過兩天新一屆特首選舉的800人選委會選舉正式開始。今次的選舉重點，是選舉結果直接影響公民黨特首侯選人梁家傑能否成功爭取提名所需的100張選委票。除一早以內定方式令提名人選跟席位數目相同的業界外，就以社福界、IT界、教育界及會計界的選情最為激烈。
這兩天分別有來自IT界、教育界及會計界的朋友來電問馬沙意見。以小沙理解，這次選委會選舉的唯一目的為當選人有權提名特首侯選人。但小沙翻查各選委會侯選人的宣傳單張，大部份候選人都避談其當選後會將手上的票提名哪一位特首候選人。
就會計界為例，以會計師公會會長陳茂波為首的會計界20人聯合名單中，先不談宣傳名單用電腦合成相片欠缺誠意，單張只不斷提出甚麼「團結為會計、致力創優勢」為選舉口號。但對當選後投曾蔭權或梁家傑就隻字不提，不知者還以為該單張是月尾公會理事會選舉宣傳單張。
其實小沙好想問他們究竟知唔知自己在做什麼呢？不斷提出為業界爭取權益，但我投票給你們的唯一目的係選特首，並唔係爭取業界權益。要爭取業界權益，留待下一屆立法會選舉吧！
其實好簡單，候選人只要敢在投票前大聲向選民說出其當選後提名曾蔭權以外特首候選人者必勝！
值得一提的是會計界議員譚香文已在其議員網頁中加入「年青會計師博客」連結以聽取業界的聲音。
(12月8日刊於《am730》)
********************************************************************************
********************************************************************************
後話:
對馬沙而言,肯定跟以會計師公會會長陳茂波為首的會計界20人聯合名單永別.
49 則留言:
同馬沙一樣,跟以陳茂波為首的會計界20人永別.
我並無細看選委會網頁，到底由依家到下年三月整個選舉campaign所牽涉到既選票數目有幾多張，但係平民百姓既票都係少之又少。話我漠不關心又好，政治冷感又好，邊個做選委邊個做特首都好，場馬騮戲快快做完佢，唔好阻住新聞時間講國際大事。
最為可惜的係，原本以為Mr. Kung可以代表年輕會計師的聲音，殊不知竟然埋左波波堆
如果你想波波選唔到,反而應該投20人名單中比較冇咁差既兩個,令波波輸畀自己友。
20個都唔選相信有效些
大部份選委會參選人都冇明確交代佢地對提名特首候選人既意向, 其實已經係好荒謬既事, 分分鐘又係七百幾人提名曾蔭權。
基本法講明特首最終由一人一票選出黎。 對於唔滿意特首曾蔭權一直唔提出要求2012年普選、又或畀出一個明確既普選時間表既人黎講, 好多都支持梁家傑可以出線參選特首。
就算明知梁家傑輸梗, 都叫做可以迫到曾蔭權交份政綱同參與一兩場選前辯論, 討論下乜野叫做循序漸進, 同埋迫佢提出一個對全面直選時間表既睇法, 那管是2047年。
而家既現實好突顯到有意參選特首既人要先取得一百個選委既提名呢個要求, 原來係咁高難度。
會計師們, 如果你地都想梁家傑出線, 不妨參考下馬沙既投票策略吧。
20個都唔選,讓他們以低票數(比較其他當選人)當選亦是一個好方法.
波波今次會否捉蟲呢?
To 渣估,
其實支持曾蔭權或梁家傑本身沒有問題,但最低限度要俾我知你支持曾蔭權或梁家傑!
我選李澤雞!!
陳茂波必勝!
To 陳茂波,
波係圓.......你一係入、一係唔入.
馬沙兄,
你的文章真夠直接及到題,5天都在am730見到你的文章就好!
馬迷上
對龔生極度失望，竟然同班友玩埋堆...(其實佢係咪方卓如？)
睇真D，原來老闆都係其中一份子，我頂!
最誇張係陳普芬, 比公會(顯)責完又黎選committee
對龔生極度失望，竟然同班友玩埋堆...(其實佢係咪方卓如？)<-
唔似,雖然信報非官方話係一大群人,但我相信仍係蔡東豪。
除筆法外,蔡東豪以前個筆名係原復生,戊戌維新壯烈犧牲既譚嗣同字復生,貪生怕死做逃兵既梁啟超字卓如。
"會計仔 提到...最誇張係陳普芬, 比公會(顯)責完又黎選committee"
會計仔, 我估有樣野你係唔明白，點解陳普芬會比公會譴責，因為陳先生多年來一直不滿意公會方向，尤其是在 practice review的立場上最為反對.......很多東西不是看表面的
To 會計仔,
陳普芬老先生比公會譴責完又黎選committee的目的就是希望能將不滿意公會的聲音帶入公會.
To 若缺齋老人 & 匿名者,
小沙認為龔生冇乜可能係方卓如!
其一,龔生太愛出風頭,如果方卓如係佢,冇可能唔認.
其二,龔生只是GT的Tax Manager, GT有幾多IPO? 就算有,跟Tax Manager關係不多呢.
