星期五, 2月 23, 2007

年尾收爐

馬沙假日無事忙,查看年廿九當天 (2月16日) 上市公司公告,有幾則值得跟大家分享。首先是關於天業節水 (8280) 股東特別大會結果。該公司董事會宣布,該公司股東正式通過當天舉行的股東特別大會上提呈的兩項普通決議案。

究竟甚麼事項要趕在年廿九收爐前通過呢?

答案是炒掉原核數師「德勤」及委任「信永中和」為新任核數師,並即時生效。

此通告特別之處在於「德勤」是被炒 (辭退 Removal) 而不是常見的做法由核數師自行辭任 (Resign),顯示雙方合作甚不愉快。馬沙翻查該公司於 1月26日「建議更換核數師」公告中指出,雙方只是未能就核數師酬金達成共識而分手。事實是否如此,就要由投資者自行判斷。

正當股東上午通過上述兩項普通決議案,該公司即於當天晚上公布公司全年之經審核業績。馬沙看到主席報告書日期為 2月16日,即表示核數報告書完成日期必定在 2月16日或以前完成。那麼,如核數報告書是由「信永中和」簽發的話,是否表示「信永中和」被正式委任前已獲准開始進行核數工作呢?

如果上述普通決議不被股東通過 (雖然冇乜可能發生),管理層又點收科呢?

答案要等待正式年報發表後才能知道。其實過年後才公布全年業績反而可避過上述問題。

另一值得注意的是向有金手指之稱的惠理基金於本月12日以每股平均價 2.602 元增持該公司 25 萬股,持股量由 7.94% 增至 8.07%,該股昨天收市 2.99 元,好一隻春江鴨。

(2月23日刊於《am730》)

16 則留言:

匿名 說...

馬沙兄:

恭喜發財!!

過年後第一篇文就這麼精彩,祝馬沙兄豬年一文好過一文!

匿名 說...

所謂金手指咪即係一早收到料的春江鴨.

如果我今日睇過HSBC份業績,過兩星期我都係金手指.

匿名 說...

沙兄:

如果上述普通決議不幸地不被股東通過,即管理層讓一班沒有被委任的核數師任意審核集團賬目.好大獲喎...

此案直情有偷步啦....如果管理層及核數師醒少少,好似沙兄咁講,過年後才公布全年業績,仲可以解釋話過年時不眠不休地完成核數工作,反而可避過上述問題.

匿名 說...

咁都算好彩,委任日期同簽核數報告(Auditors' Report) 同一日,如果date早一日,直情核數界壯舉!

匿名 說...

我想問核數師上午才被委任,下午出業績話已完成審核工作,好似好唔合理喎!

那個香港會計師公會冇監管嗎?

馬沙作為會計師,此情況普遍嗎?

匿名 說...

偷步開Job時時有,只是冇信永中和咁蠢date同一日,又未到最後限期出業績.

繼續比我地做咪冇事囉.

匿名 說...

mimi:

馬沙作為會計師,此情況普遍嗎?

我估如果此情況普遍,沙兄就唔會寫啦.

沙兄:

有錯唔好打頭 ^_^

馬沙 說...

Alex:
恭喜發財! 多謝讚賞!

小股民:
金手指呢家嘢,你知我知!

過氣核數師、馬迷、德勤員工:
呢單嘢…嘿......(學七十樓先!)

mimi:
時間關係,偷步開Job總會有,但發表核數報告的日期應作出適當安排. 上述情況很少出現於四大!
香港會計師公會方面,忙於同譚議員玩嘢,正經事邊有時間理!

匿名 說...

唔知「信永中和」看到馬沙兄此文會唔會作出回應.

匿名 說...

Raymondyeung兄,

過左海就神仙啦...偷呃拐騙,咩地方無呢又...

馬沙兄,
慘...無果汁飲...

若缺齋老人 說...

馬老,唔好剩係恭喜,畀個地址你寄利是來!

馬沙 說...

ak 兄:
我都無果汁飲...

若缺齋老人:
你有膽E-mail 畀個地址我,我一定寄利是俾你...嘿!

若缺齋老人 說...

Check Mail!我對auditor這富有行業既人係唔會客氣既!

馬沙 說...

若缺齋老人:

那個地址真的寄到嗎?

匿名 說...

我又要利是! 馬沙恭喜發財!

匿名 說...

馬沙

我又要利是,唔該預埋我呀!