星期二, 2月 17, 2009

反智

好多人話香港的教育水準每況愈下,要找出問題所在,再對症下藥作出改善。對於教育政策近年朝令夕改,其影響之深遠,固然成為主流笑話。可是,一眾政府官員的反智思維,往往才是問題之所在。在金融海嘯之下,政府官員天天高呼當前急務是要力保就業,但他們提出的方法,就令社會資源錯配再錯配。

上個星期就有人走出來大叫,鼓勵各準畢業生,可考慮留在校園繼續進修。美其名就是提升及裝備自己,將來更有能力面對經濟不景。實際上就是想減少今年畢業生失業的數字。馬沙聽到「心都實」,世上竟有政府官員鼓勵大學畢業生逃避現實,將校園當作避難所。假如聽佢講,幾年之後進修完,經濟仍未轉好的話,是否又要留在校園更上一層樓呢?

將校園當作避難所這種做法嘅人,上一次金融風暴就已經很多。到經濟轉好時,最先受惠嘅肯定係市道最差時,走出來社會打逆境波嘅畢業生,而唔係嗰班只懂將校園當作避難所,有高學歷但毫無工作經驗的人。

昨天讀報,教育局長孫明揚又話,金融海嘯下,香港的教學語言亦要重新定位,讓學生多接觸英文,鞏固香港國際金融中心地位。雖然「金融海嘯」的而且確對好多範疇都有影響,但硬將「教改」及「教學語言微調」跟金融海嘯拉上關係就有點兒那個。敢問孫公何解在金融海嘯下,教學語言需要重新定位,學生要多接觸英文?兩者有何關係?篇幅所限,另一反智建議後天再續。

(2009年2月17日刊於《am730》)

8 則留言:

匿名 說...

政府還有一招, 叫大學生返大陸工作,我在大陸工作了11年, 如果用我哋D思維和生话習慣在大陸工作,多多大學生都唔夠死,真係低B港官.

若缺齋老人 說...

馬老可有聽過《飛天意大利粉教》教義?其中一個就係「海盜減少令全球暖化」、「索馬里海盜多所以東非溫室效應問題低」;

簡單講就係將兩樣同時出現而無厘啦更既野強加因果關係,政府好學唔學就學埋D咁既野!

Bittermelon 說...

其實一眾高官不時蠢材,為何他們的措施或建設大多不切實際? 接觸群眾多聽巿民意見是老生常談,但似乎他們並不太在乎...

匿名 說...

政府官員通常都係我們既明燈,就係佢叫你去東你一定要去西,佢叫你去西你一定要去東!

如果跟足政府講法,佢地只想要個有博士學位既社會寄生蟲。十幾前年夠叫人去讀電腦啦!依家做電腦佬,咪同以前做水喉佬一樣!

講到尾政府班官就唔肯負責任,如果佢地肯減自己d人工出黎支持青年人就業,佢地就有氣派啦!

若缺齋老人 說...

馬老:關於教育剛寫了一篇,你老覺得如何?

http://dodderer.blogspot.com/2009/02/blog-post_17.html

篤篤篤撐 說...

鼓勵各準畢業生,留在校園繼續進修, 主要不是為了降決就業問題, 是為了社會問題和政治問題呀。
回想沙士一彼, 董生就係死在年青中產手上, 當時好多大學生失業, 在網絡上動員起來, 結果打瓜左董特首。
e+比錢攪掂班大學生, 買個安心, 至於低學歷的, 冇野做最多做宅男, 對bow tie冇乜影響。

呢d就叫做"做好呢份工"---最緊要係保住bow tie自己份工~~~

立邦毅德.Alpha研究所 說...

真係好反智,唔經風浪,點會練到身手,如果d學生相信,我會對香港教育會幾失望.

DW 說...

香港教已經沒救,要改就要從頭到腳都改。改少少,根本解決唔到問題。

最緊要是要令學生有問問題的習慣,唔係佢地乜都"接受",乜都唔問....下一代政府肯定又會是原地踏步。