今天已是大年初九，作為已婚人士的馬沙，當然亦派發了不少利是，今天想同大家淺談收取利是的基本禮貌。
馬沙是一個思想古舊及重視禮貌的人，自小父母教導農曆新年期間，不論見到任何親朋戚友，都先要講聲「恭喜發財」再加三兩句祝福語，就連接個電話都要作出以上行為，直到現在馬沙都銘記於心。
不知時代是否已變改，今年在公司派利是時有一番很特別的感受。馬沙公司年初五開工，大清早踏進公司，門口接待小姐竟連一聲「恭喜發財」也沒說一句，回到自己房間整理一下利是，等了半個多小時也沒有同事入來拜年，馬沙唯有自行走出去派利是。馬沙部門有 20 多名年輕同事，手拿 50 多封大利是逐一派發，可是 20 多名年輕同事在收取馬沙利是時除了說一聲「多謝」外，竟連一句最基本的恭賀說話也沒有加添一句，馬沙真覺得不是味兒。
最教馬沙安慰的反而是接近放工時分來到的清潔嬸嬸，一踏入公司門口便聽到她恭賀之聲不斷，連隨更逐個房間向各管理層祝賀，馬沙其後私下派開工利是給她時，再得到連聲恭賀。
是否受過高等教育者反而更沒禮貌呢，真值得教育部門反思。
在馬沙的思海裡，收取利是的反應都幾反映一個人的修養，更直接影響升職機會。作為服務行業，禮貌是非常重要一環，如果客戶專誠來公司派利是給相關同事，得到一樣對待，真不知如何是好！
(2月26日刊於《am730》)
39 則留言:
有時自己講出口唔知點解會唔好意思, 如果我老闆, ming姐係度講聲sorry, 祝你青春常涼"注", 日日發大財
唔講恭喜發財,沒有利是 because they take it for granted
馬沙兄：這是家教問題多過教問題．正如你講，你都係父母教導有功．
馬沙老闆,
你真係唔講唔知,原來完利是後,不講「恭喜發財」係冇禮貌的表現......
但你又知不知道對於我呢d 利是的人的角度,見倒人地如果我講「恭喜發財」先,我會覺得好似o係度屆人比利是自己咁,所以我會唔好意思和人講呢d 恭喜的說話先...
其實農曆新年其間,在公司走廊我見倒一些已結了婚的老細,我都o念o下好冇講「恭喜發財」之類的說話,但我會覺得有少少難於啟齒,好似o係度屆人比利是自己咁..
馬沙老闆,
你真係唔講唔知,原來完利是後,不講「恭喜發財」係冇禮貌的表現......
但你又知不知道對於我呢d 利是的人的角度,見倒人地如果我講「恭喜發財」先,我會覺得好似o係度屆人比利是自己咁,所以我會唔好意思和人講呢d 恭喜的說話先...
其實農曆新年其間,在公司走廊我見倒一些已結了婚的老細,我都o念o下好冇講「恭喜發財」之類的說話,但我會覺得有少少難於啟齒,好似o係度屆人比利是自己咁..
我想發表一下我作為未婚人士的感受。
新年當然要說恭賀說話啦，但我只會對自己的長輩及相熟的親友說恭喜發財及一些祝福語。而對著工作伙伴，由於不是太熟的關係，你跟同事說恭喜發財，就怕人家覺得你在「勒索」利是，大家都會覺得唔好意思，你不好意思要對方的利是，而對方亦不好意思不派利是給你，因此我通常都只在過年前跟同事說聲新年快樂，過年後就不會再跟同事說恭喜發財之類的話了。要是同事派給你利是，你這時才跟人家要祝福語，感覺又很「公利」一般，因此都只會禮貌地說聲多謝便算了。
其實畢業以來過了三年的農曆新年我都會為此事而感到煩惱，如有同事發起要周圍跟同事拜年，我才會湊熱鬧加入。而和我差不多年紀的朋友，大家都有共同的想法，實在不敢跟同事說恭喜發財，以免令對方感到不好意思，要是這個想法令別人誤會你沒禮貌，我真的覺得好冤枉。
我想講的話，原來已經有人已發表了，真的心同感受。我有一個男性朋友，對他來說，即使工作有幾多，也不及每年的農暦新年後的第一個工作天返工的心情沉重。我無誇大，他是單身，每個正月年初四他都好不情願返工，唔係因為驚多嘢做，而係好怕要同人講恭喜發財、心想事成....好似向人乞錢，他情願大家當無事發生，只是平常的一個工作天吧!看到他牛高馬大，難為情的樣子，我都覺得好笑。
唔怪得初四老闆派完利是俾我還企係我面前唔知想點咁啦.原來想我恭賀佢.....
