落大雨，水浸街。近年財經界經常指出各大銀行都出現水浸的情況。12月已到，馬沙今天到觀塘 APM 一遊，發覺各店舖已準備年尾大減價， 小沙相信各投資者今年都能在股票市場賺到錢，加上年尾花紅，男士換 Hi-Fi、PS3、Wii，女士購置冬裝，相信已是12月指定動作。
馬沙這幾星期要想的並非以上購物清單，跟一眾企管人一樣，12月是企管人非常艱苦的月份，誠因各企管人要開始準備新一年的 Budget， 更要定出今年各員工薪酬升幅及為年尾花紅、雙糧作好準備。
作為企管人，小沙知道今年公司比往年賺錢，員工年尾花紅、雙糧必不可少，但花紅、雙糧對於公司現金流 (Cash Flow) 來說亦為公司帶來一定壓力。一般來說，盡快追收貨款是改善年尾現金流的首要工作，還望各同事為自己的花紅努力追數。
上星期，小沙每天收到匯豐銀行某一經理來電，游說小沙幫忙，接受其為小沙公司預先批核的無抵押備用貸款額。其年利率為 P+3，免半年有關銀行服務費用。
小沙先表示毋須亦無意接受相關申請，但經他第5次來電，表示如小沙公司接受以上信貸服務並申請公司信用卡，可免一年有關銀行服務費用。小沙被此經理5次來電誠意感動，加上接受此服務亦冇損失，大筆一揮，各員工多一個月花紅有望，小沙聖誕亦可用公司卡購物，一舉兩得。
唔知鄰居CK兄解決以上現金流問題未，如有需要，可找我。
(12月4日刊於《am730》)
16 則留言:
有點好奇,馬沙兄你是做那行的?
CPA、CFO、CEO、公司老板?
馬沙唔係會計師咩?
從銀行經理直接向他/她游說,可接受公司卡,參與制定員工薪酬升幅及年尾花紅、雙糧,肯定不是蛋散!
會唔會係蛋撻?
以前覺得獅子銀行一向有大行作風，大雞唔食細米之餘，對眼仲生係額頭。但係時移世易，除左水浸之餘，上頭為左業績俾員工揹既數越黎越大，做野亦越黎越aggressive。銀行又提高左放入SME既marketing resources同人手，好明顯係眼見銀行越黎越多，香港個share唔可以再俾人慢慢咬去。
同意bidazz, 獅子銀行現在已不及以前高傲!
To 馬迷,
有點好奇,馬沙兄你是做那行的? <---- 正行!!
CPA、CFO、CEO、公司老板? <--- 自護王牌飛行員外號「紅彗星」馬沙少校是也!
馬沙,
So bad I did not reach you before, because I did the same job duty as that manager in Citibank.
Bt the way, if you have any referral company needs O.D or Corporate Card, please let me know because I can help them to apply.
Anwyay, thanks for the message! It encourages me a lot!
John
自護王牌飛行員外號「紅彗星」馬沙少校是也! <- 馬老,你唔覺得黑色三連星、尤其奧爾迪加靚仔D咩?
To 若缺齋老人,
黑色三連星三個人很難分呢!
小沙還是愛馬沙那份神秘感!
馬老:
雖然黑色三連星都是俊男,但奧爾迪加更突出:即酒糟鼻那個。
馬沙, P+3 貴左少少wor, 咁到肯??
仲有, 公司借筆錢竟然是因為獅子銀行經理來電打動...這個企管人真.......
To ct,
馬沙, P+3 貴左少少wor, 咁到肯?? <---- 話之佢,唔用唔使比!!
仲有, 公司借筆錢竟然是因為獅子銀行經理來電打動...這個企管人真....... <----- 不是Loan,只是加大無低押信貸額. 公司本身沒有額外成本.
要知道在這些時侯幫相熟銀行經理完成其Quota,他日review公司所有facilities時所有條款必比普通客戶好!
作為企管人,跟公司主要往來銀行經理搞好關係是必需的,今天你幫一個小忙,他日對方可能救你公司一命!
再引一例:
上星期朋友A 跟小沙說去恆生申請企業稅務貸款70幾萬.他公司今年賺成6百多萬,銀行現金結餘有5百多萬.但每年恆久地應恆生經理游說申請企業稅務貸款.企業稅務貸款利息需低,但仍是要付的!說穿了,是該經理批比朋友A 公司的信貸〔如L/C,OD,mortgage〕息口比正常低至少1%.朋友A 公司生意額近億,每年少付(1%)利息支出比那幾萬企業稅務貸款利息,差十萬九千里耶
HEY! 你之前講開公司現金流有壓力, 還說什麼"大筆一揮，各員工多一個月花紅有望", 我才理解為用銀行借的錢去解決問題....
To ct,
真是對不起.誤導了你.
首先,小沙只是指想指出「花紅、雙糧對於很多公司現金流有壓力,尤其SME」.
其次,「大筆一揮，各員工多一個月花紅有望」,這是我心中所想,誠因小沙自己都想有多一個月花紅!
以後會多加留意文筆!
發佈留言