星期四, 5月 17, 2007

給兒子的信 (三)

親愛的德信:

時間過得真快,轉眼間你快8個月大,現在的你,除懂得爬行外,為父還經常見到你偷偷嘗試扼着BB床的圍欄站起來,真不知你何時才懂得自己走路。

夏日將至,為父見你的頭髮漸長,早前碧咸型仔髮型已不復再見,更要命的是日漸走向鮑魚刷頭。剛過去的5.1假期,經媽媽命令,為父決定親自為你人生第一次剪髮操刀,幫你改變型象。

為父還記得上一次拿起髮剪,已是為父就讀中四那年初夏,為幾名同班同學剪那個前面陳百強,後面張國榮的髮型。幫你剪髮時,即讓我想起我的快樂童年。

唔使一個鐘,搞掂! 真估不到你會乖乖坐著任為父剪髮,你那刻實在太乖。剪髮後的你,成個和尚仔咁,在為父眼中,實在太可愛了。究竟你照鏡時認唔認得你自己呢? 可以的話就話比我知!

父 - 馬沙字
2007年5月17日深夜
剪髮前 (鮑魚刷)


剪髮後 (和尚仔)

12 則留言:

渣估 說...

好得意喎!

馬沙 說...

早晨老渣,看來你毎天開工前第一件事就係睇Blog!

匿名 說...

點解要幫個baby 剪光頭o既! 唔咪包魚刷頭,係光頭o既..
後面看來都好得意啊..

匿名 說...

好可爱!

阿爾伯特 說...

個BB好趣緻,可能有其父必有其子!

財務自由人 說...

好可愛既 baby 呀 !

K 說...

BB好可愛呢! 令我想起"一休"和尚這套卡通片。

看完之前的兩封信, 深覺不只母愛偉大, 父愛亦同樣偉大。

不過為免過份寵愛, 有否考慮生多一個呢?

匿名 說...

好可愛呀,佢好快就識行嫁啦.

匿名 說...

"前面陳百強,後面張國榮的髮型"
想起都好笑 ^_^"

馬沙係咪學過剪髮? 正常人來講,剪DD都驚啦. 仲剷光頭....

馬沙 說...

Karen,
以行動及照顧來講,馬沙永不及夫人偉大。
寵唔寵愛,家長本身問題,與生多一個冇關!

samsara,
佢識行我仲驚!

Betty,
馬沙自學剪髮,最慘好多同學肯做白老鼠.

C.M. 說...

馬沙兄:

哎呀!好型!

小妹都話想同小女剪光佢(天氣熱),不過比小弟禁止左...聽人地講,剪左頭髮會粗d...你知啦,人地女仔黎加嘛。

(咦?你都好安全咁鋪曬軟墊比BB播。Thumbs up!)

匿名 說...

你放塊鏡對住 個bb,
看下 個bb會不會
走/爬到個鏡後面,
然後便知道他 照鏡時認唔認得他自己