馬沙兄早D出此文就好啦.
以上o果位匿名,就正好講出我地呢d未婚人士的感受啊...親戚朋友我會好暢所肉然咁講出恭喜發財和一些新年的祝福語(無論係收利是前或後,都有勇氣去講),但唔知點解當我收了同事或上司的利是時,我都係只是講聲多謝,其實都想再講些祝福語,但硬係講不出口....
尤其是當你年記都唔細時,仲走去收人利是,真係好鬼肉酸啊..好embrassing...
我都同意GPA所講....作為一個未婚人士，有時主動開口先，真係好尷；所以我都唔會主動向結左婚既同事拜年(除非好熟，你知佢實俾果d)
不過，當有人親手俾左我，點我都會講返一兩句恭賀說話；講咩就要睇個場景同人物關係 (不一定是恭喜發財)；我都同意呢個係一個好基本既禮貌，從已緍人士角度去諗，無啦啦派利是你，當然係想聽返d吉利野，等大家新既一年吉吉利利和和氣氣架啦，係咪？
馬沙你早些講咪好羅..唔怪之得我老細比完封利事我时,我見倒佢停了幾秒望實我啊..原來等緊我講祝福語...其實,收老細的利是时都想和佢講些祝福語的,但我見佢個樣望實我時又冇o乜表情(佢有少少嚴肅feel),佢搞到我有少少驚了他,所以最終都係不敢和他講祝福語啊!
想補充一句.....如果係一間有成班同事喂喂喂去拜年的公司，雖然已緍同事就好滿足，但咁arm有野趕又唔得閒一齊去喂喂喂的未婚同事就會備受冷落 -- 明明班友仔去勻晒自己隔離位果幾個拜年(個個都已婚)，唯獨行過自己個位時，眼尾都唔"睄"下, 仲要聽到有句"呢個未結婚既, skip"....呢個世界好現實噢.....
收利是後有時唔咪唔想講一想祝福語向派利是的人,而係講了祝福語後,有些人會問返你幾時派利是呀之類的說話..又問有冇拍拖.,所以都係係少講為妙,費事講多錯多啊!
嘩...!
傻仔,
o乜你d同事o甘衰o既..
講話"呢個未結婚既, skip"
被講o果個人真係不是味兒啊..
原來咁多單身人士怕過年逗利是的!
建議禁止派利是畀三十歲以上既單身人士!
渣老闆,
你的建議行不通bor,
咁咪比人知道自己超過三張野,
年齡係女子一大秘密啊
馬沙兄及名各位，
先表態，AK三十以上，單身，仲收緊利是。
好，或者咁講，你朝早番到Office，你講早晨，最多都係expect人地講番句早晨...
咁，年初四，你同人講一句恭喜發財，你真係expect「利是逗來」?
其實，一句恭賀既說話，同一句早晨一樣，不過係一份心意同禮貌，本質就應該係出於心而不望回報既...
「恭喜發財，利是逗來」，有咁既諗法既只係小朋友，無論係諗住講左之後有利是逗，定係因為怕迫人俾利是而唔講，都係小朋友...
各位大哥/大姐:
馬沙本文是想指出在收到利是時應作出的基本合理回應而已!
小沙並沒有叫大家四出乞求利是!
我的例子是當有老闆/高層/同事主動俾利是您時,祝賀三兩句是最基本的禮貌.
另以我經歷來講,已婚同事必定一早準備好利是給未婚同事的(極度孤寒者另計),基本上大家是否主動去拜年,利是最終會派比您,此亦是已婚同事的基本禮貌也! 所以唔駛怕唔好意思,已婚同事最怕您唔來!
至於老闆及高層,不論已婚或未婚,正常來講,最希望各同事開開心心,排隊逐一入房拜年,要知道新年好開心,排隊逐一入老闆及高層房拜年代表同事齊心,老闆及高層係好享受整個過程.
