講咗兩日，都係時候講吓自己為小朋友選擇幼稚園的準則。個人認為幼稚園既然係學前教育，培養及提高小朋友對學習的興趣，先至係重點。因此，一些專門催谷小朋友及極多家課的學校，馬沙絕不考慮。
個人第一個考慮因素，是幼稚園本身的宗教信仰背景。以馬沙為例，作為一位基督徒，無理由將自己的子女，送進一所由其他宗教申辦的幼稚園吧。所以，即使家居附近有一所人人讚許的佛教幼稚園，馬沙亦從未考慮為犬兒報名。
其次，學習的主要語言亦相當重要。有別於一般家長，個人相當重視中文。所以會選擇以中文教學為先，英文教學為副的學校。理由是作為一個中國人，至少要先把中文學好。
對於一些家長，自小刻意要小朋友在家以英語作為溝通語言，馬沙就相當反對。除非父母本身在外國長大，且母語係英語就作別論。試想想，若家長的母語為中文，即使英語再好，其英語表達能力最多只有母語七成。馬沙就不止一次在不同場合遇到呢類父母，不停以其水準有限的英語同小朋友溝通，小朋友有樣學樣，結果佢哋講乜，只有佢哋一家人明白。
最後，就係學校最緊要接送方便，校車就可免則免。一方面可讓孩子有充足睡眠，免除舟車勞頓，亦減少意外發生。另一方面，對於工作繁重的家長們，能夠每天親自送子女到達校門，其實係一種福氣。
至於津校定私校，就要視乎自己經濟能力，千萬要記住「勉強無幸福」！
(2008年11月13日刊於《am730》)
8 則留言:
馬沙,你講得好！我們基督徒，宗教信仰背景實是首要！
現在雞女（雞年出生的女兒）的幼稚園距離我家只有十多分鐘腳程。但我覺她仍然未睡夠就要起床上課。
另外，十分同意 "每天親自送子女到達校門，其實係一種福氣"的說法。今天因太太有要事，我請了一小時假去送她上學。這幸福的感覺，現在仍FEEL到。
但學校8：30AM才開門，而我8：00AM就要開始離家上班了。幾時先有呢份福氣？
認識一些從事幼兒教育服務的人，的確，言談之間，他們往往以「你想像不到你的小朋友可以這樣催谷/做點什麼什麼能收意想不到的神效」之類，作其服務賣點。
其實幾恐怖。
我也見過家長不停以其水準有限的英語同小朋友溝通，真是搞笑。
我認為二、三十年後的世界和今天會很不同，中文和普通話的作用會比現在重要得多，只是催谷英文，可能會是太局限了。
我自己就希望我的子女將來不是一個盲目崇洋的香港人，而是中英文了得、有國際視野的中國人。
馬沙兄，唔知你對陳戊波在立法會表決通過引用《立法會（權力及特權）條例》調查雷曼迷債事件中投"棄權"票有何睇法？
http://tabodiary.blogspot.com/2008/11/blog-post_14.html
我想投陳戊波的選民會跌晒眼鏡,
陳戊波正一"淑"頭烏龜,不知所謂.
我是過來人, 以純技術的角度回應:
1. 校車時間, 由於校車左兜加兜, 其實住幾遠, 校車時間分別唔大, 以我為例, 家住沙田, 面對獅遂公路, 車程一般三個字, 但校車要用50 min, 而市區內, 如diamond hill等, 都大約要半小時, 反而聽一些在荃灣的說, 他們要一小時, 唔差太遠了除非你住在廣播道一帶)
2. 自行接送的小朋友, 因為多數學校會給校車的學生全數離開之後, 才讓家長入校, 學生變相要留堂20min, 返屋企會耐過搭校車。
3. 自己接送當然會好幸福很sweet, 但校車是一種社交經驗, 孩子搭校巴, 你會發現很快會認識很多新朋友, 是一個很重要的成長綞驗, 尤其是現時多數家庭只有一兩個小朋友
4.選幾多間學校, 我建議不要太少也不要太多, 最緊要唔好當考試, 只當活動, 小孩子沒有壓力, 他們只會當去玩。但一般小孩子比較怕陌生, 可以選3-4間, 待習慣後, 後期會表現得較好(報十幾廿間果d, 唔只小朋友辛苦, 大人都辛苦)
5. 選名校幼稚園， 當然和選小學有關。有些人以為小學選一些地區上較好的學校就可以， 不要太辛苦。我想說，這是錯的觀念， 原因是大部份地區名校， 為了爭上位， 功課其實比傳統名校更重，我問了好些不同的地區名校, 小朋友通常都要做功課到十一點。至於好些標榜愉快學習的學校, 有不少只是藉口, 應該等佢地證明workable先考慮
6. 或者可以說, 不如選一些連地區名校也不是的學校, 只要中中地就可以了。這個想法亦好危險, 依家採用抽籤制度, 真係咩野人都會抽到, 我試過去一間小學做野, 個校長同我講,有一個學生好差, 係會打老師, 講既係小三學生; 又去過另一間, 睇住assembly時, 有兩個小五學生用粗口小個老師, 個老師竟然縮埋一邊轉頭鬧隔離個矮仔, 其它老師當冇件事。
你想唔想自己個小朋友同呢d同學同一齊呢?
如果唔想, o甘你就一定要選擇了
魔術師班同事，做嘅野同你中所言一模一樣！
馬沙兄，好想知道你最終會報間咩學校呢！
我都係過來人，亦係基督徒。亞仔而家間幼稚園雖無宗教背景，但亦唔會有ｄ古怪嘢（例如慶祝萬聖節呢ｄ活動）。亞仔都要坐校車，不過因為我地係尾站，佢坐十分鐘就可以返到學校／屋企，我自己覺得接受得到，而以我觀察，亞仔唔會太勞累之餘，又晌校車上識多幾個小朋友。
發佈留言