星期一, 12月 31, 2007

睇樓

最近好多人話香港樓市好好,若不親身去睇睇,真係好難感受得到。馬沙這幾天假期,陪同朋友四處去睇樓,順便尋找投資機會。不看猶自可,一看發覺九龍區各藍籌物業,在短短兩個多月間,升幅近20%。

先講東九龍的藍籌盤匯景花園,馬沙3個月前去睇,近700呎細單位只需約260萬元,今天竟叫價300萬以上。一般裝修租盤半年前只需約8,500元,今天已近12,000元。代理更同馬沙講,近800呎單位,近日業主叫價已經超越400萬元 。

在九龍市區要找到近港鐵而實用率高,當然要數美孚新村。但要在美孚新村置業安居,首要條件是能接受其超過30年的高樓齡。根據代理表示,美孚新村在第四季升幅近20%。儘管升幅已甚驚人,馬沙睇幾個相當實用的近千呎單位,叫價仍只需330萬。對於講求實際及唔怕舊的用家來說,仍具相當吸引力。

最後去睇的是馬沙最喜愛及認為好有上升潛力的傳統市區豪宅區,即何文田山及窩打老道山一帶的優質物業。代理表示,該區近月錄得幾大升幅,但目前仍算落後。雖然該區大部分物業樓齡都超過30年,但論到實用性,新樓盤就絕對不能相比。就以馬沙睇過的多個800多呎單位為例,接近九成實用率,連車位都是叫價約420萬元。比較現今很多呎價近7千元的所謂豪宅,450萬元,只能購買不夠700呎單位,以平均七成實用率去計算,可用面積就500呎不夠。至於新定舊好,就各有所好。

(12月31日刊於《am730》)

5 則留言:

匿名 說...

如果有2百萬,現在應立即買樓,買樓收租有保證, at least 5% 回報
Also, 樓價年年有 at least 20% 升幅

匿名 說...

我同意,總知私樓就講:「地點、地點、地點……交通、交通、交通……實用率、實用率、實用率……」

變幻原是永恒 說...

想年年都有20%的回報, 真係發緊夢定啦.

自己都係堅拒買樓~

N/A 說...

買樓實在要俾太大筆首期,而且我是覺得股票長遠比樓市好 !

locksmith 說...

太子開鎖
旺角開鎖
佐敦開鎖
九龍城開鎖