星期三, 10月 24, 2007

輕裝上路

昨天恒指收市升成千點,一口氣將周一的跌幅追回。昨天大清早讀各大報章經濟版,差不多所有股評家都睇淡昨日大市,標題包括「失守升軌、明顯轉淡」、「大市尋底下試2萬7」、「危機四伏淡倉傍身」等。

我在上年年尾前已將長期持有的投資組合清倉,組合內佔七成以上的滙控(005) 雖然至今沒有很大升幅(因我的沽出價近140元),但我當時卻曾經深信,恒指不能超越2萬點。正所謂牛市莫估「頂」,今次真係估錯不特止,仲要升到我唔信,升穿3萬點。

雖然我在本年中開始以手頭約三成資金再輕裝上路,但因未能把握8月中調整時入多一點中資股,以至今天雖能在調整後的升浪中獲利,但回報率比較指數的升幅,可說是差強人意。

或許有人話馬沙死「熊」一邊頸,如果唔係就發達。但返回一年前,又有多少人有信心恒指會升至3萬點呢?

特別係馬沙這種非常保守的計數佬,無論用我所學的任何估值方法,目前大部分的大型中資股都偏貴。雖然市場能找到多項理由去解釋,為何很多股份能高企於60至70倍,甚至過百倍的巿盈率。

記得每次股災前,都有人說以市盈率去估值已不合時宜,科網股年代有人提倡以Hit Rate去估值,今日有人提倡用PEG,但相信最後又會用返市盈率。如今面對前所未有的大型資金市,還是謹慎一點,在每次指數回落,以三成資金短線持有中資股為上策。

(10月24日刊於《am730》)

19 則留言:

匿名 說...

Its easy to lookup "PEG" from undergrad textbooks. Ask your junior if you don't believe.

變幻原是永恒 說...

用動態PE先至得架, 靜態係搵笨的. 不過現在太貴啦, 等緊大跌市, 跌跌跌~~~~

VC 說...

有無看Next Magzine Tony?

匿名 說...

每次用三成資金短線...你都on79
30%資金 比你賺到30% 計勻成個組合先執到9% 賺幾鑊都追唔到大市啦

你係咪買指數同期指?如果唔係 你睇指數黎有春用咩

如果買左PK8 大市升二萬點佢都可以唔升
咁你話睇指數有乜撚用?

你都係唔好同人講你買股票 廢事笑大人個口

匿名 說...

一個萬七點沽左貨的人不斷唱淡
到股災時就出黎認屎認屁

你同沈大師一樣都係差唔多咁垃圾

匿名 說...

上面位匿名哥哥,

on唔on9,先要睇本金基數喎!

1千萬30%=3百萬,成個組合9%=90萬!賺幾鑊好好喎!

1百萬30%=30萬,成個組合9%=9萬!賺幾鑊都幾十萬,仍好好!

10萬30%=3萬,買一隻大型中資股都唔夠,幾乎可以肯定馬沙唔係呢種。

你咁諗可能你100%都係三幾十萬。咁大家已經唔同層次!又如果你100%有過百萬,依家3萬點都仍然全攻型,你就要認真諗吓風險管理啦。

另「你係咪買指數同期指? 如果唔係 你睇指數黎有春用咩」,老實講,不論投機者定投資者,我諗冇邊個唔睇指數囉!

唔係買指數同期指就唔駛睇指數,同認為唔係買指數同期指睇指數黎冇用一說,更顯示你係百痴!

難怪馬老弟依家唔回應你這類留言。

匿名 說...

你買埋D唔跟指數的股仔
睇指數又有乜用?

我咪講左你買5號8號呢D 同指數系數唔大
睇指數黎係無意思
呀馬沙仲會走去炒股仔
呢D股仔同指數又有乜關係?

其實係咪上面位人兄唔識睇中文?
抑或我D中文太深奧?

匿名 說...

萬七點沽清貨
然後不斷唱淡話跌市
仲死唔認衰
話自己係迴避風險 策略正確

如果你真係識估值
幾時都有股可以買

風險管理係黎自你選股的功力
而唔係分散投資

如果你連巴菲特的意見都推翻
咁我就擺你上神枱啦

匿名 說...

馬沙,你覺得HSI+HSCEI幾多先算合理呢?

匿名 說...

人地自己話"今次真係估錯不特止,仲要升到我唔信",咁都叫死唔認衰?

似乎上面位人兄先唔識睇中文!

我睇咗依度好耐,成日都有匿名人寸馬老弟,講來講去都係"萬七點沽清貨,仲死唔認衰",應該係同一人。

睇唔起人,又唔見有好分享,咁醒就寫篇嘢比大家欣賞吓啦!

千祈唔好又話,識唔代表要寫喎!淨係識寸人嘅呀匿名股神。

阿爾伯特 說...

股票市場內每人總有不同看法。

大牛市內各位既然都有"著數",何必要這麼樣呢??

匿名 說...

哈哈哈 笑到仆街
咪教左你唔好睇指數買股
見指數高咪買D非指數股囉

唔係要我教埋你點搵下話?

匿名 說...

哈哈哈 笑到仆街
咪教左你唔好睇指數買股
見指數高咪買D非指數股囉

唔係要我教埋你點搵下話?

匿名 說...

我發現你幾似財演

成日唱淡 又走去短炒
即係升跌你都中
神又係你鬼又係你

閒人 說...

呢道幾時變咗被人講粗口發洩嘅地方?

匿名 說...

淨係識寸人嘅匿名股神,唔好得把死人口啦,介紹反兩隻非指數股比大家吧!

再唔係教埋我地點搵,証明你唔係on79!

匿名 說...

呢排都見唔少人笑巴菲特咁早放中石油(857)on79......

2000年又好多人笑巴菲特唔買高科技股on79......

到最後最on79咪又係笑人on79嗰個.....

歷史又會再重演多一次。

匿名 說...

笑了
越早放=越醒?
咁5蚊放857咪係超人

從沒參與科網=神
咁從科網中賺到錢的=?

自己沒參與過然後置身事外就係度笑人

我無叫你地100%股票甚或借孖展炒股
但100%現金又係咪明智?如果你覺得咁樣等左成年 損失萬幾點升幅 甚或損失國指以倍計的升幅 咁我甘拜下風囉

一味話驚股災 渣住成手現金就係度笑人
笑大人個口

匿名 說...

清晒倉, 全現金都係輸家.
一係買 d 保值資產. 美元相對其他貨幣跌左幾多?!?

個倉大部份係 005, 起 140 蚊都要要怕怕. 把資金去抄股仔. 買一d管理層冇咁好o既公司. 短炒期間果 d 股仔可能隨時停牌, 出事o既風險又點 Manage?

馬生認同 005 係好公司, 想起 120 蚊飛身去買返佢. 說到尾, 清倉 只係一個套利行動. 風險管理成為套利不成的借口.