星期四, 5月 29, 2008

朝九晚六

上星期收到即將畢業的讀者B君電郵,B君說好多大學師兄都說要在會計界發展,就要有心理準備同朝九晚六說拜拜。其實馬沙由寫博客到寫專欄至今,已收過不少讀者電郵問上述問題。正所謂凡事無絕對,會計市場當然有一些人工高,又不需要長時間工作的職位。

馬沙今天就同準備入行的準會計師,談論這個非常切身的問題。大學會計系畢業生如希望前途有一點保證,加入四大會計師行相信無人會反對。如未能即時獲得四大的聘書,另外幾間知名的國際性會計師行亦好值得考慮。但當閣下獲得上述大行聘書及正式上班前,馬沙還得建議閣下,抽多一點時間去見見朋友及陪陪家人。如果仲有時間,不妨親身去看一看日落。因為未來一段日子,能看到日落的機會着實不多。

講到享受私人時間,其實是有的,每年仲有幾次。就是利用本來已經不多的年假,去準備會計師專業考試,請慢慢享受吧!

若閣下認為一個人每天最多只睡5小時,是不可能活下去的話,請不要考慮加入四大。朝九晚六是絕對有可能,如國內客戶辦公室要準時關門,請別忘帶同手提電腦及Working paper回酒店繼續工作。

最後值得欣慰的是當你幾年後正式成為合資格會計師時,你已有足夠首期買樓,因為多年來除吃飯及搭車,你實在沒有多少時間,去花費你那份外行人看來非常優厚的薪金。

(2008年5月29日刊於《am730》)

8 則留言:

匿名 說...

"如果仲有時間,不妨親身去看一看日落。因為未來一段日子,能看到日落的機會着實不多。"

共鳴 X 2

匿名 說...

沙兄今日呢篇好好笑,尤其呢段:

「講到享受私人時間,其實是有的,每年仲有幾次。就是利用本來已經不多的年假,去準備會計師專業考試,請慢慢享受吧!」

若缺齋老人 說...

馬老,閣下張timesheet似乎話你一星期做得四十幾個鐘,我有個在美國EDPK既老友有次見到香港區某高層,多口問佢有冇「食鐘」E回事時個高層誓神劈願話冇...

你而家咁講,小心吃誹謗官司! XD

匿名 說...

咁. 人生有咩意義?

匿名 說...

叫方卓如整個工會

匿名 說...

方卓如已貴為上市公司CEO,冇着數,佢釆你都有味!

大口仔 說...

其實又點止會計行業如此呢?銀行界又何嘗唔係朝8晚8?最少大口仔同屋企樓下個保安員的工時差唔多,我返工佢又返工,我放工佢又放工(朝8晚9,13個鐘),每日迎面撞佢兩次。

keith 說...

i have tried to calculate my hourly wages once. the answer is-- i am not much better off then those working in the McDonald (no offense to those in working in McDonald):p
guess that is the life of an auditor.....

oh, by the way, although i have missed the sunset, i have managed to catch the sunrise once (cause i left my client office at 6/ 7am the next day)......