星期五, 10月 26, 2007

真假豪宅

上個星期日,馬沙同太太行街,中途被某地產公司經紀攔截。

原來該處剛好是去參觀某新樓盤專車的上落處,馬沙即時想起近日每晚都會在電視上面,見到該新盤廣告裡的豪華遊艇。記得有報章介紹該樓盤時指出,該盤建於臨海地段,設有私人碼頭供住戶使用,但當時就心諗,擁有私人遊艇的人會否願意住在該處。

反正有時間,就跳上專車去看看該盤。到達樓盤已是晚上6時,竟然還要大排長龍,難道真的很多人股市套利去買樓。在排隊等待時馬沙睇睇價單,平均尺價約7千元,即7百餘尺要5百萬入場費。

排了近半小時,終於踏入7百多尺的示範單位。示範單位設計師好醒目,將所有間格打通,令人有一種好實用的感覺。

對馬沙來講,睇新樓盤最重要是現場實地睇無裝修的標準單位。到達另一個無裝修的標準單位,門口表示實用率近7成半,但馬沙就唔係好覺。該盤沒有近年發展商最賺錢的大型露台,問問經紀,原來該盤已起好幾年,當年未興露台咁話。

睇市區盤,首要梗係地點方便。馬沙走時手抱兒子行去奧運站,就行到想死。其次當然是用料,就單位內基本用料,算好差勁,同附近4千幾元一尺新盤無甚分別。最慘係走廊連一塊雲石都冇,成7千元一尺,竟用一般防火膠板作裝飾。

其實5百萬有好多選擇,準買家決定前請想一想,早兩年高價買入工廠區豪宅「雀仔庭」的買家今日的結果。

2 則留言:

匿名 說...

建成幾年要等到現在才出售, 想必是期待政府西九拍板吧?

匿名 說...

股市有搭棚,樓市也一樣,