星期六, 12月 16, 2006

迷失中環 - 馬沙篇

上個月馬沙一個人迷失於中環國金,
巧遇方卓如....

馬沙:「卓,恭喜你新書出版」

卓: 「多謝!好睇嗎?」


馬沙: 「非常好睇,只是字体好似太大,書亦非常之薄! 我放工到書店打了3天書釘就看完。」

卓: 「馬沙你有所不知,此書最佳閱讀地點不是書店,而是公幹時於飛機、公車或大船上。交通工具會搖擺,字体大一點方便閱讀。公幹一般兩三天,剛剛好!」


馬沙: 「今次這書最好看是大量加插博客留言。尤其是不敗的魔術師的"國金同人誌"。但好像有點妹仔大過主人婆!」

卓: 「我都有這感覺,可惜後悔已遲。」


馬沙: 「你出書前得到不敗的魔術師同意嗎? 有冇付他稿費?」

卓: 「........」


馬沙: 「至少應請他為你寫書序吧! 你的系列不是還有3冊嗎? 亡羊補牢,未為晚也。」

卓: 「考慮考慮!」


馬沙: 「下一冊定價可以平一點嗎? 如果是$50,在書店又有八折,即$40我就唔駛打書釘啦!」

卓: 「......」


馬沙: 「啊,忘記恭喜你終於追到雲妮。」

卓: 「有甚麼恭喜不恭喜,早知她對我有意思。」


馬沙: 「有時間記得上我Blog看看我寫的"馬沙筆記"比下意見好嗎?」

卓: 「一定一定!」......心想:「點同我比!」

20 則留言:

若缺齋老人 說...

馬老,你真夠勇氣,我可唔敢同原作者講我打書釘掃晒佢成本書(雖然好多時都會咁做)。

洛克 說...

馬沙兄, 你寫到咁盡, 搞到我都想問問方兄, 我都有一少格留言係佢本書度, 可唔可以收番一兩毫子稿費 ??

馬沙 說...

若缺齋老人,

事實如此,“迷失中環”68元小沙真的不願買!如將來3本依小沙文中定價(40元),小沙第一時間去買!

註: 方兄的「國金外望」小沙是第一時間去買!因定價48元(八折後38元)比較合理!

馬沙 說...

洛克兄,
其實我真的想知方兄事前有否知會“不敗的魔術師”! 因他的篇幅確很多!

匿名 說...

我打一天書釘把佢看完了~呵呵!

渣估 說...

渣估睇書速度好慢, 到而家都仲係睇到p.44果篇咋。

不過小弟腳骨力麻麻, 好怕企響書局打書釘。

於是本書一出版第二日就已經掏腰包購買了, 亦打算買埋其餘即將推出既三本, 一於集齊一套四本, 連同丘世文及陳冠中全套作品放響office, 扮下文藝中年。

請問各位方卓如係唔係香港第一個毀blog 出書既博客?

匿名 說...

我都係打書釘打左兩次就睇完!

我睇完之後第一個感覺都係,"喂,啊方生,你有無俾稿費俾不敗的魔術師呀?"

仲有,本書真係好貴,因為有之前本國金外望做比較,尤其係我呢d低級打工仔, 一本粒幾鐘就睇得完o既書,收我$78, re 唔re (reasonable)先?

渣估 說...

貴與平真係見仁見智。渣估覺得淨係個咁靚既封面同焦文達既攝影插圖已經起碼值HK$40!

我一得閑就望住本迷失中環既封面出神! 佢靚過國金外望個封面好多!

亦好配合內文果種跳脫飄柔既清新感覺!

馬沙 說...

渣兄,
我反而愛國金外望個封面多好多!同原是物語成一套,多好看.所以小沙見價錢合理,兩本即買!

匿名 說...

太好了.原來很多人同我一樣只愛打書釘.

謝斯柏賀維士 說...

哈,馬沙講出好多人的心聲 :)
今日去左 MK 一轉,田園書店老闆話方生本新作是 1-2 week 後應該會有
大家準備打書釘啦

匿名 說...

迷失中環好睇....真好睇.....
方卓如好勁......係好勁.....
我係方卓如......無敵方卓如......
我係書釘王......無敵書釘王......

匿名 說...

人地的創作都不懂尊重, 這等薄書, 打下書釘睇下都算比面佢

匿名 說...

方卓如開了一個先例: 原來訪客留言是可以連同網誌結集出版的。事前不用通知。我覺得最起碼都應該在書內刊登魔術師及其他在國金外望留言博客的網誌URL 吧! 這是起碼的尊重! 馬沙將來如果打算出書請留意這點。

匿名 說...

方卓如第三本著作紅頂白經已出版。大本左兼厚左(180頁,相比迷失中環只有150頁,頁數增幅為20%之巨),但是售價不變! 抵睇左,因為書本重了而大大增加了讀者在書局打書釘的手臂肌肉承托的成本。

馬沙 說...

剛在書店看了5分鐘新作,全書約180頁,今次加插大量圖片,?幅都近一頁.
另size大?,如想成一套放書架,會很失望!

匿名 說...

方卓如梗係無搵過我啦!

馬沙 說...

魔術師大駕光臨,小沙有失遠迎!
魔術師今天總算為我解開在心中多月的迷!

有否想過寫信給他呢?

匿名 說...

寄去邊?出版社乎?

馬沙 說...

出版社看來是為一出路!