其三,如有看過龔生及方卓如的文章,兩者之筆風完全不一樣.
如果方卓如不是集體創作,他應是在iBank做的!
另蔡東豪筆名係原復生,之後用孔少林開始傳聞係集體創作,再到現在,小沙相信ㄑ案內人隨筆> 尹思哲亦是由蔡東豪所帶領的集體創作!
理事會選舉我?係選陳普芬,真想看看他能為我們做什麼!
最好動議炒了那個三百多萬人工的張總裁!
馬先生,
點解您唔好似CK咁係AM730寫足5天?
馬沙,
你咁清楚龔生、方卓如、蔡東豪、孔少林及尹思哲之分別,又咁快上位寫專欄,你不會是方卓如的化身吧!
龔生同方生都有少少共通點，就係寫野都好"數佬feel"(多過似banker，浩男覺得)、九華出品及自稱係丘世文粉絲，而蔡生亦幫過龔生既書寫序，可見兩者有機會係RP!
當然，以上既evidence唔足以令浩男去express an opinion to arrive in a conclusion such that 龔生=方生啦...
所以都係估估下...大家Have a nice weekend 吧!
p.s. 龔生好似唔係做tax?
馬老:
龔生既大文小弟只記得一篇,講會計女仔易搵老公,筆法同蔡東豪完全係兩個世界。
I voted those support Mr. Leung. Not vote for Mr. Kung and Mr. P. Chan.
二十盟軍我一個都冇投到, 好有快感。盟軍中有人由早到晚不停給我發手機短訊, 提我去投票支持佢地, 真係煩死。 佢地咁做有冇違例呢?
I voted the Se7en
4 7 10 13 15 17 25
選委會會計界泛民7人當選
(星島) 12月 11日 星期一 11:30AM
選委會會計界38名候選人，選出20個席位，當選者包括：龍佩蘭 (左龍佩蘭)、洪旻旭*、雷添良、原樹堂*、黃龍德、阮蘇少湄、韋志堅*、方中、梁繼昌*、容詠嫦*、李家祥、甄文星*、唐家成、盛慕嫻(羅盛慕嫻）、陳茂波(相關新聞 - 網站)、馮汝南*、孫德基、龔耀輝、林倩麗 （徐林倩麗）、周光暉。(*泛民推薦名單)
To 若缺齋老人
講會計女仔易搵老公......入了行的美女必後悔!
都巿日報 8月16日
會計思
不愁嫁杏無期
近年香港女士大嘆難找另一半。但我可以大膽告訴妳，如果妳是當會計師，妳遇到的問題可以比其他人少一半。
原因未必是因為會計師特別漂亮 (當然，我不排除這個可能性)，而是因為會計師接觸異性的機會，較其他行業為高。
讓我將鏡頭指向大學畢業的時空。當時，一班廿歲出頭的年輕人，在大學裡有心儀對象的，早已成雙成對。未有對象的，矛頭就要直指商業社會，向一群在職人士埋手。
會計系的畢業生，順理成章，大部分會到各大小會計師行實習。這一來，是匯集了各大院校本地、海外年紀相若年輕小伙子。
第一、二年的工作，是到各中港公司核數。這類小組分工，每次是跟不同的同事組合拍檔，每次工作的時間長短、地方環境又不一樣。今日可以在杭州呆上六個月，下次又可以在重慶留守半年。幾名後生仔女，流落異鄉，朝早在客戶工廠裡砌schedule，夜晚在酒店房繼續寫report。 這種敵愾同仇、患難見真情的team work精神， 比大學裡單打獨鬥， 更能日久生情。
而且，女士們在會計師樓遇上的，還有比自己年長幾年的才俊經理。這些三十以下、月入幾萬，生活較為安定的專業人士，絕對是理想的另一半。在市場上，這批男士已經是搶手貨色，而在會計師樓工作的女士更加是近水樓台，佔盡先機。
還未計劃轉工的，這行流動性高，兩三年轉一次工，接觸的人亦相應增加，使得機會也隨之增加。
就這樣，各大會計師樓便成為了各位青年男女找尋另一半的福地。年輕女士，假如害怕香港男女不平衡會影響出嫁的機會，選擇入讀會計系，幸福就較有保證了。
撰文：龔耀輝．年青會計師協會
小沙很高興見到選委會會計界泛民7人當選!
但亦很不高興見到龔耀輝、周光暉及陳茂波當選!
會計20人聯合名單中有13人當選,只怪泛民只派7人參選!!
我昨天投票的策略是"泛民7人+部分非選合名單候選人",我相信很多年輕會計師也會投泛民7人全票.
結果泛民7人中最低票數的馮汝南也有2219票,而聯合名單中低於2219票中當選的竟有9人!
如果泛民夠?派20人出來,我敢保証聯合名單中不夠10人可以當選,龔耀輝(1780票)、周光暉(1710票)之流可以"摺埋"了.
(其實"會計20人聯合名單"果班"資深會計師"應該返去閉門思過,否則下次功能組別選舉可能會再輸一次呢!)
