星期二, 12月 23, 2008

麻木不仁

在過去一年,政府一眾高層官員,幾乎在所有事故發生後,向市民解畫的表現都令人感到失望。市民不禁會問,究竟呢班官員本身欠缺危機管理意識,還是因為但求自保,所以麻木不仁,背着良心講大話。正所謂權力令人腐敗,香港政府的高官,正正在彰顯「越高層、越低能」。

為求逃避責任,講嘢既不經大腦,且毫無常識可言的文化,現在更入侵各個服務機構。要數不負責任方面,醫管局屬下多間醫院的總監,在每次發生醫療事故時,就最出神入化。

還記得多月前某醫院,有病人不幸被錯誤割去一邊乳房。馬沙好記得當日在電視上,收看醫院就該醫療事故的新聞發布會,某名醫生竟可當住眾人面前說:「錯割病人乳房,係一個壞消息,但可喜的是證實咗病人並無患上乳癌」。不知呢位仁兄是否覺得自己好幽默,但如果懂得將心比己,想想若病人係自己至親,當知以上一番說話實在一啲都唔好笑。

日前明愛事件,病人已經不幸死亡。先不管誰對誰錯,那個醫院總監馬學章,竟然夠膽面對公眾,大大聲話明愛服務已經做得好好,員工已經依足指引。

人家到達醫院門前,醫院見死不救都算,還要說死者兒子不幸,以為去到懷明樓(事故地點)門口,已經到咗醫院。即係暗示最錯就係死者兒子,無直接送父親到適當地點,去錯地方又唔識自己打999。講得出呢番麻木不仁的說話,已經無資格當明愛總監,唔好影衰晒其他好醫生。

(2008年12月23日刊於《am730》)

15 則留言:

Betty 說...

我觉得做医生, 真系不能单靠学业成绩, 好应该先做下心理评估, 否则成绩多好, 但无医德, 一样系死得人多.

匿名 說...

上樑不正, 下樑歪正是香港人現時的寫照. 由特首, 司長, 政府部門, 議員......以至個人都是為了只是保住份工,少做少錯,沒有任何承擔。試問香港怎會有明天?

Betty 說...

帮嗰医生检验睾丸, 跟住话他生睾丸癌, 扩散到条野度添, 成条野连睾丸都切晒. 后来交代时候话:

「錯割你撚野,係一個壞消息,但可喜的是證實咗你並無患上睾丸癌」

kenkachemhazard 說...

評估醫德?連小學都評估唔到德體群美,點評?

匿名 說...

「 割 錯 乳 房 」 事 故 報 告

"北區醫院行政總監鍾展鴻指, 當日的過程混亂, 在無證人,無證據下, 很難證明有員工需要對事件完全負責."

匿名 說...

馬學章總監稱,原則上,消防處 應該為今次事件承受最大責任.

匿名 說...

>>連小學都評估唔到德體群美

高層佢細個到青年時絕對是父母眼中的乖仔兼真的望到子成龍果隻!

也是老師眼中最聽教聽話同最好教果批!
到出來做實習時師父都認為是乖仔有前途!

金錢令他成魔

vicki 說...

救命都要跟指引,真係吹脹!難為亞總監講得出口無問題!!

匿名 說...

不過鬧還鬧,唔好留難d卒仔

匿名 說...

呢條馬學章最pk ,究竟點會做到甘高級, 一開始就話自己做左幾個月,好多野不清楚,昨天又死撐,今日仲賴救人的醫生用手機講得吾清楚和太緊張,現在又賴消防

匿名 說...

做了幾十年人, 以前覺得香港政府還可以見人,
現在回歸了,果D不知所謂"官"水平都跟上面差唔多,今早聽電台講我哋食近嘅冰鲜鳼来源,我已口定目呆,香港政府已不可信,唯有自己事事小心.p.s.小瓶子所講的真是精彩.bravo.
剛聽電台說特首民望稍升,我捭...
我想講粗口呀!!!!!

WYJIMMY 說...

唉.... 香港還適合我們居住嗎? 現在香港還是"香港"嗎?

匿名 說...

馬學章在97前是擔任甚麼職位?

中產管數男 說...

讀咁x多書,都唔識分咩時候要跟指引,咩時候要隨機應變,正廢物

阿湯 說...

無計,政府這種龐然大物+官僚作風,令到做任何事也會寸步難行!今年上半年曾經長時間和政府的影視處接觸,他們的懶與按本子辦事實在令人火滾!
可悲的是,我們卻要活在他們的政策之下!