上次有網友問間酒店是否好貴,馬沙可以話表面上係,但實際上呢..........唔係喎! 雖然這間酒店及我入住的連私人 HYDRO SPA POOL 房間,算是蘇梅最貴之一,但每天都只約HK$2,800元 (未計10% service charge 及7% tax),實在太抵住........
整多幾張相大家睇.......
房間門口....
左面 HYDRO SPA POOL (日間)
HYDRO SPA POOL (夜景)
房內LCD大電視
房內大床
酒店餐廳及泳池夜景
最後一幅,馬沙玩完浮潛,在海中撲蝶中.......
這次旅程真係太正.....太 relax ....
18 則留言:
爽得你吖....
歡迎回來﹗
果然係正, 幾個人住2000元又不是貴^_^
下次去試下先
連稅成$3,000蚊一晚,對我來講好貴.不過真係好正,努力搵錢,學馬大哥去玩幾日先.
實在太正同令人妒忌啦!
蝶式都識游,我一世人得兩朋友識游蝶式,看來馬沙兄係運動健將.即係話馬沙兄係文武雙全之士.
馬沙兄,看你記錄,你還有持貨,真的可以安心不睇市及完全放下公司要事去渡假嗎?
馬迷,
那幾天除了寫了兩篇 am730 的稿外(一篇正乘坐小船前往無邊海洋,準備作深海船釣,另一篇正在飲啤酒及享受日光浴),完全沒有睇市,回港後才知恆指升咗咁多。
第二天開始,連電話都費事帶出街,只是睡前看看當天有幾多個missed call 就算!
至於持貨呢...確有風險..跌咗咪當旅費一部份囉...度假喎....都係淨係玩同食好D... ^_^"
Gideon 兄,
你個BLOG入唔到去,快D整!
你就好啦…
ck 兄,
你早排都趕完一個project 啦,放幾日假relax 吓啦...
估唔到你都會安心不睇市及完全放下公司要事去渡假,原來每個成功人士心中都會有一D孩子氣,不過成功人士都係人者,都會有想盡情放鬆嘎一刻
好正的酒店! ^_^
輪到我放假了!
睇下馬沙那個"海中撲蝶", 估唔到馬沙咁fit喎(:p)。
真係妒忌您哩!嗚嗚~
馬沙肯安心不睇市及完全放下公司要事去渡假,看來最開心的是馬沙夫人呢!
環境真係好舒服喎！不愛旅行的我都有點心動！
你既泳姿真係型爆！！哈哈
可唔可以briefly咁講下一共幾日用左幾錢, 消費係邊, 俾大家有個reference呀...好正呀因為..
我都要努力賺錢，第日有機會都去 relax 下先
Gavin,
同夫人一共去咗5日4夜,機票連酒店約HK$13,000.
那裏消費比想像中平,我的主要消費如下:
玩:
一天深海船釣(包所有釣具及午餐),兩人約HK$750.
一天浮潛(Snorkelling)(包所有浮潛工具及午餐),上午在船上跳下海玩浮潛(即相片我游水的地方),午餐後到該處最出名玩浮潛的小島任玩,兩人又係約HK$750.
初學者水肺潛水(DIVING)約HK$200一次. 比我上次去布吉島平好多!
食:
酒店送一天晚餐,酒店餐廳環境極好,食物極佳.
在市中心餐廳試咗一餐皇帝蟹,超大隻(兩人差點兒食唔哂),連沙律及佩菜,再加不停飲啤酒,盛惠約HK$300.
另外一晚在酒店對出私人海灘上晚膳,酒店餐廳每天晚上會在私人海灘上擺設餐桌.有人現場演唱,坐位設計可讓您躺下欣賞大海及望星星!當晚海鮮宴加不停飲白酒,再加幾杯由餐廳特別為夫人調教的特飲,盛惠約HK$400.
其它去到邊,食到邊.
嘆:
夫人在酒店內 SPA 按摩中心試咗兩次,每次兩小時,共約HK$1,500. 已經算超貴.
出街 OIL 按摩及 Thai 式按摩每小時每次只係幾十元港幣. 勁抵!
購物:
男士天大喜訊,該島除一般吃喝及玩,連手信都幾乎冇得買.
所以呢,好食好住,每人唔駛HK$9,000.確係抵.
發佈留言