星期三, 5月 09, 2007

耐人尋味

早兩天馬沙查閱上市公司通告,見到一則幾耐人尋味的公告

該通告由金滙投資 (378) 發出,通告內容大致是關於核數師退任。本來核數師提出不續聘是常見的事,但今次公司核數師羅兵咸永道會計師事務所所提供的退任理由卻幾趣怪,而公司董事局更認為該理由無法理解。

話說羅兵咸永道提出,該公司於 07 年可能修訂有關營業額會計處理方法之會計準則,而羅兵咸永道對該等修訂並不贊同。公司董事局於通告中指出無法理解核數師上述退任理由,原因是公司尚未就 07 年賬目展開任何討論,而且公司已採納羅兵咸永道對 06 年賬目之會計政策變動所提出之有關建議,其後核數師對有關賬目開具無保留意見的獨立核數師報告。

馬沙睇完該通告後心想,如果雙方真的從未就 07 年之賬目作任何討論,核數師點解無緣無故提出該理由呢?

唔通思覺失調幻想出來?

馬沙找來該公司剛於 3 月底公布的 06 年度年報細閱,發覺該公司去年曾改動收入確認政策,而 06 年度因該會計政策變動所作出的會計處理為營業額及銷售成本各減少 1 億 7 千多萬。完成改動後營業額剩下約 1 億 6 千萬,營業額雖少了一半有多,但由於基數細了,該年度毛利率及盈利率即時提升一倍,成盤數即時變得靚仔。

至於07年會否一如核數師所講,再一次作出修定,就要等下一次公佈業績。

(5月9日刊於《am730》)

4 則留言:

匿名 說...

嘩,轉一轉,盈利率即時提升一倍,打死都轉啦.

匿名 說...

咁算唔算財技呢?

匿名 說...

這公司的做法真係差勁.

匿名 說...

羅兵咸永道做得好,有原則!