星期三, 2月 06, 2008

好大喜功

淫照事件,不但足足霸佔7天各大報章頭版,亦幾乎成為本周所有八卦周刊的封面。馬沙昨天就曾見到一位女士,一口氣買下5本不同周刊,應該入貨過年。同一時間,又見到幾位外籍遊客在報攤前駐足觀看,在他們眼裡,可能以為香港剛發生驚天大奇案。不知是否受到該新聞帶動,壹傳媒(282)昨天逆市創出52周新高。所以話各傳媒係呢次事件最大得益者,不對亦近矣。

今次事件令社會最大的迴響,不是相片中的疑似藝人,反而是警務處的處理手法。於我們小市民而言,所關心的是案件的真相,而不是警務處幾位高層為市民帶來的一場白色恐怖。但警務處高調行動,除給人感覺不公外,就只有好大喜功。

昨天有老友問馬沙,相片源頭幾乎由警方證實是由某男藝人的電腦流出,相片真偽幾乎呼之欲出,為何各大報章仍用「疑似藝人」相片一詞。其實這一點都是拜警方所賜,因為直到目前為止,警方刻意拒絕證實相片真偽,並不停強調相片真偽與案件無關,而疑似藝人又未有出來證實,傳媒為免惹上官非,只有被迫繼續用「疑似藝人」一詞去報道。

講番好大喜功,前晚黃Sir就好大膽咁講,件案源頭已經揾到。但所謂始作俑者,只被控告一項有犯罪或不誠實意圖而取用電腦罪名。執筆之時,再傳出有新相片被上載,是否表示發放相片的人仍在逃呢?如果係的話,請捉到佢後才出來邀功吧。

(2月6日刊於《am730》)

8 則留言:

匿名 說...

ABCD大頭綠衣
捉人唔到吹BB !!

前日都大大聲捉到真兇,今朝又成堆新相出晒街,今次香港公安比班o靚仔兜吧星!

匿名 說...

http://evchk.wikia.com/wiki/%E6%B3%95%E5%BE%8B%E9%9D%A2%E5%89%8D%EF%BC%8C%E7%AA%AE%E4%BA%BA%E5%90%AB%E6%92%9A

匿名 說...

佢下次應該講: 我可以好大膽咁講句, 呢件案可能,或者,講唔定,我諗,聽人講,收到風,源頭已經搵得到

匿名 說...

助理處長黃Sir:「我可以好大膽咁講句,呢件案既龜頭已經搵到。」

匿名 說...

世間事不知怎分對錯.
男:懶得問恩怨怎分開.
女:當一切若浮雲.
男:祗有情永在
合:心中記一份愛

匿名 說...

特首睇怕都係時候出黎講句「人神共憤」!

匿名 說...

明天(初五), 疑似阿嬌會出來見傳媒.
以後我地有一隊組合叫"疑似Twins", 因為入面有一個疑似阿嬌的人.

匿名 說...

無論阿嬌聽日既聲明係點 (或者係其他受害人以後既聲明), 查實與我地真係無乜關係, 我亦不感興趣, 只係一種自救既表現. 但所引申既執法及監察既問題/疑慮, 對香港影響之大, 則難以短時間內消除. 講到底, 可能係大家對好多事都忍左好耐, 呢件事, 都係警方好大喜功所致, 暴露左"人工和諧" 既社會問題.