小沙由第一份文職開始,不同公司的老闆及高層都比較鐘意等同事主動拜年.曾經有一大老闆的做法更係「你主動入佢房拜年,即尊重佢,極開心」,「你唔主動入佢房拜年,即唔尊重佢,你一日唔主動入佢房拜年,佢唔會俾利是你,重會銘記於心」.
"另以我經歷來講,已婚同事必定一早準備好利是給未婚同事的(極度孤寒者另計)"
如果你間公司係”唐人Firm"，我絕對同意．但當你身處一間二百幾人嘅公司，又唔同講法啦.
其實新一代，只係因為在較梳離的環境下長大，才會較為泠漠．（你諗吓，我地細個住公屋，一定全層家家户户都識．而家呢，一層八伙人，你識兩家人都算叻啦)
馬老,雖然未收到,但都祝定你青春常駐、升職加薪。
那地址可以寄到,而且只要你唔在信封面註明內有利是應冇人會動!
(PS.最好響應曾特首,連生貴子!)
想不到年輕人的意見是那麼一致的，亦想不到原來真心的說聲「多謝」也不代表有禮貌。我大概不是到茶餐廳吃東西時，見到男的就叫「靚仔」、見到女的就必然叫「靚女」的人。我想我也沒有升職機會吧，真是不懂人情世故、說話技巧！要亡羊補牢也不及了，麻煩各位年輕人明年請早。
我就是缺乏馬兄所提及的「修養」，怪不得畢業幾年後在職場上都是浮浮沉沉。突然間，回想起小時候騎機器馬的情景，入了幾個硬幣，機器馬不單只會動，還會唱歌播音樂呢！
大家講得啱啦,你同人講恭喜發財,即係等如攤大手板問人拿利是一樣,你話幾唔好意思呢,除非你重係十零廿歲啦
其實我都有點覺得, 人快到三十, 收利是的代價必然是被問幾時結婚, 真的情願你不派我不收. 但我也跟馬沙老闆口中所說的年青人一樣, 張口結舌的不懂得講幾句吉祥說話, 有的話也只會例牌講那句身體健康萬事如意...真的太少與人相處了
馬沙,,
你又唔早些講喎,原來老板們係咁鐘意下屬齊齊入佢房和佢拜年架..?!咁我出年..我會識做拉..
其實,呢度有冇些都係派利是的人或老細呢,你地可唔可以發表吓你地意見呢
都成三十幾歲人,
仍然是單身的話,
和成班二十幾歲靚仔靚妹齊齊入老板房拜年豆利是的話,都幾核突啊...
你地已婚的人事,有冇想到我地呢d成三十幾人还未有著落,仲走去你o果度主動和你豆利是的心理關口呢..?舊時年記細,無所謂主動和成班同年紀的同事一起入去老板房拜年豆利事,但人年紀越大越唔想做呢d 野,...你地呢d老板階層,要人入你房和你拜年豆利是..無非都係一種另自己有高人一等的感受,去抬高自己啊
唔知馬沙會否寄利是比"若缺齋老人 "呢?
馬兄,我又想要呀.!?你o米預咗比我地呢d 未結婚的人呢?哈哈:p
高層馬沙,恭喜發財,利是豆來呀))))))))))
今次"敝拉"..公司的高層比你利是我時,我實在太開心,當其時開心到一路收利是一路响呢個高層講萬事如意,心想事成,但我好似無和佢講多謝,當時我只是講了一些吉祥的恭賀說話,死拉,公司個高層會否覺得我唔polite呢,無講thank you
個高層會否記住我呢,唉...
唔....我都理解馬沙的諗法，真金白銀俾封利是人地，人地淨係好冷漠咁講"多謝"兩個字，又真係唔知點... 唔一定話要講番恭喜說話，因為幾老土，尤對後生一輩來說，反而係有一兩回應，大家說下笑，唔係一句多謝後就斷左尾，默然靜止，我估馬沙係呢個意思...不過對方收過利是後有冇野講，其實係好睇你地平時有冇交流，大家係熟的，自然有野講，傾幾句，唔熟的，對方收左你利是後，除了講"多謝"，其實真係唔知講乜...
不過呢個topic好好，係帶出兩代人的差異...講真我地呢代，真係對電腦多個對人，表兄堂妹，越來越少，有都唔熟，倫理概念，真係差些。拜年呢些傳統，我諗不出十五年，就會fade out，而派利是呢頂習俗，我諗到我們呢一代還能維持，下一代好難lu...
