給兒子的信 (三)

親愛的德信:

時間過得真快,轉眼間你快8個月大,現在的你,除懂得爬行外,為父還經常見到你偷偷嘗試扼着BB床的圍欄站起來,真不知你何時才懂得自己走路。

夏日將至,為父見你的頭髮漸長,早前碧咸型仔髮型已不復再見,更要命的是日漸走向鮑魚刷頭。剛過去的5.1假期,經媽媽命令,為父決定親自為你人生第一次剪髮操刀,幫你改變型象。

為父還記得上一次拿起髮剪,已是為父就讀中四那年初夏,為幾名同班同學剪那個前面陳百強,後面張國榮的髮型。幫你剪髮時,即讓我想起我的快樂童年。

唔使一個鐘,搞掂! 真估不到你會乖乖坐著任為父剪髮,你那刻實在太乖。剪髮後的你,成個和尚仔咁,在為父眼中,實在太可愛了。究竟你照鏡時認唔認得你自己呢? 可以的話就話比我知!

父 - 馬沙字
2007年5月17日深夜

剪髮前 (鮑魚刷)

剪髮後 (和尚仔)