要私家車新牌仔在車上掛上P牌,並適量限制P牌車輛使用某些道路如高速公路。

(1月16日刊於《am730》)

7 則留言:

CH計數佬 說...

絕對同意掛p牌,等路人同駕駛者自己都警惕自己

匿名 說...

條仔真係累人累物
兩個月牌仔, 凌晨去d 山car la地方
d 女又係跟佢去........死

Gary 說...

某d新牌仔駕車態度係: 快=型....所以成日有d咁不幸的新聞

seikomatic 說...

沙沙。

定系新牌規定唔准去有鬼既路段。

嗡、嗎、呢、唄、嚜、吽

年青人嘛,講都唔會聽,聽都唔會做。

大蟲 說...

依家D學生真係勁,今日考試,前一晚仲可以走去BBQ.....

Ivan 說...

係d 新牌覺得型 似頭d 咁開到快一快之ma

新 娘 潭d 路已經叫易~~但新手緊係唔好開到快一快la~~如果唔係,係清水彎出九龍都死la~~

都唔明開咁快做咩~~好型咩~~~累到人地 整到自己~~~

我之前如果係開快車~~一定係得我一個人~仲要條路冇咩車先會~~但而家大個左小左好多lu

大許Eric 說...

d o靚仔真係唔炒鑊勁係唔識驚