不過有一句同意:往往清潔嬸嬸係最有禮貌、亦係最真既人。
清潔嬸嬸最有禮貌?我又不覺喎,因為我公司其中一個亞嬸佢好厲害的,佢見倒有房座的高層,即刻笑晒口和佢地講早晨,見倒我地呢d低層,就黑面不打招呼,想和佢打招呼佢都唔采你,我地低層個垃圾筒稍為多些垃圾,佢即刻黑面,比面色我地看,呢個咩世界呀?連清潔嬸嬸都見高拜見低"柴"..
清潔係佢職責,無拉拉都唔知點解要受呢個阿嬸的氣?
網友提到話----"不過有一句同意:往往清潔嬸嬸係最有禮貌、亦係最真既人。"
我公司的清潔嬸嬸就不是,佢最愛在其他人面前搬弄是非,有一次我唔小心搞錯了些東西要佢做多了,我已經即刻和佢say sorry,佢當時仲笑笑口話唔緊要,但佢轉個頭即刻在人事經理和我老細面前擺我上台,想我死...
有個主任又係鍾意聽祝賀說話先派利事，呢個主任可能唔知我地平時最恨的是佢(辦公室公敵)，佢等到就來收工都沒人主動去同佢講，終於主任自己走來話派利事，不過一定要我們講祝賀，我地唔講佢唔派又唔走，口頭祝福佢，心入面...，陰影好大，情願不用收，多謝多謝。
已緍人士己緍人士，請不要派利事給我，雖然軀殼已過三十，心境卻維持十八，已經忘記今年是何年，不要問我幾時到我派，多謝多謝﹗
新年願望:1)取消派利事，2)新年假放到十五，大家都唔晒煩。
唔收利事，但祝大家新年進步，人人身體健康。
我覺得最重要的是要看派利是者的感覺.
以我公司為例,以前真係有好多時會有十幾廿人,有d仲超過30歲,去打劫利是,唸口枉咁講講句恭喜發財,就係為左廿蚊!劫一日都可能有返二三百掛?真係cheap到出面.連派利是既同事都厭惡佢地既行為.派利是既文化就係俾呢班人搞衰.
為左同呢班人劃清界線,我地潔身自愛的一班人都只係會1-on-1,on ocassion地去恭喜發財,呢d野真係要好小心,廢事瓜田李下.
恭賀的說話一定要說
對
是禮貌
wow....從未來見過一篇 blog post 的 comments 係咁令我「感同身受」的。
原來只差幾年至十年的年紀﹐大家的 ideology 已經可以咁唔同。
三十過外的﹐唔覺得主動周圍同人講「恭喜發財」; 相反﹐三十之內的...我都係...真真正正地覺得﹐四萬咁口追住人來講「恭喜發財」﹐之後一輪咀咁講其他恭賀說話...
...同拿住把刀仔講「要錢定要命！」無分別...
呀...點解呢？點解 across 唔同層面的﹐唔同地域的年輕人﹐都會不約而同地﹐有呢一個概念的呢？
未過新十五﹐都照講句「大家身體健康」！
艾也..
當我收取客戶利是時, 也是說聲多謝已.其實我是真心多謝他們的, 只是礙於「怕面懵」,所以沒有主動同客人或上司說恭賀的話.
我怕俾別人一個感覺, 就係想「討利是」先講好說話.....難聽些講...怕俾人話我cheap .
原來都是自己想多了....別人眼中,好似「馬沙」咁,原來覺得我地呢班小妮子無禮貌.
我要改善下啦.
小妹都記得以前舊公司年年初四大家都鍾意去o的老闆門口講恭喜發財收利是. 隨時每間房門口都有四,五十人排隊... 公司有幾層office... 但後尾好多老闆過完年開工第一日都放假. (理由就好簡單啦... )
其實我諗馬沙老闆都係想帶出年輕一代無禮貌o者. 小妹雖然離三十仲有一段距離, 但真係好同意馬沙老闆講依家o的人無禮貌... 好似朝早搭笠o的人多數都唔會講早晨, 點個頭都懶, 一入笠超一超你, 真係唔係咁好o羅... 至於唔幫人斟茶依樣o野就... 唉... 小妹試過斟茶斟足成餐茶... 而大部份同枱o既, 都係男士...
發佈留言