星期一, 10月 08, 2007

請人

早兩天跟老友A飯局,席間老友A大吐苦水。事緣他早幾個月轉工,終晉身某知名公司財務部管理層。可是上班首日,方才發覺自己部門,除財務總監外,幾乎全是新人。難怪老友A本來只需5天上班的工作,但上任至今幾乎晚晚加班,星期六、日趕工不特止,連上星期幾個公眾假期都要上班。

老友A大吐苦水後,問馬沙有何建議,好讓他能改善目前困局。馬沙聽完他講解其部門架構後,第一個認為急需解決的是人手問題。誠因以其部門的工作量,無論怎樣加班,都無可能達標。最慘的是目前一些比較低層次的工作,竟要他及其主將兼任。正所謂一個人得一對手,低層次工作雖然唔需要特別知識,但就算天才去做,都需要花一定時間。

老友A聽完後表示,部門其實尚有幾個不同職位空缺在招聘中,只是幾個月來,都找不到適當人選。期間收到的求職信無數,當中不是相關工作經驗達不到佢老哥嚴格要求,就是比較合適者往往要求人工比原職高出25%,唔值咁話。

馬沙聽完即向他表示︰「你繼續如此,可能一世都請不到你想請的人。」

現今市道如此好,有料有要求的人,叫價不比現職高兩三成至奇。在如此好的市道請人,只有兩個方法。如堅持自己對人才要求,必須提價兩三成。如預算不容許的話,必須立即降低要求。企管人必須知道,市道好時,請人絕對是一分錢一分貨。

(10月8日刊於《am730》)

4 則留言:

匿名 說...

oh gee, are there two Masas writing alternatively?

seikomatic 說...

沙沙,

有個唔道得既做法,請左番泥用住先,豈碼有人用。唔中意試用期前炒左佢....不過好多人用落會有驚喜。

匿名 說...

十分同意馬沙的睇法,早幾個月前小弟正因為多出的二十巴仙人工而離開左我做左十多年的公司。因為人地覺得你"值咁多"無言中都肯定左自己。

而且舊老細都係好似馬沙的朋友一樣理由。D同事走左遲遲都請唔翻D"有經驗"既人,而要小弟完成手頭工作既同時又要帶新人。

如果馬沙個老友唔改變一下想法,情況只會越來越差。

Severus 說...

又幾多老闆會這樣做? 我公司裡的就是選擇等囉, 他們會認為點解之前5千蚊(舉例)請到一個普通文員, 依家要成6千5?? 結果人事部為了符合要求, 請回來的人大家心中有數......