一個成功的電視廣告，必須令人留下深刻的印象，電視廣告講求創意，以搞笑作主題在所難免，但廣告在電視上播放，觀眾涉及所有市民，廣告播放後會否有負面影響，特別是兒童，廣告創作人多少須負上一定社會責任。
馬沙近日在電視上看到某牌子避孕套的新廣告，內容大致講述主角因欠缺氣球玩遊戲，於是靈機一觸，以避孕套當作氣球，在熒光幕面前吹漲並加入遊戲。馬沙上星期才跟太太提出，這個廣告很容易教壞小孩。
試想想，一個只有幾歲大的無知小孩，怎會理解該廣告實質要推廣的產品及意義。在他們天真的世界裡，那盒避孕套必然是一盒氣球。如果他們有天在家裡發現一盒跟廣告上一模一樣的避孕套，手到拿來，全吹成氣球玩耍，你發現後，可以怪責他們嗎？
更甚的是，若小孩將整盒避孕套帶回學校，跟其他小朋友分享他心中的氣球，情況真的不敢想像。
或許有人說馬沙小題大做，發生此類事件的機會極低。但事有湊巧，馬沙4歲小姪女在上周六，到馬沙家中看到以上的廣告時，就同馬沙講︰「叔叔，呢隻氣球好勁，點踏都踏不破!」。
依馬沙看，這牌子的產品在廣告播出後，銷量應不升反跌，點解？
因無家長夠膽放在家中。
(1月9日刊於《am730》)
19 則留言:
這個廣告我是第一次看。 的確弱智!
深信現實生活中不會出現如此的情節。 其實這個日本牌子的產品, 本人曾在某高級時鐘酒店使用過, 感覺不錯, 可惜這個廣告太荒唐, 令人不快!
我都覺得呢個廣告教壞細路!
我反而覺得這個廣告會帶動到003大賣. 身處香港這種性知識貧瘠的社會, 一切關於性知識的交流都只能偷偷摸摸, 資訊不流通, 那款避孕套真的好用, 只靠口耳相傳, 真確性又存疑. 有這個廣告, 真的實驗給你看到它堅韌不破, 有這個先入為主的印象, 想磨滅都磨不掉, 有如金漆招牌.
而且一般來說, 避孕套跟汽球一樣, 小朋友玩之容易窒息, 有沒有003廣告都不應該給小朋友碰, 怕小朋友自己拿過來玩的話, 應該是家長收藏的責任而不是小孩的責任.
戲用避孕套不會教壞小孩, 真正怕教壞的應該是對性交隨便又不負責任的態度. 任何年代教小孩子性教育, 第一是教他們不隨便性愛, 還有要性愛又不會發生悲劇, 就正確使用避孕套.
新一輯"性本善"正講到現在多少年輕人夾娃娃是因為他們不知不曉避孕套!
補充: 在這裡看到的社會責任一詞, 會否只是家長不願/不懂負責而搪塞給企業負責的意思?
最搞野係我一大朝早開電視都看到呢個廣告，仲以為"玩具反斗城"賣氣球添....
Kenka,
教導小孩,固然之係家長的責任。
但企業推出廣告前,亦應考慮其對社會的責任!要知道避孕套當氣球玩絕不是避孕套本身功能之一。
Abert,
如果有日你帶個小明友去"玩具反斗城",佢大聲同你講:「Albert, 我要買0.03波波玩!」,你有何感想?
> 一個成功的電視廣告，必須令人留下深刻的印象，電視廣告講求創意...
講求創意？我諗今時今日做廣告客首要的，不也還是"橋唔怕舊最緊要受"?...
""更甚的是，若小孩將整盒避孕套帶回學校，跟其他小朋友分享他心中的氣球，情況真的不敢想像。""
係咯，會點呢?會點呢?如果有小朋友以為避孕套係氣球會點呢?
如果你敢想像一下，可能覺得無乜咁大不了....
馬沙, 大胃寶兒 & derek, so old-cake you are! ha ha.
i did blow up a passed-expiry-date condom as balloon-airship to play with my kids. better teach them condom is not a stuff to shame on.
小孩將避孕套當作氣球有幾壞？
壞得過啲大人將這些小事無限上綱至社會責任 ，扼殺創作空間，阻礙創意產業發展﹖
沙沙，
你有無覺得惦解要系8:00鐘家庭食飯時間播性本善呢，父母邊食邊要解釋惦解援交唔好，愛可以醫性慾強........食色性也？
俺覺得經過電視台咁多人霖過度過都覺得應該8:00播，權衡利害，個中原因可能只有俺唔明日同理解。
呢個廣告粗製濫做，有70年代製作feel。
馬沙兄:
「Albert, 我要買0.03波波玩!」,你有何感想? --> 我想我會笑，童真真是可愛...
隨之跟他說: 「0.03波波玩唔係俾細路仔玩」。
無論如何，大朝早播"Condom"廣告，點講都唔恰當。
精工大師: 係低b左d, 但夠簡單直接, 慘得過之前根本冇咩避孕套CM, 池中無魚蝦蟆為大啊.
jesus;
你仲乜要踢爆阿作者反對這個廣告的真正原因呀?
so poor!!
Albert;
如果大朝早播"Condom"廣告係唔恰當。
咁大朝早播"家計會"廣告又恰唔恰當呢?
大朝早播"預防愛滋"廣告又恰唔恰當呢?
呢個廣告...係就係好白痴, 但....我都有買有用,仲好貴唔平tim, 因為...佢比杜記o個d好似再簿d lor..
"無論如何，大朝早播"Condom"廣告，點講都唔恰當。"
我 8:00-9:00am 唔見.
Just my wild guess:)
If around 6-7:30am, this CM pop and a guy who just finished his morning sex see it....this guy may think "why not tried this next time..."
Anyway, its a stupid CM.
G
this kind of immoral, anti-Christian belief advertisement creators with no public responsibility should at least display a legal disclamier in their TV ad like this:
http://www.blogger.com/profile/03792393638658031926
So the sins created and whatever irresponsible things said can be forgiven.
你既尺度未免緊張左d, 廣告講求創意, 下下都就住就住咁樣香港既創作人會被累死, 另外香港既性教育落後亦係基於呢個精神
你可以話佢用錯野,將 condom 拿黎玩, 但有無人話過d 老豆阿媽用衫架打仔? 衫架用黎掛衫的 ~~
一基督徒:
我既"道"不會完全等於你既"道"，一個人既"恰當"亦不會等於另一人既"恰當"。
家計會既"發心"不等於Condem公司既原動力，硬要直接比較亦不恰當、不合理、不合情。
看來，蘇格拉底幾句又幾適合:
1) Know Thyself
2) A Life without Examination is Worthless
唔明的話，再諗下啦。
發佈留言