星期五, 12月 29, 2006

慢速上網

早兩天台灣大地震,不知是否巧合,竟跟年前南亞大地震同是發生在 12月26日。上次死傷無數,今次卻令香港很多公司損失慘重,眾多網友有一種比死更難受的感覺。

馬沙前天大清早上班,如常上網查看公司電子郵件,已發覺速度比正常慢。之後準備看看當天新聞及Blog等等,發現全部不能接上,以為寬頻有問題。正當小沙準備檢查辦公桌下的電腦時,小沙房外大球場同事們慘叫︰「今天MSN死晒呀!」。幾乎慘過小沙出去跟他們說: 「今年冇花紅出!」。

後來聽新聞得知,原來有海底光纖電纜因地震受損,使香港跟美國、台灣及歐洲的通訊中斷,即所為「不能出公海」。小沙公司不同部門同事平時喜愛以MSN聯絡,某些同事更要經常用MSN跟外國客戶聯絡,這兩天要用電話,同事們稱很不方便。一些不知就裡的外國客戶更破口大罵小沙同事,小沙重來未想過MSN對公司運作有如此大的影響。

由於小沙從來不用MSN,所以並未受到影響。可是,當小沙知道大部分博客都不能閱讀時,心裡真有點不是味兒。第一,小沙不能看到其他博客給自己的留言。第二,小沙冇辦法將當天《am730》文章上載跟網友分享。最後,看不到其他博客的精彩文章。不知各博客這幾天被迫停筆,心情可有跟小沙一樣。

小沙寫此稿前,心血來潮,試用放低很多年冇用的56K撥號上網方法,不知是否應用不同技術,竟發現此慢速上網方法可出海,連Wordpress及Yahoo Mail都能連上。

(12月29日刊於《am730》)

11 則留言:

塞米一條揚陸轟炸機 說...

不瞞說,56k其實比寬頻還可靠。所以以前在香港登記寬頻上網,網路公司都會provide一個56k dial-up account給客戶作後備用途,不過近年不知道還有沒有這個傳統就是了。

寬頻大概還會有downstream的情況,不過56k相對會發生的情況比較少。

小溫 說...

我那個56k modem早已經被depreciated到不知去了那裡了,空有一個dialup account而用不著。

不過,這幾天最慘是在巴士上百無聊賴,想用手機上網用google reader看blog又連接不到,回到家可以上網了,卻見到所有blog友都集體失蹤,那種無奈實在是非筆墨所能形容。

匿名 說...

不過, 今時今日, 又有幾多個人會咁保險/懷舊, 仲 keep住個 modem係度? 除非你用緊 laptop, 或者用電腦收 fax.

同埋, 電話公司都話 IDD ok, 用 56k上到唔奇既(電話線嘛!?). 但係要計 pnet既話就...

不過我又覺得無網上, 無所謂啦, 以前都係咁過架啦. 咪多 d機會聽電話既真人發聲 instead of MSN既聲囉. 不過你要睇住個市/個 friend係外國就另計 :P

塞米一條揚陸轟炸機 說...

也對,沒有modem是比較惡搞的一回事:p

匿名 說...

我想問馬沙兄,個市咁好,仲諗唔諗住繼續等?
我想信唔少人都好手痕了……

馬沙 說...

gideon:

等待,從來是考驗EQ及痛苦的過程.

小沙這個多月的確十分手痕,但冇理由$4.5的建行,$15的國壽認為不合理,刻下用超現實價去買吧!

我會等,直至天荒地老!

匿名 說...

因為上個禮拜五先睇信報曹超人講佢上當年就係咁一早睇淡個市,散晒?貨扮先知,結果錯失左好多機會。

不過見倒馬沙兄個份自信,不得不講一句:「好﹗」

馬沙 說...

gideon:

你的一句:「好﹗」 可能要賺少很多換來的>.<"

匿名 說...

就好似渣老闆咁,話要掟幾球出黎搞番份報紙,
咁豪既決定,係燒錢架喇,
又點可以唔講返句「好﹗」?

個市乾升,得?大戶係度自 X
我又唔見有人真係賺倒好多。
所以我又唔覺賺少左。(我又算唔算係度自X)

yuen 說...

馬沙兄,
會否於國企指數或?指破某一位時改位睇好?
還是等調整來臨時才入市?

此轉變,只是止蝕的一面鏡子。

馬沙 說...

源仔:

恆指我先睇16,500!
國企指數調整可能要三成才夠深!