正當內地股民在股市發股瘋的同時，香港市民不知從何時開始爆發「道德瘋」，忽然道德水平如股票急漲。若然有個全球道德排行榜，香港必定名揚天下，跳升幾級，分分鐘攞飛躍進步大獎。
對於中大學生報，馬沙第一天睇多份報章的報道後，即時都覺得離譜。多得「溏心風暴」內大契那句「耳聽三分假，眼看未為真」，馬沙親身找來該報睇清楚，原來只係提到「亂倫」及「人獸交」這類具爭議性的問題。內文更沒有叫人去做或教人去做。如同一問卷是交由性教育資訊機構去做，肯定變成高尚的性向調查問卷。再講，中大報的目標讀者本來就只有中大學生，與公眾何干？
如今中大報被判為二級不雅物品，可是一眾不停指責該報內容不雅的偽道德人士，有幾多個有自己親身用眼去看中大報呢？
還是只是看過其他報章斷章取義式的評論就加以論斷呢？
馬沙覺得，那班偽道德人士，如要提高香港道德水準，應先去投訴各大報章內附的風月版，難道圖文並茂及內容露骨的風月版就無問題？
你是家長，你認為子女看風月版比中大報健康嗎？
執筆時，收到2,040宗投訴的影視處剛公布以《聖經》是宗教文獻，亦是人類文明的一部分為理由，不會將聖經送檢。香港成為國際笑柄的危機即時得以解除。可是影視處及淫審處的處事準則，看來必須向市民作出合理交代。
(5月18日刊於《am730》)
12 則留言:
中大學生報incident=照妖鏡
廿幾歲後生仔仲可以話年少白痴,五十幾歲既只可以話係失心瘋。
今次中大學生報事件，我同馬沙既意見相同，被過份道德化
馬沙你好:
本人在你的blog和回覆學到很多投資的道理,雖然未能完全記得,但可算是得益不少,在此誠心多謝馬沙的無私分享,咁我想請各位指教一下,到底看什麼書會比較適合初學者,本人太約有一年多的投資經驗,可不可指出幾本值得看的書.還有想問下你要多少時間才能看完一本書,又能記得多少,因為本人很經常看完一本投資書後,很快就忘記書中內容,覺得事倍功少的感覺.多謝指教.
說得好。
另回最高工時。馬沙似乎曲解了現時的立法建議。最高工時的意思是如果員工需要工作多於某一時限，就必需預先與僱主訂明補水方法，僅此而已。即是說就算有最高工時，你一樣可以翻夠一百粒鐘，冇人會阻止你。
現在的問題是有好多老細 by default 認為 OT 係老馮既，搞到 d 伙計冇野做都唔咁夠膽早放工；或清潔保安被屈每班十幾個鐘，影響身體健康。法例要保障佢地唔會因為唔肯加班而被炒咁解。
如果問卷係問你想打劫邊間銀行, 你有興趣殺你那位屋企人呢?? 都係問吓, 都係無教你點樣打劫點樣殺人....大學生係有一定知識水平, 但都係廿歲既年輕人, 應該放眼一d更加正面積極既事上, 除非中大學生有呢d問題所以佢地好想了解及糾正啦, 否則只係搞gimmick既就絕不支持, 再者咁大個人要考慮多d野, 有無諗過自己學校既聲譽呢? 如果無即係你都唔以自己學校為榮, 咁大學管理層真係要注意同努力下囉...
to san:
我其實也認為學生在學生報上寫有關「亂倫」、「人獸交」等題材是有點爭議性（可以說是過火）。但我更不認同一眾淫審處／所謂道德人士／中大校方對該等同學過份的反應。
我又咁諗喎，打劫殺人係有 externalities 的，唔想參與的人都會受到影響。亂倫獸交係冇 externalities 的，人地房門後面做乜唔會影響到你。兩件事性質好唔同，討論標準未必一樣。
再者，有 externalities 既我地都照討論架啦。打伊拉克本質上同打劫殺人係冇分別，只不過多了幾個前設，我地一樣會公開討論格。亂倫獸交都一樣有大把前設，例如表哥表妹算唔算亂倫，就有排你拗。
覺得討論亂倫獸交本質上有問題既，可唔可以提個 solid 少少的理由點解 (other than 有好都人會唔 happy) ?
馬沙兄：
據小道消息，影視處及淫審處而維護官員的士氣作為處事準則，自政府把領匯「公私亂交」後再被小孩從後偷襲打擊官員士氣，因此領匯上市後的日子，任何與亂交一詞有關的文章及想法都要大興文字獄！
我不知道香港人出現了什麼問題,但竟然投訴聖經內容不雅,發佈投訴行動的人,動機難以猜測,但附和的人顯然沒有智慧,難道要我們和一小部份沒智慧的人一起成為笑話嗎?
o我！
匿名 (5/19/2007 1:17 上午) ,
睇乜投資書冇所謂,睇得多就自然找到自己投資風格。林森池嗰本“証卷分折實踐”幾好!
最緊要唔好睇“股場必勝法”之類的書.
路人Ｃ,
馬沙明白最高工時原意.
我可以好負責任咁話你知,法例係保障唔倒佢地唔會因為唔肯加班而被炒。在現實世界,除孕婦外,老板幾時炒你都得!
至於補水,你問下D中小企老板,就知冇可能.
發佈留言