星期五, 10月 05, 2007

加薪

前天香港僱主聯合會向屬下550間機構提出明年的加薪建議,而他們所建議的平均加幅應在2.5%以下。建議一出,立即引來一眾學者及工會等狠批。

有經濟學者以本港明年通脹率將高達4至5%,有關建議等同減薪,所以直斥聯會無良及恐怖。馬沙真係好想請教該學者,究竟有那個經濟學家講過,機構對於員工加薪幅度,必須高過來年通脹率,否則就是無良及恐怖。

經濟學者本身應該未做過生意,加薪幅度應該高於通脹這建議,套用在各大學、公營機構或非牟利機構尚且可以。原因是加薪幅度的決策者,本身亦是得益者之一。少加了的錢無人可落袋,劃一將加薪幅度定在通脹率之上必定皆大歡喜。

職工盟李卓人仲好笑,指加薪建議缺乏科學理據,來年最低限度應加薪6至7%。那麼他的所謂最低限度又有否科學理據呢?

其實打工仔的薪酬從來沒有客觀定價,員工A在老闆甲心中值1萬,在老闆乙心中可以值2萬,那麼薪金制定何來科學理據?

馬沙認為僱主聯會的建議固然多餘,但那些所謂學者及工會的批評亦有欠公道。經濟復甦,打工仔不錯要面對通脹壓力,但企業經營者何嘗不是一樣呢?

特別是中小企經營者,面對業主動不動加租七成,各樣成本上升,但生意額又未能追上的情況下,怎樣向員工大幅加薪呢?

作為員工的你,若對加薪不滿,大可去找一個認為你有價值的老闆。

(10月5日刊於《am730》)

13 則留言:

匿名 說...

絕對認同, 在中國同印度這些階級觀念什重的社會, 低階級者唔應該對社會太多意見.
低階級者咁多意見, 生活在社會上層o既人如果生活?
生出來, 甘願做低層o既人, 係自己唔去爭取, 係自己選擇比別人奪去自己的權益.

FOT 說...

To L
低階級...
社會上層...
Eat shit lah..

FOT 說...

To MaSa
特別是中小企經營者,面對業主動不動加租七成,各樣成本上升,但生意額又未能追上的情況下,怎樣向員工大幅加薪呢?

Eat Shit Lah..

匿名 說...

好一個老闆嘴臉....

作為老闆的你,咪試下加薪百分之二點五,睇下你會剩番個有咩價值的廢柴員工。

匿名 說...

馬沙, 請問你公司既服務, 產品, 加價有超過百分之2.5 ?

打工仔, 老板係呢個話題當然處於對立面...
不過老板們當你們用加租, 加成本等原因去加少d人工! 咁profit 升一倍時, 你地會考慮主動加, 莫講話100%吖, 我諗10% 都未必會!

打工仔同老板, 都係人, 總係想多d錢係自己袋既! 不過你篇文, 我好反感...

匿名 說...

You are such a typical accountant. I think that your firm must be a tiny one, and it will not grow to a big one anyway in the future because no one with talent will work for you, for those who can not leave you for some reasons are not happy with you. Remember, you pay for what you get.

匿名 說...

絕對認受馬沙及L的說法.
無能力的經常要求這個那個, 一不合心意就罵人刻薄不體恤.
老實說, 你每天工作8小時, 加2小時OT. 你做的工作年年一樣, 我卻要為你一樣的工作年年加薪. 究竟是誰比較貪心?
請明白, 決定你工資的是市場供求, 而不是通脹. 別人給你這個價, 只因為你值這個價.

FOT 說...

To neo
無能力的經常要求這個那個
決定你工資的是市場供求, 而不是通脹

I thought you were talking about those incompetent SME enterpreneurs..
haha..

匿名 說...

請留意僱主聯會說的最多百分之2.5...就是那"最高",令人反感...

肥你 說...

有能力加薪留員工的老闆大有人在, 亦有些公司無力加薪, 老闆可能要用其他方式留下員工亦不足為奇.
家家有本難唸的經. 每年這個時候僱主聯會及工會固然要出來"抽抽水". 但當大家都知這些建議都只是癈話的時候又何用介懷?
打工仔有人工加往往是市道好的時候, 這些時候往往大部份的公司生意都會上升, 若在市道好的時候都拿不出錢來留人, 那只好被淘汰. 若員工在市道好時都找不到更好的老闆, 那只好認命.

匿名 說...

依作者的邏輯, 世上再沒有不合理的事了, 因為合不合理, 不是重點, 重點係: 做下家不滿, 大可去找另一個上家嘛.

但當生意艱難, 業主仲加租七成, 呢次老闆亦係下家的時候, 業主都可以講句:

作為租客的你,若對加租不滿,大可去找一個你認為滿意o既業主.

不要忘了"上家有上家", 數到最後, 全香港都不過幾個富豪. 那個僱主聯合會自以為跟上誅下最著數, 但一日有這種規矩, 即使你順風駛艃, 壓得下家通通死了, 你自以為可有多少落袋?

Clay 說...

若虛好同意肥你既講法。工資係供求決定,自認有能力加人工而老闆唔肯加,就去搵個肯加比你既老闆。如果你值呢個價,理論上,個market就會有人比呢個價你。如果搵勻都無人肯比你想要既價,咁會唔會你心中既價設得有點兒不設實際?

匿名 說...

其實農民的產品也是沒有客觀定價,批發商甲心中值1萬,在批發商乙心中可以值2萬,那麼批發價如何制定?

http://video.google.com/videoplay?docid=-7681734031609946397&q=%E5%85%AC%E5%B9%B3%E8%B2%BF%E6%98%93&total=51&start=0&num=10&so=0&type=search&plindex=3

http://video.google.com/videoplay?docid=-876557881321169799&q=%E5%85%AC%E5%B9%B3%E8%B2%BF%E6%98%93&total=51&start=0&num=10&so=0&type=search&plindex=1

http://video.google.com/videoplay?docid=-590750759262609150&q=%E5%85%AC%E5%B9%B3%E8%B2%BF%E6%98%93&total=51&start=0&num=10&so=0&type=search&plindex=2

馬生睇過呢個節目, 應該覺得好唔開心. 因為班歐洲佬, 完全唔知咩叫自由市場.