星期三, 1月 24, 2007

淺談轉工

馬沙早兩天談過花紅,今天續談轉工。一般人想轉工不外乎覺得現職人工過低或無前途可言。

首先,打工仔怎樣評定自己是否人工過低呢?以馬沙在職埸十多年所見,幾乎所有打工仔都認為自己人工比市價低,即所謂Under Paid。至於怎樣去衡量,各有不同,有人主觀地認為以自己能力應該賺得比現職多,有人只因身邊朋友人工比自己高,最多相信是認為自己所付出的比收入不成正比。

所謂前途,就更加難以客觀地分析。以一般人理解,一份有機會升上管理層的工作為之有前途。

每次有朋友問馬沙轉工意見,馬沙會叫朋友先認識自己,理由很簡單,每個人的生活態度基本上有所不同,以致需要亦不同。

小沙將打工仔分為五類:

「搏殺型」,奉行「魚唔過塘唔會肥」,只在乎人工/職位夠高,工作有否意義,他們根本不在乎,只要有人出得起,他們即轉;

「生活逼人型」,成家人等住你養,只求有工開,遇到薪酬比現職高,無得考慮,要轉;

「漸進型」,努力在現職吸收經驗,當自問現職再不能滿足自己,向外闖,祈望更上一層樓;

「享受型」,此類型非常少有,懂得與工作談戀愛,享受工作上的成功感,更珍惜員工之間的關係,人工永遠不是他們第一考慮轉工的因素;

最後一類,「搖擺型」,永遠唔知自己想點,見人轉工,佢又轉,多幾百蚊,又轉,份工唔好玩,再轉。

你又係邊類呢?

(1月24日刊於《am730》)

15 則留言:

Gideon 說...

我諗我本身係「生活逼人型」,但係富在心中,所以我只係會自認係「享受型」。

匿名 說...

我諗我係漸進型.

匿名 說...

馬沙兄,

之前俾「建華八年」攪到大大墜後,真係差d攪到「余家貧,耕食不足以自給,卡數盈室,無資可依」既地步,所以依家絕對係搏殺期!要大大力打鞭,上呀!

匿名 說...

唔知如果有人18,000點跟你出左貨,現在搵少幾多呢呵?
如果季尾都見唔到16,500點,你估你仲有無面目繼續寫落去呢呵,阿資深股民?

匿名 說...

阿寶
To: 股海新丁
我相信馬沙的季尾預測﹐市場究竟有多瘋狂﹖看看像你這種跟紅頂白的人充斥市面便知道一二。小心駛得萬年船﹐搵少D 好過輸﹗
你那麼醒﹐你講會升到幾多呀﹗

Gideon 說...

我反而諗,又如果九個月內恆指升唔到二萬五千點,又會唔會有人叫何鴻燊收皮呢?

C.M. 說...

小弟個心雖然搏殺,但環境逼人,唯有寄望人工漸進,冇得加米自我安慰話享受生活,但我諗點都係屬於搖擺型勒...唉,老細,你話點就點啦....

匿名 說...

我係第六型 - 不求上進型,香港地都好多架,咁都漏!

肥魚爸爸 說...

那?有沒有“甘於現狀型”,例如工作環境相對穩定,負擔又少的打工仔,你估香港有幾多?

馬沙 說...

Gideon:
好好享受進化為「享受型」吧。

AK兄:
咁要努力,上呀!

c.m.兄:
做人要知自己想點好喎!

匿名者:
不求上進型咪即係永遠唔知自己想點...「搖擺型」囉!

鄉下人:
“甘於現狀型”...列入「享受型」吧!

匿名 說...

我係享受型

杜B 說...

我諗我應該算係「漸進型」,只要一日有?學而份人工又唔係太低,我都應該唔會走住。

馬沙 說...

其實只要唔係搖擺型,永遠唔知自己想點就冇問題,每個人性格不同,選擇都不同.

K 說...

其實仲有一種型: 「未定位型」,即係自己其實都唔知自己做緊甚麼, 但求有份工作做, 長期而言做成職業錯配----亦是香港職場要面對的問題。

匿名 說...

How abt those company keep moving task to China?