上門維修

上星期家裡電話線出現故障，惟有約電話公司技工前天晚上上門修理。馬沙刻意選擇晚上8至10時，是這間公司的維修員經常「放飛機」，要客戶在家空等一場，上年馬沙就被他們放了兩次飛機。

前天晚上，馬沙提早收工，準時回家等待維修員上門。約8時半，一名維修員來電，說9時準時來到，馬沙即急忙在他到來前的半個小時完成晚餐。

不幸地，那名維修員在9時後再次來電，跟馬沙說當天不能為我維修，而理由更是叫馬沙無名火起三千丈。他說馬沙居住的屋苑，電話總機裝置在平台花園的一間小型教會內，而該小型教會晚上已經關門，以致不能入內為我維修。

馬沙當然問佢老哥有無搞錯，專登提早回家等了多個小時，最後先至同我講搞唔掂! 電話總機裝置在小型教會內唔係第一日的事，點解明知晚上不能進內仲同我預約?

該維修員即時回答馬沙唔關佢事，時間是由客戶服務部同馬沙預約，他們可能不知道馬沙居住的屋苑晚上不能維修，而佢只是跟單辦事。

馬沙即時叫佢唔好推卸責任，屋苑晚上不能維修這特殊情況，客戶服務部不知是情有可原，但你應不是晚上才接這單吧！接單的一刻無留意，提早通知取消當晚預約，點解8時半來電仲約我9時？

該維修員即無言以對。

最要命的是他最後叫馬沙放心，因我的問題其實只需在總機處理，唔使白天有人在家等，真係吹脹。

(12月5日刊於《am730》)