上下其手

這星期港股明顯不過，被大戶上下其手。

點解咁講，美股周一晚休假，恒指周一被大戶狂沽，令港股增添下跌壓力。周二有心人不斷放出壞消息，再傳出某中資銀行要再為次按作出大額撥備，一口氣將恆指沽穿250天平均線，使港股兵荒馬亂，你沽時佢又沽，兩天合共大跌超過3,500點。

正當大家準備好美國當晚大跌時，聯儲局即在開市前公布減息0.75%，結果美股當晚只係跌咗少少。其實港股周二收市前已經有傳美國當晚會宣布提早減息，點解當日不止跌回升，還要以幾乎全日最低位收市呢？是誰在低位接貨準備周三大奇蹟日出現賺大錢呢？當然不是散戶，散戶如在周二止蝕，周三真係好像俾人大插一刀。

最不明所以的是，今次經濟危機的風眼美股，本周經過兩日市後，比上周是上升，為何恆指經過周三大奇蹟日後，本周仍有過千點跌幅。

昨天本來可以追回一點點，上午連直通車再次開通這好消息都被用上，接近3時前曾一度上試25,000點，但受到法國興業銀行發生違規操作及次按虧損近100億美元，在十幾分鐘內將本來近千點升幅洗劫一空，最後以下跌550點收市。

問題又出現，歐洲股市開市後完全沒有受法興一事影響，仲大幅做好，港股昨天為何要倒跌呢？難道大戶要打劫港股救美股次按損失？值得一提的是港股以昨天收市價計算，同美國ADR仲有近1,120點差價，除非美股昨晚大跌，否則今天港股又要坐火箭。

(1月25日刊於《am730》)