星期二, 4月 15, 2008

誤解

每種行業都有其專業技能。職業司機的駕駛技術應比一般司機好,廚師必定能撚得一手好菜。作為計數佬的會計師,當然給大眾感覺擁有比一般人優勝的計數能力。好多人話會計師數口精,呢點原則上無錯。但只應用到大方向的層面,如要應用在日常生活,卻可能比每天到街市買餸的家庭主婦不如。

你可能會問,堂堂會計師,計數點可能差得過家庭主婦?

第一,好多人都對會計師有誤解,以為會計師是每天關在辦公室裡,埋頭苦幹地計算一些異常複雜數字的大悶蛋。實情是好多會計師並不需經常計數,就算真的要計數,絕大部分時間不外乎加減乘除。咁即是連小學生都識?非也非也!我將條數放在小學生面前,佢哋的確有能力計算出答案,但點解要計呢條數與及呢條數的由來,就非要熟讀會計準則、稅務條例、公司法及上市條例等等不可,再加上所謂財技,就是會計師最值錢的資產。

第二,就是大部分會計師都過份依賴案頭的計數機。就馬沙認識的會計師而言, 由於日子有功,養成一種習慣,就算一般非常簡單的加減數,都會順手按按案頭的計數機。就因為咁,會計師按計數機的速度可能超越李雲迪按琴鍵的速度,但就幾乎喪失心算能力。所以,大家下次同會計師朋友飯局後,千萬不要再叫佢哋計算每人應付多少錢,除非閣下能提供一部計數機。

(2008年4月15日刊於《am730》)

7 則留言:

Gideon 說...

同 engin 一樣,大學時差不多將所有數都要讀完,其後都只要簡單運算,習慣依賴計數機。

匿名 說...

好有同感,同D朋友食完飯,總會有人大大聲話有會計師係到,叫我負責CHECK單同計數,簡直痴線。

火鶴 說...

我哋一班人出街食飯, 計完數後先至揾做會計嘅朋友做audit. 佢一點頭, 個個就會乖乖咁俾錢.

若缺齋老人 說...

再加上所謂財技,就是會計師最值錢的資產 <- 有幾多會計識?

話時話,剛想寫兩個「專業」會計師同保安員既分別。

Patrick 說...

我想,除了識計數外,坊間對會計師或多或少還有以下錯誤觀念

1) 會計/audit識炒股
--> 唔計做list co. audit有內幕消息,我無乜見做audit或者讀acct炒股/買股票特醒

2) 做會計/audit搵錢多
--> 唔使多講

C.M. 說...

>>想寫兩個「專業」會計師同保安員既分別

萬分期待!!

匿名 說...

哈... 正常.... 尤其是做慣高層的,

做慣大決策的cfo, 有aicpa又有cfa, 在公事上真係非常能幹. 但沒想到報個人稅時, 就完全唔掂, 要我在旁邊教邊解釋稅法...