前天港股跟隨內地股市插水 354 點，不知大戶們是否要一起表示支持特首曾蔭權宣布角逐連任，昨天戲劇性地上升 324 點。
前天民主派代表梁家傑宣布取得 111 個選委提名，成為回歸以來第一位民主派特首候選人。梁家傑首先打出「爭取 2012 雙普選」為口號，當選機會極微的梁家傑似乎志在爭取民意支持，迫使曾蔭權在競選期間向全港市民交出普選時間表及路線圖。
昨天一早，馬沙在茶餐廳坐定定，一路享受豐富早餐，一路看直播。先講氣勢，曾蔭權似乎先勝一仗，其整個宣布過程由電視台及電台直播。反觀梁家傑就沒有多少人能一睹其宣布參選的整個過程。馬沙一路聽，一路留意各食客反應。原先以為各食客知道這是一個小圈子選舉，會一路聽一路罵，但出奇的是各人對曾蔭權的競選目標似乎很受落。
宣言一開始，吸引馬沙注意的是其參選口號「我會做好呢份工」，馬沙以為鄰居 CK 兄準備演講。雖然馬沙覺得這口號很怪，但其參選政綱卻好像幾實在，尤其幾項對市民所作出當選後的承諾。首先，他承諾促進政府增加投資、基礎建設，為基層增加就業機會，推動工資上升就幾令市民受落。
另外，承諾當選後減稅，特別是減輕中產人士的稅務負擔時，馬沙竟聽到幾名食客一同叫了一聲:「好!」。但承諾要兌現才有用，希望曾特首連任後還記得自己今天向市民作出的承諾，真心做好特首呢份工就好了。
(2月2日刊於《am730》)
9 則留言:
馬沙兄不如看看pk個blog, 就係寫特首參選口號「我會做好呢份工」。
個人睇法: 與其是一份工, 不如話是一個使命(mission)更受落; 對打工仔而言, 「我會做好呢份工」或者係應份; 但係做特首, 覺得係一份job, 好似很不恰當(特首是為中央和香港做事, 話係一份job感到怪怪的)。
很懂得打民意牌(尤其承諾當選後減稅), 但各位又記得誰人在背後策劃"香港是否行GST"呢件事呢?
其實邊個做冇所謂.最緊要攪好經濟,人人開心.
覺得PK_個解釋不錯:
http://pkblog.org/?p=1454
「我會做好依份工!」真係聽到ak耳仔都側埋...
會唔會有一日有咩東瓜豆腐，Sir Donald會同我地講「我都係打份工jer...」
不名為何人人都將重點放在「我會做好呢份工」! 此乃口號,冇實質用途! 最多責怪他用錯口號!
重點在於其對市民所作出當選後的承諾! 如他當選後真的做到,我支持.
如他只是吹水,我倒曾!
"首先，他承諾促進政府增加投資、基礎建設，為基層增加就業機會，推動工資上升就幾令市民受落。"
近幾年聽口號已經聽到好厭，尤其像以上這種虛無飄渺聽完都唔知有無得著既競選政綱。
除左減稅我仲有少少希望(千祈唔好掛住減standard rate，香港又有幾多個%人要交standard rate salary tax)，其他既我都係當佢齋up當秘笈。。
"重點在於其對市民所作出當選後的承諾! 如他當選後真的做到,我支持.
如他只是吹水,我倒曾! "
你講到佢好似未當選咁，其實他已經在位兩年了。如那些當選承諾(eg.減稅)是應做的，點解佢現在唔做？
馬沙兄，
其實，正常係民主社會，當然係先留意候選人政綱，之後去作出選擇...
但係今次我地無份參與，所以其實成單新聞既感覺...好花邊...所以，「我會做好呢份工」依句tagline變得好eye catching，因為容易明過果「十大關係」...
而且...依句野反映左佢點睇特首依份「工」....
雖然份「工」真係頂唔順，但就咁睇曾政綱，除左o個句「推動工資增長」或者會比藉口佢干預市場之外，都仲覺得ok。
曾政綱雖然算過得去，不過主觀覺得曾生既往績，很難說服小弟佢能夠做得好理想。
而阿梁，更無往績可言，政綱仲...。小弟真係好唔想成日見到「海軍鬥水兵」既情況。
發佈留言