1 黃宏泰 729
2 龍佩蘭 (左龍佩蘭) 2,305 (當選)
3 陳國威 1,271
4 洪旻旭 2,347 (當選)
5 陳道銘 656
6 雷添良 2,217 (當選)
7 原樹堂 2,278 (當選)
8 黃龍德 1,617 (當選)
9 阮蘇少湄 1,965 (當選)
10 韋志堅 2,545 (當選)
11 方中 1,912 (當選)
12 任枝明 1,079
13 梁繼昌 2,785 (當選)
14 羅君美 1,595
15 容詠嫦 2,600 (當選)
16 李家祥 2,843 (當選)
17 甄文星 2,565 (當選)
18 唐家成 1,755 (當選)
19 盛慕嫻 (羅盛慕嫻) 2,038 (當選)
20 陳樹堅 808
21 陳茂波 2,778 (當選)
22 蔡大維 507
23 彭準來 926
24 蔡秀煜 788
25 馮汝南 2,219 (當選)
26 陳普芬 1,152
27 廖美玲 850
28 孫德基 2,096 (當選)
29 李志明 961
30 謝建朋 759
31 趙麗娟 1,518
32 龔耀輝 1,780 (當選)
33 林倩麗 (徐林倩麗) 2,142 (當選)
34 梁永安 1,193
35 周光暉 1,710 (當選)
36 邱賢君 807
37 陳遠秀 1,039
38 馮英偉 1,229
另外,我認為龔耀輝今次埋左公會堆,愚不可及.
睇番2004年立法會選舉結果, 公會集團(陳茂波+周光暉) 4,422票(38%), 泛民 3,393票(29%), 龔耀輝 1,815票(16%), 其他 2,049票(18%).龔耀輝當時未係咁出名, 但已經係一股不可輕視之第三勢力 (估計以年輕會計師為主要票源). 呢兩年龔耀輝寫專欄同出書提高左知名度, 加上公會不得民心, Mandy姐亦做唔到D咩野, 兩派又鷸蚌相爭, 其實佢o係2008年立法會選舉有權”偷雞”. 如果一下唔覺意俾佢贏左,到時挾立會代表之名至埋堆, 一定會受到重視, 2012年公會都未必敢唔俾佢代表公會出選.
而家佢太早埋左堆, 到2008年一定輪唔到佢代公會出選(可能要輪到2046), 獨立參選又一定輸, 因為呢單野之後,唔少年輕會計師都會唾棄佢,同佢永別(包括小弟),實在進退兩難.
事實証明, 佢埋今次左堆, 唔單止吸唔到票, 仲流失左選票(立會個人?1,815票,而家跟名單都係?1,780票), 贏得好”肉酸”. 佢低票當選後, 公會D人亦唔需要捧佢, 最後只能做一粒半紅不黑o既”暗星”.
枉費多年刻苦經營…
記得輝仔幾識做show! 當年3? 歲後生細仔在金紫荊踩單車兜圈畀傳媒狂影相上報! 真係令人眼前一亮!
希望輝哥聽下年青會計師意願提名梁家傑!
陳普芬 1,152
擺到明係一個好玩遊戲...
馬老,你何不參選?
若缺齋老人講得好, 馬沙如果參選, 成班bloggers 在虛擬世界同你做勢! 勁過台北台南選市長...
渣估, 每次睇到你幅相, 就已經會心微笑, 實在太型啦.
若缺齋老人,
若可用馬沙之名,就參選!
1號 馬沙．阿玆納布
來自自護公國!
目標: 光復自護公國...自護萬歲!
Cory,
昨晚發生的事,心情平復了嗎? 我信你冇份!
多謝你相信我, 被人利用既感覺真係好難受.
我都需要時間平復, thanks 馬沙.
To Cory,
人生不如意事十常八九.
此事令我知道不推介?碼是對的!
再寫Bloo通知我!
我仍然相信分析股票係可以唔作推介的, 我倒不信純分析, 拆局一定要自己買先有用, 讀者係會當free lunch, 但係我真係享受這個過程, 亦係對自己心魔既挑戰.
To Cory,
看來你已經領悟了你為什麼要寫Blog了!
「我真係享受這個過程」
其他人的非議,可一笑至之矣!
我越來越有感覺馬沙係一位 small firm particing member，馬兄唔用真名示人相信係為左 PR 呢把公司排除異己的刀吧?
多謝Cory 哥讚我型仔!
唔戴眼鏡仲型!
不過費事又俾人話我溝死晒d 女啦...
你知啦, 溝死女, 刑事黎, 坐監架!!
渣估兄幾時變做墳場姑爺仔??
唔知 Elaine 小姐有無比你唔戴眼鏡既樣吸引呢?
To 匿名者,
“我越來越有感覺馬沙係一位 small firm particing member，馬兄唔用真名示人相信係為左 PR 呢把公司排除異己的刀吧? ”
您有看過梁潮偉的「流氓醫生」嗎?
有看過梁潮偉的「流氓醫生」, 但忘記了
To 匿名者,
那就俾$10買來看吧!
發佈留言